കോവിഡ് രണ്ടാം തരംഗം​: വലിയ പ്രത്യാഘാതം സമ്പദ്​വ്യവസ്ഥയിൽ​ ഉണ്ടാവില്ലെന്ന്​ ആർ.ബി.ഐ

ന്യൂഡൽഹി: കോവിഡ്​ രണ്ടാം തരംഗം രാജ്യത്ത്​ രൂക്ഷമായി തുടരുന്നതിനിടെ സമ്പദ്​വ്യവസ്ഥ സംബന്ധിച്ച പുതിയ റിപ്പോർട്ട്​ പുറത്ത്​ വിട്ട്​ ആർ.ബി.ഐ. ഒന്നാം തരംഗത്തിലുണ്ടായത്​ പോലെ അതീവ ഗുരുതരമായ സ്ഥിതി സമ്പദ്​വ്യവസ്ഥയിൽ ഉണ്ടാവില്ലെന്നാണ്​ ആർ.ബി.ഐ പ്രവചനം. 2021-22 സാമ്പത്തിക വർഷത്തി​െൻറ ആദ്യപാദത്തിൽ കനത്ത തിരിച്ചടി സമ്പദ്​വ്യവസ്ഥക്കുണ്ടാവില്ലെന്നാണ്​ ആർ.ബി.ഐ ചൂണ്ടിക്കാട്ടുന്നത്​.

യഥാർഥ സമ്പദ്​വ്യവസ്ഥയിൽ കോവിഡി​െൻറ ആഘാതം ഒന്നാം തരംഗത്തിനേക്കാളും കുറവായിരിക്കും. പ്രാദേശികമായ ലോക്​ഡൗൺ, വർക്ക്​ ഫ്രം ഹോം പ്രോ​ട്ടോകൾ, ഓൺലൈൻ ഡെലിവറി, ഇ-കോമേഴ്​സ്​ പ്ലാറ്റ്​ഫോം, ഡിജിറ്റൽ പേയ്​മെൻറ്​ എന്നിവയെല്ലാം രണ്ടാം തരംഗത്തിൽ സമ്പദ്​വ്യവസ്ഥയെ സഹായിക്കുമെന്ന്​ ആർ.ബി.ഐ പറയുന്നു.

രാജ്യത്തെ വിതരണശൃഖല​യെ രണ്ടാം തരംഗം കാര്യമായി ബാധിച്ചി​ട്ടില്ലെന്ന്​ ആർ.ബി.ഐ വിലയിരുത്തുന്നു. കാർഷികമേഖല, ഐ.ടി തുടങ്ങിയ മേഖലകൾ കോവിഡ്​ പ്രോ​ട്ടോകോൾ പാലിച്ച്​ പ്രവർത്തിക്കുന്നുണ്ട്​. ഇത്​ സമ്പദ്​വ്യവസ്ഥയിൽ കാര്യമായ സ്വാധീനം ചെലുത്തുന്നുണ്ടെന്നും ആർ.ബി.ഐ വ്യക്​തമാക്കുന്നു.