കഴിഞ്ഞ വർഷം കണ്ടെത്തിയത്​ 35,000 കോടിയുടെ ജി.എസ്​.ടി തട്ടിപ്പ്​; 426 പേർ അറസ്റ്റിൽ

ന്യൂഡൽഹി: കഴിഞ്ഞ സാമ്പത്തിക വർഷം 35,000 കോടിയുടെ ജി.എസ്​.ടി തട്ടിപ്പ്​ കണ്ടെത്തിയെന്ന്​ റിപ്പോർട്ട്​. ഇൻപുട്ട്​ ടാക്​സ്​ ക്രെഡിറ്റിൽ കൃത്രിമം വരുത്തിയാണ്​ തട്ടിപ്പ്​ നടത്തിയിരിക്കുന്നത്​. ഡയറ്​കടർ ജനറൽ ഓഫ്​ ജി.എസ്​.ടി ഇന്‍റലിജൻസ്​ ഇക്കാലയളവിൽ 8,000ത്തോളം കേസുകൾ ഇതുമായി ബന്ധപ്പെട്ട്​ എടുത്തിട്ടുണ്ടെന്നും പരോക്ഷ നികുതി വകുപ്പിന്‍റെ റിപ്പോർട്ട്​ വ്യക്​തമാക്കുന്നു.

ഇൻപുട്ട്​ ടാക്​സ്​ ക്രെഡിറ്റിൽ കൃത്രിമം നടത്തിയാണ്​ സാധാരണയായി ജി.എസ്​.ടിയിൽ തട്ടിപ്പ്​ നടത്തുകയെന്നും കേന്ദ്ര പരോക്ഷ നികുതി വകുപ്പ്​ പുറത്തിറക്കിയ പ്രസ്​താവനയിൽ പറയുന്നു. വ്യാജ ബില്ലുകളുണ്ടാക്കിയും ഇൻപുട്ട്​ ടാക്​സ്​ ക്രെഡിറ്റിൽ തട്ടിപ്പ്​ നടത്തിയിട്ടുണ്ട്​. ജി.എസ്​.ടി സ​​മ്പ്രദായം നിലവിൽ വന്നത്​ മുതൽ ഇത്തരം തട്ടിപ്പുകൾ ശ്രദ്ധയിൽപ്പെട്ടിരുന്നുവെന്നും അവർ വ്യക്​തമാക്കി.

നികുതി വെട്ടിപ്പുമായി ബന്ധപ്പെട്ട്​ 426 പേർ അറസ്റ്റിലായിരുന്നു. ഇതിൽ 14 പേർ പ്രൊഫഷണലുകളാണ്​. ചാർ​േട്ടർഡ്​ അക്കൗണ്ടുമാർ, അഭിഭാഷകർ, ഡയറക്​ടർമാർ എന്നിവരെല്ലാം അറസ്റ്റിലായവരിൽ ഉൾപ്പെടുന്നു. 2020 നവംബർ ഒമ്പതിന്​ വ്യാജ ഇൻപുട്ട്​ ടാക്​സ്​ ക്രെഡിറ്റ്​ കണ്ടെത്താൻ പ്രത്യേക പരിശോധനകൾക്ക്​ തുടക്കം കുറിച്ചിരുന്നു. എന്നാൽ, കോവിഡിനെ തുടർന്ന്​ പരിശോധനകളിൽ വേഗം കുറഞ്ഞുവെന്നും നികുതി വകുപ്പ്​ സമ്മതിച്ചു.