കയറ്റുമതി സാധ്യത തേടി റബര്‍ ബോര്‍ഡ്

കോ​ട്ട​യം: റ​ബ​റി​ന്‍റെ രാ​ജ്യാ​ന്ത​ര വി​ല​യി​ലു​ണ്ടാ​യ വ​ർ​ധ​ന മു​ത​ലെ​ടു​ക്കാ​ൻ റ​ബ​ര്‍ ബോ​ര്‍ഡ് ഇ​ട​പെ​ട​ൽ. രാ​ജ്യ​ത്ത്​ വി​ല കു​റ​ഞ്ഞു നി​ൽ​ക്കു​ന്ന സാ​ഹ​ച​ര്യ​ത്തി​ൽ ക​യ​റ്റു​മ​തി സാ​ധ്യ​ത​ക​ൾ പ​രി​ശോ​ധി​ക്കാ​ൻ ബോ​ർ​ഡ്​ യോ​ഗം വി​ളി​ച്ചു. റ​ബ​ര്‍ ക​യ​റ്റു​മ​തി​ക്കാ​രു​ടെ​യും റ​ബ​ർ ബോ​ര്‍ഡ് ക​മ്പ​നി​ക​ളു​ടെ​യും യോ​ഗം വെ​ള്ളി​യാ​ഴ്ച രാ​വി​ലെ 11ന് ​ബോ​ര്‍ഡ് ആ​സ്ഥാ​ന​ത്ത് ഹൈ​ബ്രി​ഡ് മോ​ഡി​ല്‍ ന​ട​ത്താ​നാ​ണ്​ തീ​രു​മാ​നം.

ബോ​ര്‍ഡ് എ​ക്‌​സി​ക്യൂ​ട്ടി​വ് ഡ​യ​റ​ക്ട​റു​ടെ അ​ധ്യ​ക്ഷ​ത​യി​ല്‍ ചേ​രു​ന്ന യോ​ഗ​ത്തി​ൽ നി​ല​വി​ലെ സ്ഥി​തി​ഗ​തി​ക​ള്‍ വി​ല​യി​രു​ത്തു​ക​യും ഷീ​റ്റ്​ റ​ബ​റി​ന്‍റെ വി​വി​ധ ഗ്രേ​ഡു​ക​ളു​ടെ ക​യ​റ്റു​മ​തി സാ​ധ്യ​ത​ക​ള്‍ പ​രി​ശോ​ധി​ക്കു​ക​യും ചെ​യ്യു​മെ​ന്ന്​ റ​ബ​ർ ബോ​ർ​ഡ്​ അ​റി​യി​ച്ചു.

റ​ബ​ർ ക​യ​റ്റു​മ​തി​ക്ക്​ ഇ​ന്‍സെ​ന്‍റി​വ് ന​ല്‍കു​ന്നു​ണ്ടെ​ങ്കി​ലും രാ​ജ്യ​ത്തു​നി​ന്നു​ള്ള ക​യ​റ്റു​മ​തി നാ​മ​മാ​ത്ര​മാ​ണ്. നി​ല​വി​ലെ സാ​ഹ​ച​ര്യ​ത്തി​ൽ ഇ​ത്​ വ​ർ​ധി​പ്പി​ക്കാ​ൻ ല​ക്ഷ്യ​മി​ട്ടാ​ണ്​ നീ​ക്കം. ക​ഴി​ഞ്ഞ ജ​നു​വ​രി മു​ത​ൽ ആ​ഭ്യ​ന്ത​ര വി​ല​യെ​ക്കാ​ൾ ഉ​യ​ർ​ന്ന​നി​ല​യി​ലാ​ണ്​ രാ​ജ്യാ​ന്ത​ര വി​ല. നി​ല​വി​ല്‍ ആ​ഭ്യ​ന്ത​ര-​രാ​ജ്യാ​ന്ത​ര വി​ല​ക​ള്‍ ത​മ്മി​ലെ അ​ന്ത​രം 42 രൂ​പ​യാ​ണ്. ചൊ​വ്വാ​ഴ്ച ബാ​ങ്കോ​ക്ക് വി​ല 217.43 രൂ​പ​യും റ​ബ​ര്‍ ബോ​ര്‍ഡ് വി​ല 175 രൂ​പ​യു​മാ​യി​രു​ന്നു.

