ഇന്ത്യയിലെ ഒരു കമ്പനിയും ​കൈവരിക്കാത്ത നേട്ടം സ്വന്തമാക്കി റിലയൻസ്​

മുംബൈ: ഇന്ത്യയിലെ ഒരു കമ്പനിയും കൈവരിക്കാത്ത നേട്ടം സ്വന്തമാക്കി റിലയൻസ്​. ഫോർച്യുൺ ഗ്ലോബൽ 500 ലിസ്​റ്റിൽ ആദ്യ 100 സ്ഥാനങ്ങളിലൊന്നിൽ റിലയൻസ്​ ഇടംപിടിച്ചു. കമ്പനികളുടെ വരുമാനത്തി​െൻറ അടിസ്ഥാനത്തിലാണ്​ ലിസ്​റ്റ്​​ തയാറാക്കിയിരിക്കുന്നത്​. 86.2 ബില്യൺ ഡോളറാണ്​ റിലയൻസി​െൻറ വരുമാനം.

2020ലെ റാങ്കിങ്​ പ്രകാരം റിലയൻസിന്​ 96ാം സ്ഥാനമാണുള്ളത്​. 2020 മാർച്ച്​ 31 വരെയുള്ള കണക്കുകൾ പ്രകാരമാണ്​ ഫോർച്യുൺ 500 ലിസ്​റ്റ്​ തയാറാക്കിയിരിക്കുന്നത്​​. 151ാം റാങ്കുളള ഇന്ത്യൻ ഓയിൽ കോർർപ്പറേഷനും 190ാം സ്ഥാനത്തുള്ള നാച്ചുറൽ ഗ്യാസ്​ കോർപ്പറേഷനുമാണ്​ ആദ്യ 200ൽ ഇടംപിടിച്ച മറ്റ്​ കമ്പനികൾ. 15 സ്ഥാനങ്ങൾ മെച്ചപ്പെടുത്തി എസ്​.ബി.ഐ 221ാം റാങ്ക്​​ നേടി​.

അമേരിക്കൻ റീടെയിൽ കമ്പനിയായ വാൾമാർട്ടാണ്​ ഒന്നാം സ്ഥാനത്ത്​. 524 ബില്യൺ ഡോളറാണ്​ വാൾമാർട്ടി​െൻറ വരുമാനം.