ചൈനക്ക് 145 ശതമാനം തീരുവ; ലോകം സാമ്പത്തികമാന്ദ്യ ഭീതിയിൽ, തകർന്ന് യു.എസ് ഏഷ്യൻ വിപണികൾ

വാഷിങ്ടൺ: ചൈനക്കുമേൽ ചുമത്തുന്ന അധിക തീരുവയിൽ യു.എസ് വീണ്ടും വർധന വരുത്തിയതോടെ ലോകം സാമ്പത്തികമാന്ദ്യത്തിന്റെ ഭീതിയിൽ. കഴിഞ്ഞ ദിവസം അധിക തീരുവ ഏർപ്പെടുത്തിയതോടെ ചൈനയിൽ നിന്നും യു.എസിലേക്ക് ഇറക്കുമതി ചെയ്യുന്ന മിക്ക വസ്തുക്കളുടേയും നികുതി 145 ശതമാനമായി ഉയർന്നു.

ബുധനാഴ്ച ചൈനക്കുമേൽ യു.എസ് 125 ശതമാനം നികുതി ചുമത്തിയിരുന്നു. പിന്നീട് വൈറ്റ് ഹൗസ് ഇക്കാര്യത്തിൽ വ്യക്തത വരുത്തുകയായിരുന്നു. നേരത്തെ ചുമത്തിയ 20 ശതമാനത്തിന് പുറമേയാണ് 125 ശതമാനം നികുതി ചുമത്തിയതെന്ന് വൈറ്റ് ഹൗസ് അറിയിക്കുകയായിരുന്നു.

ചൈനയുമായുള്ള വ്യാപാര യുദ്ധം യു.എസ് വിപണികളുടെ കഴിഞ്ഞ ദിവസത്തെ നേട്ടം ഇല്ലാതാക്കി. എസ്&പി 500 3.5 ശതമാനവും ഡൗ ജോൺസ് 2.5 ശതമാനവും നാസ്ഡാക് 4.3 ശതമാനവും നഷ്ടം രേഖപ്പെടുത്തി. ഏഷ്യൻ ഓഹരി വിപണികളും തകർച്ചയോടെയാണ് വ്യാപാരം തുടങ്ങിയത്.

ജപ്പാൻ സൂചികയായ നിക്കിയിൽ 4.5 ശതമാനം നഷ്ടമാണ് രേഖപ്പെടുത്തിയത്. ദക്ഷിണകൊറിയയുടെ കൊസാപി സൂചികയിൽ 1.7 ശതമാനവും ഹോങ്കോങ്ങിന്റെ ഹാങ് സെങ്ങിൽ 0.7 ശതമാനവും ആസ്ട്രേലിയയുടെ എ.എസ്.എക്സ് 200 1.6 ശതമാനവും നഷ്ടം രേഖപ്പെടുത്തി.

അതേസമയം, പ​ക​ര​ച്ചു​ങ്ക​ത്തി​ൽ അ​മേ​രി​ക്ക​ക്കെ​തി​രാ​യ പോ​രാ​ട്ട​ത്തി​ൽ കൂ​ടു​ത​ൽ രാ​ജ്യ​ങ്ങ​ളു​ടെ പി​ന്തു​ണ തേ​ടാ​ൻ ചൈ​ന തീരുമാനിച്ചിരുന്നു. എ​ന്നാ​ൽ, പ​ല രാ​ജ്യ​ങ്ങ​ളു​മാ​യും ബ​ന്ധ​പ്പെ​ട്ടി​ട്ടും നേ​രി​ട്ട് അ​മേ​രി​ക്കെ​തി​രെ രം​ഗ​ത്തു​വ​രാ​ൻ അ​വ​ർ ത​യാ​റാ​യി​ല്ല. വി​വി​ധ രാ​ജ്യ​ങ്ങ​ൾ ച​ർ​ച്ച​ക്കാ​യി സ​മീ​പി​ച്ച സാ​ഹ​ച​ര്യ​ത്തി​ൽ പ​ക​ര​ച്ചു​ങ്ക തീ​രു​മാ​നം 90 ദി​വ​സ​ത്തേ​ക്ക് മ​ര​വി​പ്പി​ക്കു​ന്ന​താ​യി ക​ഴി​ഞ്ഞ ദി​വ​സം ട്രം​പ് അ​റി​യി​ച്ചി​രു​ന്നു. എ​ന്നാ​ൽ, ചൈ​ന​ക്കു​ള്ള തീ​രു​വ 125 ശ​ത​മാ​ന​മാ​ക്കു​ക​യും ചെ​യ്തു. ച​ർ​ച്ച​ക്കി​ല്ലെ​ന്ന നി​ല​പാ​ടാ​ണ് ചൈ​ന സ്വീ​ക​രി​ച്ച​ത്. അ​വ​സാ​നം വ​രെ പോ​രാ​ടു​മെ​ന്നും അ​വ​ർ വ്യ​ക്ത​മാ​ക്കി.