തുല്യതയുള്ള സമൂഹത്തെ സൃഷ്​ടിക്കും; ബ്ലോക്ക്​ചെയിൻ സാ​ങ്കേതികവിദ്യയെ പിന്തുണക്കുന്നുവെന്ന്​ അംബാനി

ന്യൂഡൽഹി: ബ്ലോക്ക്​ചെയിൻ സാ​ങ്കേതിക വിദ്യയെ പിന്തുണച്ച്​ വ്യവസായ ഭീമൻ മുകേഷ്​ അംബാനി. ക്രിപ്​റ്റോ കറൻസിയിൽ നിന്നും വ്യത്യസ്​തമാണ്​ ബ്ലോക്ക്​ ചെയിൻ. വിശ്വാസ്യതയിൽ അധിഷ്​ഠിതമായ കൂടുതൽ തുല്യതയുള്ള സമൂഹത്തെ ബ്ലോക്ക്​ചെയിൻ സൃഷ്​ടിക്കുമെന്നും അംബാനി പറഞ്ഞു. ഇൻഫിനിറ്റി ഫോറം സംഘടിപ്പിച്ച പരിപാടിയിൽ സംസാരിക്കു​േമ്പാഴാണ്​ ബ്ലോക്ക്​ചെയിൻ ടെക്​നോളജിയെ കുറിച്ച്​ അംബാനി പ്രസ്​താവന നടത്തിയത്​.

ഡാറ്റ സ്വകാര്യത ബില്ലും ക്രിപ്​റ്റോ കറൻസി ബില്ലും ഈ രംഗത്തെ പ്രധാനപ്പെട്ട മുന്നേറ്റങ്ങളാണ്​. ഡിജിറ്റൽ ലോകത്ത്​ പുരോഗമനപരമായ നയങ്ങളും നിയന്ത്രണങ്ങളുമാണ്​ ഇന്ത്യ കൊണ്ടു വരുന്നത്​. ഡാറ്റയാണ്​ പുതിയ എണ്ണ. സ്വകാര്യതക്ക്​ വേണ്ടി രാജ്യത്ത്​ നടപ്പാക്കിയ നിയമങ്ങൾ എല്ലാ പൗരൻമാർക്കും സുരക്ഷ നൽകുന്നുണ്ടെന്നും അദ്ദേഹം കൂട്ടിച്ചേർത്തു.

ഡാറ്റയും ഡിജിറ്റൽ അടിസ്ഥാന സൗകര്യങ്ങളും ഇന്ത്യക്കും മറ്റെല്ലാ രാജ്യങ്ങൾക്കും പ്രധാനപ്പെട്ടതാണ്​. എല്ലാ രാജ്യങ്ങൾക്കും ഡിജിറ്റൽ അടിസ്ഥാന സൗകര്യങ്ങൾ ഒരുക്കാനും അത്​ സംരക്ഷിക്കാനുമുള്ള അവകാശമുണ്ട്​. ഒപ്​ടിക്കൽ ഫൈബർ, ക്ലൗഡ്​, ഡാറ്റ സെന്‍റർ ഇൻഫ്രാസ്​ട്രക്​ചർ എന്നിവയിൽ ഇനി റിലയൻസ്​ ശ്രദ്ധകേന്ദ്രീകരിക്കും. അടുത്ത വർഷത്തോടെ 5ജി സേവനം അവതരിപ്പിക്കാൻ കഴിയുമെന്നാണ്​ പ്രതീക്ഷയെന്നും അംബാനി പറഞ്ഞു.

ക്രിപ്​റ്റോ കറൻസിയെ നിയന്ത്രിക്കുന്നതിനായി കേന്ദ്രസർക്കാർ നീക്കം നടത്തുന്നതിനിടെയാണ്​ ബ്ലോക്ക്​ചെയിൻ സാ​ങ്കേതികവിദ്യയെ പിന്തുണച്ച്​ രാജ്യത്തെ ഏറ്റവും വലിയ വ്യവസായി തന്നെ രംഗത്തെത്തിയിരിക്കുന്നത്​. ഡിജിറ്റൽ കറൻസികളുടെ സമ്പൂർണ്ണ നിരോധനമല്ല നിയന്ത്രണമാണ്​ ഉദ്ദേശിക്കുന്നതെന്ന്​ കേന്ദ്രസർക്കാർ വ്യക്​തമാക്കിയിരുന്നു.