ഇൻഫോസിസ്​ 13,000 കോടിയുടെ ഒാഹരികൾ തിരിച്ച്​ വാങ്ങുന്നു

ബംഗളൂരു: വിശാൽ സിക്കയുടെ നാടകീയമായ രാജിക്ക്​ പിന്നാലെ ഇൻഫോസിസ്​ 13,000 കോടി രൂപയുടെ ഒാഹരികൾ തിരികെ വാങ്ങുന്നു. കമ്പനിയുടെ ഡയറക്​ടർ ബോർഡ്​ യോഗത്തിലാണ്​ ഇതുസംബന്ധിച്ച അന്തിമ തീരുമാനമായത്​. സിക്കയുടെ അപ്രതീക്ഷിത തീരുമാനം മൂലം വിപണിയിൽ ഇൻഫോസിസ്​ ഒാഹരികൾക്ക്​ വൻ തകർച്ച നേരിട്ടിരുന്നു. 

32 വർഷത്തെ ചരി​ത്രത്തിനിടയിൽ ആദ്യമായാണ്​ ഇൻഫോസിസ്​ ഒാഹരികൾ തിരികെ വാങ്ങുന്നത്​. വെള്ളിയാഴ്​ച 923.10 രൂപക്കാണ്​ ബി.എസ്​.ഇയിൽ ഇൻഫോസിസ്​ വ്യാപാരം അവസാനിപ്പിച്ചത്​. ഇൗ തുകയോടൊപ്പം 20 ശതമാനം പ്രീമിയം കൂടി നൽകി 1150 രൂപക്കാണ്​ ഇൻഫോസിസ്​ ഒാഹരികൾ ഉടമകളിൽ നിന്ന്​ തിരിച്ചെടുക്കുക.

സിക്കയുടെ രാജി മൂലം ഇൻഫോസിസിൽ പണം നിക്ഷേപിച്ചവർക്ക്​ ഒറ്റ ദിവസം കൊണ്ട്​ നഷ്​ടപ്പെട്ടത്​ എകദേശം 22,000 കോടി രൂപയാണ്​. ഒാഹരികൾ തിരിച്ച്​ വാങ്ങു​േമ്പാൾ വൻ ലാഭം ലഭിക്കുമെന്ന്​ പ്രതീക്ഷിച്ച്​ നിക്ഷേപകർ കൂട്ടത്തോടെ ഇൻഫോസിസ്​ ഒാഹരികൾ വാങ്ങി കൂട്ടിയിരുന്നു. ഇതും നിക്ഷേപകരുടെ കനത്ത നഷ്​ടം നേരിടുന്നതിന്​ കാരണമായി.