പാൻ കാർഡ്​ ഇനി അഞ്ച്​ മിനുട്ടിൽ

ന്യൂഡൽഹി: പാൻ കാർഡ്​ അഞ്ച്​ മിനുട്ടിനുള്ളിൽ ലഭിക്കാനുള്ള സംവിധാനം കേന്ദ്രസർക്കാർ അവതരിപ്പിക്കുന്നു. ആധാർ അടിസ്ഥാനമാക്കിയുള്ള ഇ-കൈവൈസി സംവിധാനമുപയോഗിച്ചാവും അഞ്ചു മിനുട്ടിനുള്ളിൽ പാൻകാർഡ്​ ലഭ്യമാവുക. വിരലടയാളം ഉൾപ്പടെയുള്ളവ സ്വീകരിച്ചാവും ഇത്തരത്തിൽ അതിവേഗത്തിൽ പാൻകാർഡ്​ വിതരണം ചെയ്യുക.

പുതിയ സംവിധാനം പ്രകാരം പാൻകാർഡ്​ ലഭിക്കുന്നതിനുള്ള രേഖകളും വിരലടയാളവും നൽകിയാൽ അഞ്ച്​ മിനുട്ടിനുള്ളിൽ പാൻകാർഡ്​ നമ്പർ ലഭിക്കും. പാൻകാർഡും വൈകാതെ തന്നെ ലഭ്യമാക്കുമെന്നാണ്​ സർക്കാർ അറിയിച്ചിരിക്കുന്നത്​. നിലവിൽ പാൻകാർഡ്​ ലഭിക്കണമെങ്കിൽ മൂന്നാഴ്​ചയെങ്കിലും കാത്തിരിക്കണം.  മൊബൈൽ ഫോൺ വഴി ആദായനികുതി അടക്കാനും പാൻകാർഡിന്​ അപേക്ഷിക്കാനും പുതിയ ആപ്പും നികുതി വകുപ്പ്​ പുറത്തിറക്കുന്നുണ്ട്​.