ആദായ നികുതി റി​േട്ടൺ ഫയൽ ചെയ്യാത്തത്​ 67.54 ലക്ഷം പേർ 

ന്യൂഡൽഹി: വൻകിട പണമിടപാടുകൾ  നടത്തുന്ന 67.54 ലക്ഷം പേർ ആദായ നികുതി റി​േട്ടൺ ഫയൽ ചെയ്യുന്നില്ലെന്ന്​ ആദായ നികുതി വകുപ്പി​െൻറ കണ്ടെത്തൽ. 2015-2016 കാലയളവിലെ കണക്കുകളാണ്​ ഇപ്പോൾ ആദായ നികുതി വകുപ്പ്​ പുറത്ത്​ വിട്ടിരിക്കുന്നത്​. 

ആദായ നികുതി റി​േട്ടൺ സമർപ്പിക്കാത്തവരെ കണ്ടെത്തുന്നതിനുള്ള കേന്ദ്ര പ്രത്യക്ഷ നികുതി  ബോർഡി​െൻറ നോൺ ഫില്ലേഴ്​സ്​ മോണിറ്ററിങ്​ സിസ്​റ്റം ആണ്​​  ഇത്രയും പേർ നികുതി റി​േട്ടൺ സമർപ്പിച്ചിട്ടില്ലെന്ന്​ കണ്ടെത്തിയത്​. 2014-2015 വർഷങ്ങളിൽ  ഇവർ നടത്തിയ ഇടപാടുകൾക്ക്​ ആദായ നികുതി റി​േട്ടൺ സമർപ്പിച്ചിട്ടില്ലെന്നാണ്​ ആദായ നികുതി വകുപ്പി​െൻറ കണ്ടെത്തൽ. സർക്കാരി​െൻറ കള്ളപണം വെളിപ്പെടുത്തുന്ന പദ്ധതി ഉപയോഗിച്ചും ഇത്തരക്കാർക്ക്​ അവരുടെ വരുമാനം വെളിപ്പെടുത്താമെന്ന്​ ആദായ നികുതി വകുപ്പ്​ അറിയിച്ചു. ഇതിനായി നികുതി റി​േട്ടൺ നൽകാത്തവ​രിൽ സമ്മർദ്ദം ചെലുത്തുമെന്ന്​ വകുപ്പ്​ അറിയിച്ചു. ഒാണലൈനായാണ്​ ഇപ്പോൾ ആദായ നികുതി റി​േട്ടൺ ഫയൽ ചെയ്യുന്നത്​. 

നോട്ട്​ പിൻവലിക്കൽ തീരുമാനം നിലവിൽ വന്നതിന്​ ശേഷം രാജ്യത്താകമാനം 760 പരിശോധനകൾ ആദായ നികുതി വകുപ്പ്​ നടത്തി. ഇൗ പരിശോധനകളിൽ 3,590 കോടിയുടെ രേഖകളില്ലാത്ത പണം പിടിച്ചെടുത്തു. .ഇതിൽ 500 കോടി രൂപ പണവും 93 കോടി രൂപ മൂല്യം വരുന്ന സ്വർണാഭരണങ്ങളുമാണ്​​. ഇതുമായി ബന്ധപ്പെട്ട്​ 215 കേസുകൾ എൻഫോഴ്​സ്​മെൻറ്​ ഡയറക്​ട​േററ്റും 185 കേസുകൾ സി.ബി.​െഎയും അന്വേഷിക്കുന്നുണ്ട്​. 3,589 പേർക്ക്​  നോട്ടീസുകൾ അയച്ചതായും ആദായ നികുതി വകുപ്പ്​ അറിയിച്ചു