നിലം തൊടാതെ കുതിച്ച് സ്വ​ർ​ണ​വി​ല; ഭേ​ദി​ക്കാ​ൻ റെ​ക്കോ​ഡു​ക​ളി​ല്ല

കൊ​ച്ചി: സ്വ​ർ​ണ​വി​ല എ​ല്ലാ റെ​ക്കോ​ഡു​ക​ളും ഭേ​ദി​ച്ച്​ മു​ന്നേ​റു​ക​യാ​ണ്. അ​ന്താ​രാ​ഷ്ട്ര വി​പ​ണി​യി​ലും ആ​ഭ്യ​ന്ത​ര വി​പ​ണി​യി​ലും വി​ല ദി​വ​സ​ങ്ങ​ളാ​യി ഏ​റ്റ​വും ഉ​യ​ർ​ന്ന നി​ല​യി​ൽ​ത​ന്നെ. ഗ്രാ​മി​ന്​ 7340 രൂ​പ​യും പ​വ​ന്​ 58,720 രൂ​പ​യു​മാ​ണ്​ വ്യാ​ഴാ​ഴ്ച​ത്തെ വി​ല. ബു​ധ​നാ​ഴ്ച അ​ന്താ​രാ​ഷ്ട്ര വി​പ​ണി​യി​ൽ ഒ​രു ട്രോ​യ്​ ഔ​ൺ​സ്​ (31.103 ഗ്രാം) ​സ്വ​ർ​ണ​ത്തി​ന്‍റെ എ​ക്കാ​ല​ത്തെ​യും ഉ​യ​ർ​ന്ന നി​ര​ക്കാ​യ 2752 ഡോ​ള​റും മ​റി​ക​ട​ന്നെ​ങ്കി​ലും വ്യാ​ഴാ​ഴ്ച നേ​രി​യ തോ​തി​ൽ കു​റ​ഞ്ഞ്​ 2713 ഡോ​ള​റി​ലെ​ത്തി.

പ​ശ്ചി​മേ​ഷ്യ​യി​ലെ യു​ദ്ധ​സ​ന്നാ​ഹ​ങ്ങ​ളും അ​മേ​രി​ക്ക​ൻ പ്ര​സി​ഡ​ന്‍റ്​ തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട രാ​ഷ്ട്രീ​യ അ​നി​ശ്ചി​ത​ത്വ​വും സൃ​ഷ്ടി​ച്ച പ്ര​ത്യേ​ക സാ​ഹ​ച​ര്യ​ത്തി​ൽ സു​ര​ക്ഷി​ത നി​ക്ഷേ​പം എ​ന്ന നി​ല​യി​ൽ സ്വ​ർ​ണ​ത്തി​നു​ണ്ടാ​യ വ​ർ​ധി​ച്ച സ്വീ​കാ​ര്യ​ത​യാ​ണ്​ വി​ല ഉ​യ​രാ​ൻ കാ​ര​ണം. വ​ൻ​കി​ട നി​ക്ഷേ​പ​ക​ർ ലാ​ഭ​മെ​ടു​ക്കാ​ൻ തു​ട​ങ്ങി​യ​തും ചൈ​ന​യി​ൽ സ്വ​ർ​ണ​ത്തി​ന്‍റെ ആ​വ​ശ്യം കു​റ​ഞ്ഞ​തും​ യു.​എ​സ് ട്ര​ഷ​റി ബോ​ണ്ട് വ​രു​മാ​നം ഉ​യ​രു​ന്ന​തു​മാ​ണ്​ അ​ന്താ​രാ​ഷ്​​ട്ര വി​ല താ​ഴാ​ൻ കാ​ര​ണ​മാ​യി വി​ദ​ഗ്​​ധ​ർ വി​ല​യി​രു​ത്തു​ന്ന​ത്.

2024 ജ​നു​വ​രി​യി​ൽ സ്വ​ർ​ണ​വി​ല ഗ്രാ​മി​ന് 5855 രൂ​പ​യും പ​വ​ന് 46,840 രൂ​പ​യു​മാ​യി​രു​ന്നു. ഇ​തി​ന​കം ഗ്രാ​മി​ന്​ 1485 രൂ​പ​യും പ​വ​ന്​ 11,880 രൂ​പ​യും വ​ർ​ധി​ച്ചു. വ​രും​ദി​വ​സ​ങ്ങ​ളി​ലും വി​ല കൂ​ടു​മെ​ന്നാ​ണ്​ സൂ​ച​ന.

സു​ര​ക്ഷി​ത നി​ക്ഷേ​പം

ക​ഴി​ഞ്ഞ 50 വ​ർ​ഷ​ത്തെ വി​ല​നി​ല​വാ​രം പ​രി​ശോ​ധി​ച്ചാ​ൽ 14600 ശ​ത​മാ​ന​ത്തോ​ള​മാ​ണ്​ സ്വ​ർ​ണ​വി​ല​യി​ലു​ണ്ടാ​യ വ​ർ​ധ​ന​വ്. 1975ൽ ​ഗ്രാ​മി​ന് 50 രൂ​പ​യും പ​വ​ന്​ 400 രൂ​പ​യു​മാ​യി​രു​ന്നു.