ആശങ്കയും പരാതിയും ഒഴിയാതെ ഇന്ന്​ ജി.എസ്​.ടി നാലാം വാർഷികം

ന്യൂഡൽഹി: പ്രധാനമന്ത്രി നരേന്ദ്രമോദി ഭരണകൂടം അധികാരത്തിലെത്തിയതിന്​ ശേഷം നടപ്പാക്കിയ സുപ്രധാന സാമ്പത്തിക നയ മാറ്റങ്ങളിലൊന്നായ 'ചരക്കുസേവന നികുതി' (ജി.എസ്​.ടി) നടപ്പാക്കിയിട്ട്​ നാലുവർഷം. 2017 ജൂ​ലൈ ഒന്നിനാണ്​ ജി.എസ്​.ടി നടപ്പിലാക്കുന്നത്​. ധനമന്ത്രി സീതാരാമ​െൻറ മുൻഗാമിയായ അരുൺ ജെയ്​റ്റിലായിരുന്നു അന്നത്തെ ധനമന്ത്രി.

പരോക്ഷ നികുതികളെ ഒരു കുടക്കീഴിൽ കൊണ്ടുവരുന്നതായിരുന്നു ജി.എസ്​.ടി. വാറ്റ്​, എക്​സൈസ്​ ഡ്യൂട്ടി, സേവന നികുതി തുടങ്ങിയവയെല്ലാം ജി.എസ്​.ടിയിൽ ലയിച്ചു. ചരക്കുകളിലും സേവനങ്ങളിലും ഒരേ നികുതി നിരക്കോടെ കേന്ദ്രവും സംസ്​ഥാനങ്ങളും ഒരേ സമയം ചുമത്തുന്ന രണ്ട്​ തലത്തിലുള്ള നികുതിയാണ്​ ജി.എസ്​.ടി. കേന്ദ്രം ചുമത്തുന്ന നികുതിയെ കേന്ദ്ര ജി.എസ്​.ടിയെന്നും സംസ്​ഥാനങ്ങൾ ചുമത്തുന്നതിനെ സ്റ്റേറ്റ്​ ജി.എസ്​.ടി എന്നും വിളിക്കും. അന്തർ സംസ്​ഥാന വ്യാപാരങ്ങളിൽ ഇൻറഗ്രേറ്റഡ്​ ജി.എസ്​.ടിയായിരിക്കും ചുമത്തുക.

ജി.എസ്​.ടിയിലൂടെ ഒരു രാജ്യം ഒരു നികുതി എന്ന വ്യവസ്​ഥയിലേക്ക്​ മാറുകയായിരുന്നു ലക്ഷ്യം. എന്നാൽ ഇന്ത്യയിൽ നടത്തിയ പരിഷ്​കാരത്തിൽ ഉൽപ്പന്നങ്ങളെ തരം തിരിച്ച്​ വിവിധ നിരക്കുകളിൽ തരംതിരിക്കുകയായിരുന്നു. മതിയായ തയാറെടുപ്പുകളോടെയല്ല രാജ്യം ജി.എസ്​.ടിയിലേക്ക്​ ചുവടുമാറിയതെന്ന ആക്ഷേപം തുടക്കം മുതൽ ശക്തമായിരുന്നു.

കൊറോണ വൈറസ്​ മഹാമാരിയോടെ രാജ്യം കടുത്ത സാമ്പത്തിക പ്രതിസന്ധിയിലേക്ക്​ കൂപ്പുകുത്തി. ഇതോടെ ജി.എസ്​.ടിയുടെ പേരിൽ കേന്ദ്രവും സംസ്​ഥാനങ്ങളും കൊമ്പുകോർക്കുകയും ചെയ്​തു. സംസ്​ഥാനങ്ങളുടെ നഷ്​ടപരിഹാര വിഹിതം സംബന്ധിച്ച തർക്കമായിരുന്നു പ്രധാന കാരണം.

കേന്ദ്രവും സംസ്​ഥാനങ്ങളും തമ്മിൽ യുദ്ധം തുടരു​േമ്പാഴും കോവിഡ്​ മഹാമാരി സമയത്തും രാജ്യത്തെ ജി.എസ്​.ടി വരുമാനം കുത്തനെ ഉയർന്നിരുന്നു. കഴിഞ്ഞ എട്ടു മാസമായി ഒരു ലക്ഷം കോടിയിലധികമാണ്​ ജി.എസ്​.ടി വരുമാനമായി ലഭിക്കുന്നത്​. മേയ്​ മാസത്തെ കലക്ഷൻ 1,02,702 കോടി രൂപയായിരുന്നു.

