സ്വർണം വിൽക്കണോ, വാങ്ങണോ; വില ഇനിയും കുറയുമോ?

കോവിഡ്​ കാലത്ത്​ റെക്കോർഡുകൾ ഭേദിച്ചാണ്​ രാജ്യത്ത്​ സ്വർണ വില മുന്നേറിയത്​. ഓഹരി വിപണി അടക്കമുള്ള മറ്റ്​ നിക്ഷേപമാർഗങ്ങൾക്ക്​ തിരിച്ചടി നേരിട്ടതോടെയാണ്​ ജനങ്ങൾ വൻ തോതിൽ മഞ്ഞലോഹത്തിൽ നിക്ഷേപം നടത്തിയത്​. ഇതോടെ പവന്‍റെ വില 42,000 രൂപ വരെ ഉയർന്നിരുന്നു. എന്നാൽ, കഴിഞ്ഞ കുറേ ആഴ്ചകളായി സ്വർണത്തിന്​ കഷ്​ടകാലമാണ്​. വലിയ രീതിയിൽ സ്വർണത്തിന്‍റെ വില ഇടിയുകയാണ്​ .

ഏഴ്​ മാസത്തിനുള്ളിൽ സ്വർണവിലയിൽ 8320 രൂപയുടെ ഇടിവാണ്​ ഉണ്ടായത്​. റെക്കോർഡ്​ നിലവാരത്തിൽ നിന്നും 34,000 രൂപയിലേക്കാണ്​ സ്വർണവില കൂപ്പുകുത്തിയത്​. സ്വർണവിലയിൽ ഇടിവ്​ തുടരു​േമ്പാൾ ഇനിയും സ്വർണം വാങ്ങണോ അതോ കൈയിലുള്ളത്​ വിൽക്കണോ എന്നാണ്​ നിക്ഷേപകർക്കിടയിലുള്ള ആശങ്ക.

സ്വർണവില കുറയാനുള്ള കാരണങ്ങൾ

രാജ്യാന്തര വിപണിയിൽ സ്വർണവില കുറയുകയാണ്​. ഇത്​ തന്നെയാണ്​ ഇന്ത്യൻ വിപണിയിലും പ്രതിഫലിക്കുന്നത്​. എം.സി.എക്​സ്​ ഗോൾഡ്​ ഫ്യൂച്ചറിന്‍റെ വില രാജ്യാന്തര വിപണിയിൽ 0.6 ശതമാനമാണ്​ ഇടിഞ്ഞത്​. രാജ്യാന്തര വിപണിയിൽ സ്വർണവില 1815 ഡോളർ നിലവാരത്തിലേക്കാണ്​ ഇടിഞ്ഞത്​​.

സ്വർണവില കുറയാൻ പല കാരണങ്ങളുണ്ടെങ്കിലും പ്രധാനപ്പെട്ട കാരണം ഡോളർ കരുത്താർജിക്കുന്നതാണ്​. യു.എസിലെ ബോണ്ടുകളിലേക്ക്​ വൻ തോതിൽ പണമൊഴുകുന്നതാണ്​ ഡോളറിന്‍റെ കരുത്ത്​ കൂട്ടുന്നത്​. ലോകത്തെ പല പ്രധാനപ്പെട്ട കറൻസികൾക്കെതിരെയും ഡോളർ കരുത്ത്​ കാട്ടുന്നത്​ നിക്ഷേപകരെ ആകർഷിക്കുന്നുണ്ട്​. ഇതോടെ നിക്ഷേപകർക്ക്​ മുന്നിൽ സ്വർണത്തിന്​ പകരം ഡോളർ മികച്ച നിക്ഷേപമായി മാറുകയാണ്​. പല രാജ്യങ്ങളിലേയും ഓഹരി വിപണികളിലേക്ക്​ നിക്ഷേപമൊഴുകുന്നതും സ്വർണത്തിന്​ തിരിച്ചടിയാവുന്നുണ്ട്​.

ഇന്ത്യയിൽ കേന്ദ്രബജറ്റിൽ സ്വർണത്തിന്‍റെ നികുതി കുറച്ചത്​ വിലയെ സ്വാധീനിക്കുന്നു. സ്വർണത്തിന്‍റെ ഇറക്കുമതിത്തീരുവ 7.5 ശതമാനമായാണ്​ കുറച്ചത്​. സെസ്​ ഏർപ്പെടുത്തിയെങ്കിലും ബജറ്റ്​ തീരുമാനം വിലയെ കാര്യമായി തന്നെ സ്വാധീനിക്കുന്നുണ്ട്​.

സ്വർണത്തിൽ നിക്ഷേപിക്കണോ കൈ​യൊഴിയണോ

കോവിഡ്​ സൃഷ്​ടിച്ച ആഘാതത്തിൽ നിന്ന്​ രാജ്യത്തെ സമ്പദ്​വ്യവസ്ഥകൾ പതിയെ കരകയറുകയാണ്​. വാക്​സിന്‍റെ വരവ്​ സമ്പദ്​വ്യവസ്ഥയുടെ തിരിച്ചു വരവിന്​ വേഗം കൂട്ടിയിട്ടുണ്ട്​. ഈയൊരു സാഹചര്യത്തിൽ നിക്ഷേപകർ അധിക ലാഭം ലഭിക്കുന്ന ഒാഹരി വിപണിയെ പോലുള്ളവയിലേക്ക്​ ചുവടുമാറ്റിയതാണ്​ സ്വർണത്തിന്‍റെ തിളക്കം കുറക്കാനിടയാക്കിയത്​. എന്നാൽ, ഓഹരി വിപണി അധികകാലം ഈ രീതിയിൽ മുന്നോട്ട്​ പോവ​ില്ലെന്നാണ്​ പ്രവചനങ്ങൾ. വിപണിയിൽ തിരുത്തലുണ്ടാവു​േമ്പാൾ ആളുകൾ സ്വർണത്തിലേക്ക്​ തന്നെ മടങ്ങിയെത്തും.

അടുത്ത മൂന്ന്​ മാസത്തിനുള്ളിൽ സ്വർണവില ​റെക്കോർഡ്​ നിലവാരമായ 1960 ഡോളറിലേക്ക്​ എത്തുമെന്ന്​ പ്രവചനം. 2021ൽ സ്വർണവില റെക്കോർഡിലെത്തുമെന്ന പ്രവചനങ്ങളും സജീവമാണ്​. ഈയൊരു സാഹചര്യ