തെ​ക്ക്-​കി​ഴ​ക്ക​ന്‍ ഏ​ഷ്യ​ന്‍ രാ​ജ്യ​ങ്ങ​ളി​ലെ ശൈ​ത്യ​കാ​ല​വും ന​വം​ബ​ര്‍- ഡി​സം​ബ​ര്‍ മാ​സ​ങ്ങ​ളി​ലെ പ്ര​തി​കൂ​ല കാ​ലാ​വ​സ്ഥ​യു​മാ​ണ് റ​ബ​ര്‍ക്ഷാ​മ​ത്തി​നും രാ​ജ്യാ​ന്ത​ര വി​ല ഉ​യ​ര്‍ച്ച​ക്കും കാ​ര​ണം. ഇ​തോ​ടെ, ക​യ​റ്റു​മ​തി​ക്ക്​ ആ​വ​ശ്യ​മാ​യ ഇ​ട​പെ​ട​ലു​ക​ള്‍ കേ​ന്ദ്ര​സ​ര്‍ക്കാ​റി​ന്‍റെ ഭാ​ഗ​ത്ത്​ നി​ന്നു​ണ്ടാ​ക​ണ​മെ​ന്ന് ആ​വ​ശ്യ​മു​യ​ര്‍ന്നി​രു​ന്നു.

അ​തി​നി​ടെ, രാ​ജ്യ​ത്ത്​ റ​ബ​റു​ൽ​പാ​ദ​നം വ​ർ​ധി​ച്ച​താ​യാ​ണ്​ ക​ണ​ക്കു​ക​ൾ. ഈ ​സാ​മ്പ​ത്തി​ക വ​ര്‍ഷം ഏ​പ്രി​ല്‍ മു​ത​ല്‍ ജ​നു​വ​രി വ​രെ​യു​ള്ള റ​ബ​റു​ൽ​പാ​ദ​നം മു​ന്‍വ​ര്‍ഷം ഇ​തേ കാ​ല​യ​ള​വി​ല്‍ ഉ​ണ്ടാ​യി​രു​ന്ന​തി​നെ​ക്കാ​ള്‍ കൂ​ടു​ത​ലാ​ണ്.

2022-23 ഏ​പ്രി​ല്‍ -ജ​നു​വ​രി കാ​ല​യ​ള​വി​ലെ ആ​ഭ്യ​ന്ത​ര ഉ​ൽ​പാ​ദ​നം 7,25,000 മെ​ട്രി​ക് ട​ണ്ണാ​യി​രു​ന്നു. ഈ ​സാ​മ്പ​ത്തി​ക​വ​ര്‍ഷം അ​ത് 7,39,000 മെ​ട്രി​ക് ട​ണ്ണാ​യി വ​ര്‍ധി​ച്ചു. 2023-24 ഏ​പ്രി​ല്‍-​ജ​നു​വ​രി കാ​ല​യ​ള​വി​ൽ റ​ബ​ർ ഉ​പ​ഭോ​ഗം 5.4 ശ​ത​മാ​നം വ​ര്‍ധി​ച്ച് 1,17,900 മെ​ട്രി​ക് ട​ണ്ണി​ലെ​ത്തി. ഇ​തേ കാ​ല​യ​ള​വി​ൽ ഇ​ന്ത്യ 4,10,770 മെ​ട്രി​ക് ട​ണ്‍ റ​ബ​ര്‍ ഇ​റ​ക്കു​മ​തി ചെ​യ്തു. ഇ​ത് ക​ഴി​ഞ്ഞ വ​ര്‍ഷ​ത്തെ അ​പേ​ക്ഷി​ച്ച് 11.2 ശ​ത​മാ​നം കു​റ​വാ​ണ്.