ഇൻഫോസിസ്​ പ്രതിസന്ധി: ടി.സി.എസിന്​ നേട്ടം

ബംഗളൂരു: വിശാൽ സിക്കയുടെ രാജിയെ തുടർന്ന്​ ഇൻഫോസിസിൽ ഉടലെടുത്ത പ്രതിസന്ധി രാജ്യത്തെ മറ്റൊരു ​പ്രമുഖ കമ്പനിയായ ടി.സി.എസിന്​ ഗുണകരമാവുന്നു. സിക്കയുടെ രാജിയെ തുടർന്ന്​ വിപണിയിൽ ഇൻഫോസിസ്​ ഒാഹരികളുടെ വില 10 ശതമാനം താഴ്​ന്നു. 52 ആഴ്​ചക്കിടയിൽ ഏറ്റവും കുറഞ്ഞ വിലയിലാണ്​ ഇൻഫോസിസ്​ ഇപ്പോൾ വ്യാപാരം നടത്തുന്നത്​.

അതേ സമയം, ടി.സി.എസ്​ ഒാഹരികളുടെ വില 2.58 ശതമാനം ഉയർന്നു. 2,549 രൂപക്കാണ്​ ടി.സി.എസ്​ ഒാഹരികൾ വ്യാപാരം നടത്തുന്നത്​. ഇൻഫോസിസിൽ ഉയർന്ന പ്രതിസന്ധി ഒാഹരി വിപണിക്ക്​ തിരിച്ചടിയാവുകയായിരുന്നു. ബോം​ബെ സൂചിക സെൻസെക്​സിൽ രാജി പ്രതിഫലനമുണ്ടാക്കി.