നികുതികളിൽ മാറ്റമില്ല; പ്രധാന പ്രഖ്യാപനങ്ങളില്ലാതെ ഇടക്കാല ബജറ്റ് -LIVE UPDATES
text_fieldsന്യൂഡൽഹി: സുപ്രധാനമായ പ്രഖ്യാപനങ്ങളൊന്നും നടത്താതെ ധനമന്ത്രി നിർമല സീതാരാമന്റെ ഇടക്കാല ബജറ്റ്. തെരഞ്ഞെടുപ്പിന് മാസങ്ങൾ മാത്രം ശേഷിക്കെ രണ്ടാം നരേന്ദ്ര മോദി സർക്കാറിന്റെ അവസാന ബജറ്റിൽ വലിയ പദ്ധതികളുടെ പ്രഖ്യാപനങ്ങളുണ്ടായില്ല. ദരിദ്രർ, വനിതകൾ, യുവാക്കൾ, കർഷകർ എന്നിവർക്കാണ് ബജറ്റിൽ ഊന്നൽ നൽകുന്നത്. കൂടുതൽ തൊഴിലവസരങ്ങൾ സൃഷ്ടിക്കാനുള്ള ചില നിർദേശങ്ങളും റെയിൽവേ, ടൂറിസം മേഖലയുടെ വികസനത്തിന് വേണ്ടിയുള്ള പ്രഖ്യാപനങ്ങളുമാണ് ബജറ്റിൽ ഇടംപിടിച്ചിരിക്കുന്നത്. ഭക്ഷണം, പാർപ്പിടം, തൊഴിൽ തുടങ്ങിയ ജനങ്ങളുടെ അടിസ്ഥാന ആവശ്യങ്ങൾ നിറവേറ്റുന്നതിനായി മോദി സർക്കാർ കൊണ്ടുവന്ന പദ്ധതികൾ കൂടുതൽ വിപുലമാക്കുമെന്നും ബജറ്റിൽ പ്രഖ്യാപനമുണ്ട്.
LIVE UPDATES
Live Updates
- 1 Feb 2024 5:58 AM GMT
അഞ്ച് വർഷം കൊണ്ട് രണ്ട് കോടി വീടുകൾ
അടുത്ത അഞ്ച് വർഷം കൊണ്ട് രണ്ട് കോടി വീടുകൾ കൂടി നിർമിക്കും
- 1 Feb 2024 5:57 AM GMT
വീടുകളിൽ സോളാർ പദ്ധതി
വീടുകളിലെ സോളാർ പദ്ധതികളിലൂടെ 300 യൂണിറ്റ് വൈദ്യതി സൗജന്യമായി നൽകും
- 1 Feb 2024 5:53 AM GMT
ദരിദ്രർ, വനിതകൾ, യുവാക്കൾ, കർഷകർ; നാല് വിഭാഗങ്ങൾക്ക് ബജറ്റിൽ മുൻഗണന
ന്യൂഡൽഹി: ദരിദ്രർ, വനിതകൾ, യുവാക്കൾ, കർഷകർ എന്നീ നാല് വിഭാഗങ്ങൾക്കാണ് ബജറ്റിൽ മുൻഗണനയെന്ന് കേന്ദ് ധനമന്ത്രി നിർമല സീതാരാമൻ.
- 1 Feb 2024 5:47 AM GMT
വികസനത്തിന്റെ മധുരം ജനങ്ങളിലെത്തി -ധനമന്ത്രി
ന്യൂഡൽഹി: വികസനത്തിന്റെ ഫലം ജനങ്ങളിലെത്തിക്കാൻ കേന്ദ്ര സർക്കാറിന് സാധിച്ചെന്ന് ധനമന്ത്രി നിർമല സീതാരാമൻ. ബജറ്റ് അവതരണത്തിന് മുന്നോടിയായി പാർലമെന്റിൽ സംസാരിക്കുകയായിരുന്നു അവർ.
വികസനത്തിന്റെ ഫലപ്രാപ്തി ജനങ്ങളിലേക്ക് എത്തിത്തുടങ്ങി. രാജ്യത്തിന് ഒരു പുതിയ ലക്ഷ്യബോധം ലഭിച്ചു. പ്രധാനമന്ത്രി നരേന്ദ്ര മോദിയുടെ കീഴിൽ രണ്ടാം ടേമിൽ സർക്കാർ അതിന്റെ നേട്ടങ്ങൾ ഇരട്ടിയാക്കി.
എല്ലാവരെയും ഉൾക്കൊള്ളിച്ചുള്ള വികസനമാണ് മോദി സർക്കാർ മുന്നോട്ടുവെക്കുന്നത്. ഈ സർക്കാറിനെ വീണ്ടും ശക്തമായ ജനവിധിയിലൂടെ ജനങ്ങൾ അനുഗ്രഹിക്കുമെന്നാണ് പ്രതീക്ഷിക്കുന്നതെന്നും ധനമന്ത്രി പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.