ചെറുകിട നിക്ഷേപ പദ്ധതികളുടെ പലിശ വെട്ടിക്കുറച്ച നടപടി റദ്ദാക്കി
text_fieldsന്യൂഡൽഹി: ചെറുകിട നിക്ഷേപ പദ്ധതികളുടെ പലിശ വെട്ടിക്കുറച്ച നടപടി ധനകാര്യമന്ത്രാലയം റദ്ദാക്കി. 2020-21 സാമ്പത്തിക വർഷത്തിന്റെ അവസാനപാദത്തിലെ പലിശനിരക്ക് തന്നെ തുടരുമെന്ന് ധനമന്ത്രി വ്യക്തമാക്കി. കഴിഞ്ഞ ദിവസമാണ് പലിശനിരക്കുകൾ കുറച്ചുകൊണ്ടുള്ള കേന്ദ്രസർക്കാറിന്റെ തീരുമാനം പുറത്ത് വന്നത്.
40 മുതൽ 110 ബേസിക് പോയിന്റിന്റെ കുറവാണ് പലിശനിരക്കുകളിൽ കേന്ദ്രസർക്കാർ വരുത്തിയത്. 0.4 ശതമാനം മുതൽ 1.1 ശതമാനം വരെ പലിശ നിരക്കുകൾ കുറച്ചിരുന്നു. പി.പി.എഫ് പലിശ നിരക്ക് 46 വർഷത്തിനിടയിൽ ഇതാദ്യമായി ഏഴ് ശതമാനത്തിന് താഴെ പോകുന്നതിനും സർക്കാർ നടപടി കാരണമായിരുന്നു.
പബ്ലിക് പ്രൊവിഡന്റ് ഫണ്ട് 7.1 ശതമാനത്തിൽ നിന്ന് 6.4 ശതമാനമാക്കി കുറച്ചു. നാഷണൽ സേവിങ് സർട്ടിഫിക്കറ്റ് 5.9 ശതമാനമായും സുകന്യ സമൃദ്ധി യോജനയുടേത് 6.9 ശതമാനമായും പലിശ നിരക്ക് കുറച്ചു. പോസ്റ്റ് ഓഫീസിലെ വിവിധ കാലയളവിനുള്ളിലെ നിക്ഷേപങ്ങൾക്കുള്ള പലിശ നിരക്ക് 0.40 ശതമാനത്തിൽ നിന്ന് 1.1 ശതമാനം വരെ കുറച്ചിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.