കാത്തിരിക്കുന്നത്​ ഒരു ലക്ഷം തൊഴിലവസരങ്ങൾ

ന്യൂഡൽഹി: ജി.എസ്​.ടി എന്ന ചരിത്ര പ്രധാനമായ സാമ്പത്തിക പരിഷ്​കാരം ജൂലൈ ഒന്ന്​ മുതൽ  രാജ്യത്ത്​ നടപ്പിലാവുകയാണ്​. 1991ലെ സാമ്പത്തിക പരിഷ്​കാരങ്ങൾക്ക്​ ശേഷമുള്ള ഏറ്റവും വലിയ പരിഷ്​കാരമായാണ്​ ചരക്ക്​ സേവന നികുതിയെ കണക്കാക്കുന്നത്​. പുതിയ നികുതി പരിഷ്​കാരം തൊഴിൽ മേഖലയിലും ചലനങ്ങളുണ്ടാക്കുമെന്നാണ്​ റിപ്പോർട്ടുകൾ. ജി.എസ്​.ടി നിലവിൽ വരുന്നതോടെ ഒരു ലക്ഷം തൊഴിലവസരങ്ങളാണ്​ സൃഷ്​ടിക്കപ്പെടുക.

ടാക്​സേഷൻ, അക്കൗണ്ടിങ്​, ഡാറ്റ അനാലിസിസ്​ എന്നീ മേഖലകളിലാണ്​ തൊഴിലവസരങ്ങൾ  സൃഷ്​ടിക്കപ്പെടുക. പുതിയ നികുതി സംവിധാനത്തിൽ  സമർപ്പിക്കേണ്ട റി​േട്ടണുകളുടെ എണ്ണത്തിലടക്കം വർധനയുണ്ട്​. ചെറുകിട കച്ചവടക്കാരും കമ്പനികളും ഇത്തരം ​ജോലികൾ ഒൗട്ട്​സോഴ്​സ്​ ചെയ്യാനാണ്​ സാധ്യത. ഇൗയൊരു സാഹചര്യത്തിൽ ജി.എസ്​.ടി സംവിധാനത്തെ കുറിച്ച്​ അറിവുള്ള കൂടുതൽ പ്രൊഫഷണലുകളുടെ സേവനം ആവശ്യമായിവരും. ഇതാണ്​ പുതിയ തൊഴിലവസരങ്ങൾ സൃഷ്​ടിക്കപ്പെടാൻ കാരണം.

അതുപോലെ തന്നെ ജി.എസ്​.ടി സംവിധാനം ഫലപ്രദ​മായി രാജ്യത്തെ ജൂലൈ ഒന്നിന്​ നടപ്പിൽ വരുത്തണമെങ്കിലും  ഇതിനുള്ള അടിസ്ഥാന സൗകര്യം ഒരുക്കണം.  ഇതും തൊഴിൽ വിപണിയെ പോസ്​റ്റീവ്​ ആയി സ്വാധീനിക്കുമെന്നാണ്​ പ്രതീക്ഷ. ഇതിനൊപ്പം ചരക്ക്​ സേവന നികുതി നിലവിൽ വരു​േമ്പാൾ സാമ്പത്തിക രംഗത്ത്​ ഉണ്ടാവുന്ന ഉണർവും തൊഴിൽ മേഖലക്ക്​ ഗുണകരമാവും.