നികുതി പിരിവ്​ ഒരു ലക്ഷം കോടിയി​ൽ ഏറെയായി തുടരു​േമ്പാഴും സർക്കാറിന്​ നികുതി കൃത്യമായി ശേഖരിക്കാൻ കഴിഞ്ഞി​ട്ടില്ലെന്നാണ്​ വിദഗ്​ധരുടെ വെളിപ്പെടുത്തൽ. ജി.എസ്​.ടി പിരിവ്​ ഒരു പരിധിക്കപ്പുറം വർധിച്ചിട്ടില്ലെന്നും അവർ ചൂണ്ടിക്കാട്ടുന്നു. 2019-

20ൽ ജി.എസ്​.ടിയിൽ കേന്ദ്രത്തി​െൻറ വിഹിതത്തിൽ 3.5 ശതമാനം മാത്രമാണ്​ വർധന. 2020- 21 മഹാമാരി സമയത്ത്​ ഇത്​ 7.9 ശതമാനമായി കുറയുകയും ചെയ്​തു. ഒരു കുടക്കീഴിൽ കൊണ്ടുവന്ന്​ സങ്കീർണതകൾ ഒഴിവാക്കുമെന്ന്​ അവകാശപ്പെട്ട ജി.എസ്​.ടിയുടെ പേപ്പർ വർക്കുകൾ അതി സങ്കീർണമായതോടെ ചെറുകിട ബിസിനസുകൾ ജി.എസ്​.ടി നികുതി വ്യവസ്​ഥക്ക്​ കീഴിൽ വരാത്തതും ജി.എസ്​.ടി കൂടുതൽ വിശാലമാക്കുന്നതിന്​ തടസമാകുന്നതായി വിദഗ്​ധർ ചൂണ്ടിക്കാണിക്കുന്നു.

ജി.എസ്​.ടിയുടെ വിജയത്തിന്​ സുപ്രധാന ഘടകമാകുക സംസ്​ഥാനങ്ങളുടെ സഹകരണമായിരിക്കും. എന്നാൽ, എല്ലാ ജി.എസ്​.ടി കൗൺസലുകളിലും കേന്ദ്രവും സംസ്​ഥാനങ്ങളും തമ്മിൽ ഏറ്റുമുട്ടലാണ്​ പതിവ്​. ജി.എസ്​.ടി നടപ്പാക്കി നാലുവർഷം പൂർത്തിയായിട്ടും കേന്ദ്രം സമയത്തിന്​ നഷ്​ടപരിഹാരം നൽകുന്നില്ലെന്നും കുടിശ്ശിക വരുത്തുന്നുമെന്നുമാണ്​ സംസ്​ഥാനങ്ങളുടെ ആക്ഷേപം. കൗൺസലി​െൻറ ഭാഗമായ പല സംസ്​ഥാനങ്ങളിലെയും ധനമന്ത്രിമാർ കൗൺസൽ യോഗത്തെ രാഷ്​​ട്രീയ മുഷ്​ടിയുദ്ധമായാണ്​ വിശേഷിപ്പിക്കുന്നത്​. ജി.എസ്​.ടി കൗൺസൽ യോഗങ്ങളിൽ പ്രതിപക്ഷ സംസ്ഥാനങ്ങളെ കേൾക്കാൻ ശ്രമിക്കുന്നില്ലെന്ന ആക്ഷേപവും ഉയർത്തിയിരുന്നു.

രാജ്യത്ത്​ വിലക്കയറ്റം ഒഴിവാക്കുകയെന്ന ലക്ഷ്യത്തോടെ നടപ്പാക്കിയ ജി.എസ്​.ടിയുടെ പരിധിയിൽ ഇന്ധന നികുതി കൂടി ഉൾപ്പെടുത്തിയാൽ മാത്രമായിരിക്കും പൊതുജനങ്ങൾക്ക്​ പ്രയോജനം ലഭിക്കുക. ഇന്ധന നികുതി ജി.എസ്​.ടിയിൽ ഉൾപ്പെടുത്ത​ാത്തിടത്തോളം വില വർധിച്ചുകൊണ്ടിരിക്കും. രാജ്യത്ത്​ പെട്രോൾ -ഡീസൽ വില കുതിച്ചുയർന്നതോടെ സാധനങ്ങൾക്കും സേവനങ്ങൾക്കും വില വർധന രേഖപ്പെടുത്തുകയാണ്​ നിലവിൽ.

നോട്ടുനിരോധനത്തിന്​ പിന്നാലെ നടപ്പാക്കിയ ജി.എസ്​.ടിയിൽ കച്ചവടക്കാർക്കും തലവേദനയാണ്​. അതിന്​ പ്രധാന കാരണം നടപ്പാക്കിയതി​െൻറ നൂലാമാലകളും പേപ്പർവർക്കുകളിലെ കുരുക്കും തന്നെ. പല നികുതികൾ നിലനിൽക്കു​േമ്പാൾ നികുതിയിൽ സുതാര്യത ഉറപ്പാക്കാൻ കഴിയില്ലെന്നും കുറച്ചുപേർ പരിധിക്ക്​ പുറത്തു​നിൽക്കുമെന്നും സാധനങ്ങളുടെ വില വർധനക്ക്​ കാരണമാകുമെന്നുമായിരുന്നു വാദങ്ങൾ. ഇതിനൊരു പരിഹാരമെന്ന നിലയിലായിരുന്നു ജി.എസ്​.ടി. എന്നാൽ നടപ്പിലാക്കുന്നതിനെ വീഴ്​ചയോടെ അതിസങ്കീർണമാകുകയായിരുന്നു ചരക്കുസേവന നികുതി.