സംസ്ഥാനത്ത്​ സ്വർണവില വീണ്ടും ഉയർന്നു

കൊച്ചി: സംസ്ഥാനത്ത്​ സ്വർണവില വീണ്ടും ഉയർന്നു. പവന്‍റെ വില 160 രൂപ വർധിച്ച്​ 36,880 രൂപയായി. ഗ്രാമിന്‍റെ വില 20 രൂപ കൂടി 4610 രൂപയായി. എം.സി.എക്​സ്​ മാർക്കറ്റിലും സ്വർണവില ഉയർന്നു.

261 രൂപ വർധിച്ച്​ 10 ഗ്രാം സ്വർണത്തിന്‍റെ വില 49,049 രൂപയായി. ഡോളർ ദുർബലമായതാണ്​ രാജ്യത്തെ സ്വർണവിലയെ സ്വാധീനിക്കുന്ന പ്രധാനഘടകം. പണപ്പെരുപ്പവും സ്വർണവിലയെ സ്വാധീനിക്കുന്നുണ്ട്​.

ചൊവ്വാഴ്ച അഞ്ച്​ മാസത്തിനിടയിലെ ഉയർന്ന നിരക്കിലേക്ക്​ എം.സി.എക്​സിൽ സ്വർണവില എത്തിയിരുന്നു. സ്​പോട്ട്​ ഗോൾഡ്​ വിലയും ഉയരുകയാണ്​. 0.2 ശതമാനം ഉയർന്ന്​ ഔൺസിന്​ 1,911.45 ഡോളറായി. ജനുവരിക്ക്​ ശേഷം ഇതാദ്യാമായാണ്​ സ്​പോട്ട്​ ഗോൾഡിന്‍റെ വില ഇത്രയും ഉയരുന്നത്​.