ഡിജിറ്റൽ പണമിടപാടുകൾക്കായി ഇനി 'ഇ റുപ്പി'; തിങ്കളാഴ്ച മോദി അവതരിപ്പിക്കും

ന്യൂഡൽഹി: രാജ്യത്ത്​ ഡിജിറ്റൽ പണമിടപാടുകൾ പ്രോത്സാഹിപ്പിക്കുന്നതിനായി ഇ -റുപ്പി അവതരിപ്പിക്കാനൊരുങ്ങി കേന്ദ്രം. ആഗസ്റ്റ്​ രണ്ടിന്​ പ്രധാനമന്ത്രി നരേന്ദ്രമോദി ഇ -റുപ്പി അവതരിപ്പിക്കും.

ഇലക്​ട്രോണിക്​ വൗച്ചർ അടിസ്​ഥാനമാക്കിയുള്ള ഡിജിറ്റൽ പേമെന്‍റ്​ സിസ്റ്റം നാഷനൽ പേമെന്‍റ്​സ്​ കോർപ​േറഷനാണ്​ (എൻ.പി.സി.ഐ) വികസിപ്പിച്ചത്​. ദേശീയ സാമ്പത്തിക സേവന വകുപ്പ്​, ആരോഗ്യ കുടുംബക്ഷേമ മന്ത്രാലയം, ദേശീയ ആരോഗ്യ അതോറിറ്റി എന്നിവയുടെ സഹകരണത്തോടെയാണ്​ യു.പി.ഐ പ്ലാറ്റ്​ഫോമിൽ ഇത്​ വികസിപ്പിച്ചെടുത്തിരിക്കുന്നത്.

ഡിജിറ്റൽ പേമെന്‍റിന്‍റെ പണ -സമ്പർക്ക രഹിത രൂപമാണ്​ ഇ റുപ്പി. ക്യു ആർ കോഡ്​ അല്ലെങ്കിൽ എസ്​.എം.എസ്​ അധിഷ്​ഠിത ഇ -വൗച്ചർ ഉപഭോക്താക്കളിലേക്ക്​ മൊബൈൽ ​േഫാൺ വഴിയെത്തും. ഇ -റുപ്പി പേമേന്‍റെ്​ സേവനത്തിന്‍റെ സഹായത്തോടെ കാർഡ്​, ഡിജിറ്റൽ പേമെന്‍റ്​ ആപ്പ്​, ഇന്‍റർനെറ്റ്​ ബാങ്കിങ്​ ഇല്ലാതെ ഉപഭോക്താവിന്​ വൗച്ചർ വീണ്ടെടുക്കാൻ കഴിയും.

ഇ -റുപ്പി എങ്ങനെ?

ഇ -റുപ്പി സേവനങ്ങളുടെ സ്​പോൺസർമാരുമായി ഉപഭോക്താക്കളെയും സേവന ദാതാക്കളെയും ഡിജിറ്റൽ രൂപത്തിൽ ബന്ധിപ്പിക്കും. ഇടപാട്​ പൂർത്തിയായതിന്​ ശേഷം മാത്രമേ സേവന ദാതാവിന്​ പണം ലഭിക്കൂവെന്നും ഇത്​ ഉറപ്പാക്കും. പ്രീ പെയ്​ഡ്​ സേവനമാണ്​ ഇതിന്‍റെ അടിസ്​ഥാനം. അതിനാൽ സേവന ദാതാവിന്​ കൃത്യസമയത്ത്​ പണം ലഭിക്കുന്നുണ്ടെന്നും ഇത്​ ഉറപ്പുവരുത്തും.

ഇ -റുപ്പി എന്തിന്​?

സ്​ത്രീകൾക്കും കുട്ടികൾക്കും മരുന്ന്​, പോഷകാഹാര പിന്തുണ നൽകുന്ന പദ്ധതികളിലേക്ക്​ ഇ-റുപ്പി സേവനം ഉറപ്പുവരുത്താം. മാതൃ -ശിശു ക്ഷേമ പദ്ധതികൾ, ക്ഷയരോഗ നിർമാർജന പരിപാടികൾ, ആയുഷ്​മാർ ഭാരത്​ പ്രധാൻ മന്ത്രി ജൻ ​ആരോഗ്യ യോജന, വളം സബ്​സിഡികൾ തുടങ്ങിയവയുടെ സേവനങ്ങൾക്കായി ഉപ​േയാഗിക്കാം. കൂടാതെ ജീവനക്കാരുടെ ക്ഷേമത്തിനും മറ്റുമായി സ്വകാര്യ മേഖലക്കും ഇവ ഉപയോഗിക്കാം.