സ്വർണവില കൂടി; ഈ മാസത്തെ ഏറ്റവും ഉയർന്ന വില

കൊച്ചി: സംസ്ഥാനത്ത്​ സ്വർണ വില വീണ്ടും ഉയർന്നു. പവ​െൻറ വില 37,880 രൂപയായാണ്​ ഉയർന്നത്​​​. ഒക്​ടോബറി​ലെ ഏറ്റവും ഉയർന്ന വിലയാണത്​. 280 രൂപയുടെ വില വർധനവാണ്​ ഒരു പവൻ സ്വർണത്തിനുണ്ടായത്​. ഒരു ഗ്രാം സ്വർണത്തി​െൻറ വില 35 രൂപ കൂടി 4735 രൂപയായി.

ആഗോള വിപണിയുടെ വില വർധനവാണ്​ ഇന്ത്യയിലും പ്രതിഫലിക്കുന്നത്​. ഡോളർ ദുർബലമായതാണ്​ സ്വർണത്തിന്​ കരുത്തായത്​. ​പല രാജ്യങ്ങളിലും കോവിഡി​െൻറ രണ്ടാം വ്യാപനമുണ്ടാവുമെന്ന ആശങ്ക ജനങ്ങളെ സ്വർണത്തിൽ നിക്ഷേപിക്കാൻ പ്രേരിപ്പിക്കുന്നു. അടുത്തയാഴ്​ച യു.എസ്​ ​​പ്രസിഡൻറ്​ തെരഞ്ഞെടുപ്പ്​ നടക്കാനിരിക്കുന്നതും ജനങ്ങളിൽ മഞ്ഞലോഹത്തോടുള്ള താൽപര്യം വർധിപ്പിച്ചിട്ടുണ്ട്​.

യു.എസി​െൻറ ഉത്തേജന പാക്കേജ്​, യുറോപ്യൻ യുണിയൻ-യു.കെ ചർച്ചകൾ, യു.എസി​െൻറ മൂന്നാപാദ ജി.ഡി.പി, യു.എസ്​ തെരഞ്ഞെടുപ്പ്​, കോവിഡ്​ വ്യാപനം എന്നിവയെല്ലാമാവും വരും ദിവസങ്ങളിൽ സ്വർണവിലയെ സ്വാധീനിക്കുക.