ഇപ്പോഴുള്ള വിലക്ക്​ 5ജി സ്​പെക്​ട്രം വാങ്ങാനാവില്ല; മൊബൈൽ നിരക്കുകൾ ഇനിയും കൂ​ട്ടേണ്ടി വരും -എയർടെൽ സി.ഇ.ഒ

മുംബൈ: ടെലികോം മന്ത്രാലയം ഇപ്പോൾ നിശ്​ചയിച്ചിരിക്കുന്ന തുകക്ക്​ 5ജി സ്​പെക്​ട്രം വാങ്ങാനാവില്ലെന്ന്​ എയർടെൽ സി.ഇ.ഒ ഗോപാൽ വിത്തൽ. 2021 ജനുവരിക്കും മാർച്ചിനും ഇടയിൽ അടുത്ത ലേലം നടക്കും. പക്ഷേ ഇപ്പോൾ നിശ്​ചയിച്ചിരിക്കുന്ന തുകക്ക്​ 5ജി സ്​പെക്​ട്രം ഞങ്ങൾക്ക്​ വാങ്ങാനാവില്ല. ഗ്രാമീണമേഖലയിലെ കവേറജ്​ വർധിപ്പിക്കുന്നതി​െൻറ ഭാഗമായി കൂടുതൽ 4ജി സ്​പെക്​ട്രം വാങ്ങുമെന്നും എയർടെൽ സി.ഇ.ഒ വ്യക്​തമാക്കി.

എയർടെലി​െൻറ രണ്ടാംപാദ ലാഭഫലം പുറത്ത്​ വന്നതിനെ പിന്നാലെ കമ്പനിയുടെ ഓഹരികൾ കുതിച്ചിരുന്നു. 13 ശതമാനത്തി​െൻറ നേട്ടമാണ്​ എയർടെൽ ഓഹരികൾക്ക്​ ഉണ്ടായത്​. 450 രൂപക്ക്​ മുകളിലാണ്​ കമ്പനി ഓഹരികളുടെ വ്യാപാരം. നഷ്​ടം കുറച്ചതും റെക്കോർഡ്​ വരുമാനവുമാണ്​ എയർടെൽ ഓഹരികളുടെ കുതിപ്പിന് കാരണം. ഇതിന്​ പിന്നാലെയാണ്​ സ്​പെക്​ട്രം ലേലത്തിൽ 5ജി വാങ്ങില്ലെന്ന്​ എയർടെൽ അറിയിച്ചത്​.

കോൾ, ഡേറ്റ ചാർജുകൾ ഇനിയും വർധിപ്പിക്കേണ്ടി വരുമെന്ന സൂചനയും എയർടെൽ സി.ഇ.ഒ നൽകിയിട്ടുണ്ട്​. എപ്പോൾ ഇതുസംബന്ധിച്ച പ്രഖ്യാപനം ഉണ്ടാവുമെന്ന്​ വ്യക്​തമാക്കിയിട്ടില്ലെങ്കിലും വൈകാതെ എല്ലാ കമ്പനികൾക്കും ഈ രീതിയിൽ ചിന്തിക്കേണ്ടി വരുമെന്നും അദ്ദേഹം പറഞ്ഞു.