ലയന വാർത്തകൾ തള്ളി പ്രൊമോട്ടർമാർ​; ഇൻഡസ്​ലാൻഡ്​ ബാങ്ക്​ ഓഹരികൾ കുതിച്ചു

മുംബൈ: ഇന്ത്യൻ ഓഹരി വിപണിയിൽ ഇൻഡസ്​ലാൻഡ്​ ബാങ്കിന്​ കുതിപ്പ്​. നാല്​ ശതമാനം നേട്ടമാണ്​ ബാങ്കി​െൻറ ഓഹരികൾക്ക്​ വിപണിയിലുണ്ടായത്​. കോട്ടക്​ മഹീന്ദ്ര ബാങ്ക്​ ഇൻഡസ്​ലാൻഡ്​ ബാങ്കിനെ ഏറ്റെടുക്കുന്നുവെന്ന വാർത്തകൾ പുറത്ത്​ വന്നിരുന്നു. ഞായറാഴ്​ച ബ്ലുംബർഗാണ്​ വാർത്ത റിപ്പോർട്ട്​ ചെയ്​തത്. എന്നാൽ, മാധ്യമ വാർത്തകൾ തള്ളി ഇൻഡസ്​ലാൻഡ്​ ബാങ്ക്​ രംഗത്തെത്തിയിരുന്നു. ഇതിന്​ പിന്നാലെയാണ്​ വിപണിയിൽ ഓഹരികൾ കുതിച്ചത്​.

607.45 രൂപയിലാണ്​ ഇൻഡസ്​ലാൻഡ്​ ഓഹരികൾ കഴിഞ്ഞ ദിവസം വ്യാപാരം അവസാനിപ്പിച്ചത്​. തിങ്കളാഴ്​ച 615 രൂപയിലാണ്​ ബാങ്ക്​ ഓഹരികൾ വ്യാപാരം തുടങ്ങിയത്​. പിന്നീട്​ 4.21 ശതമാനത്തി​െൻറ നേട്ടമുണ്ടാക്കി 633 രൂപയിലേക്ക്​ കുതിച്ചു.

മൗറീഷ്യസ്​ കേന്ദ്രമാക്കി പ്രവർത്തിക്കുന്ന ഇൻഡസ്​ലാൻഡ്​ ഇൻറർനാഷണൽ ഹോൾഡിങ്​ എന്ന സ്ഥാപനമാണ്​ ഇൻഡസ്​ലാൻഡ്​ ബാങ്കി​െൻറ ഉടമസ്ഥർ. ബാങ്കി​െൻറ മുഴുവൻ ഓഹരികളും ഉദയ്​ ​കൊട്ടക്​ വാങ്ങാൻ ഒരുങ്ങുന്നുവെന്നായിരുന്നു റിപ്പോർട്ട്​. എന്നാൽ, ബാങ്ക്​ ഇത്​ നിഷേധിച്ച്​ രംഗത്തെത്തിയതോടെ നിക്ഷേപകരിൽ അത്​ ആത്​മവിശ്വാസമുണ്ടാക്കി.