ഇന്ത്യയിൽ വ്യാവസായിക പ്രവർത്തനങ്ങളിൽ വൻ ഇടിവ്​; ഒരു വർഷത്തിനിടയിലെ ഏറ്റവും മോശം അവസ്ഥയെന്ന്​ നൗമുറ

ന്യൂഡൽഹി: ഇന്ത്യയിലെ വ്യവസായിക പ്രവർത്തനങ്ങളിൽ വൻ ഇടിവുണ്ടായെന്ന്​ ജാപ്പനീസ്​ ബ്രോക്കറേജ്​ സ്ഥാപനമായ നൗമുറ. ഒരാഴ്​ചയിൽ ഉണ്ടാവുന്ന ഏറ്റവും വലിയ ഇടിവാണ്​ ഇന്ത്യൻ വ്യവസായരംഗത്തിന്​ കഴിഞ്ഞയാഴ്​ചയുണ്ടായത്​​. കോവിഡ്​ രണ്ടാം തരംഗമാണ്​ ഇടിവുണ്ടാകുന്നതിനുള്ള പ്രധാനകാരണം.

നൗമുറയുടെ ഇന്ത്യ ബിസിനസ്​ റിസംപ്​ഷൻ സൂചിക​ 8.5 ശതമാനം പോയിൻറ്​ നഷ്​ടത്തോടെ 75.9ലാണ്​ കഴിഞ്ഞയാഴ്​ച എത്തിയത്​. കഴിഞ്ഞ വർഷം ആഗസ്​റ്റിന്​ ശേഷം ഇതാദ്യമായാണ്​ സൂചിക ഇത്രയും വലിയ ഇടിവ്​ രേഖപ്പെടുത്തുന്നതെന്ന്​ നൗമുറ വ്യക്​തമാക്കുന്നു.

കൂടുതൽ നിയ​ന്ത്രണങ്ങൾ നിലവിൽ വന്നതും​ ഉപഭോക്​താക്കളുടെ പെരുമാറ്റത്തിലുണ്ടായ മാറ്റവുമാണ്​ സൂചിക ഇത്രത്തോളം ഇടിയാൻ കാരണം. അതേസമയം, നിർമാണ, കാർഷിക മേഖലകളിൽ വലിയ തിരിച്ചടിയുണ്ടായിട്ടില്ലെന്നാണ്​ ഏജൻസിയുടെ വിലയിരുത്തൽ.

ഏപ്രിലിലെ ആദ്യ മൂന്നാഴ്​ചയിൽ ഇ-വേ ബില്ലുകളിൽ 31 ശതമാനത്തി​െൻറ കുറവാണുണ്ടായത്​. ഡിമാൻഡ്​ കുറഞ്ഞതാണ്​ ഇതിനുള്ള കാരണമെന്നും ഏജൻസി വിലയിരുത്തുന്നു. നേരത്തെ കോവിഡ്​ രണ്ടാം തരംഗത്തി​െൻറ പശ്​ചാത്തലത്തിൽ ഇന്ത്യയുടെ ജി.ഡി.പി സംബന്ധിച്ച പ്രവചനത്തിൽ നൗമുറ മാറ്റം വരുത്തിയിരുന്നു.