ചാലക്കുടി പുഴയിൽ ഓരുവെള്ള ഭീഷണി

ചാലക്കുടി: ചാലക്കുടിപ്പുഴയിൽ ഓരുവെള്ള ഭീഷണി. ചാലക്കുടിപുഴയിൽ കണക്കൻകടവ് റെഗുലേറ്ററിന് താഴെ നിർമ്മിച്ച മണൽ ബണ്ട് ശനിയാഴ്ച വെളുപ്പിന് പൊട്ടിയതാണ് ആശങ്കയ്ക്ക് കാരണം.പുഴയുടെ ഇടതു കരയിലൂടെ കയറി തീരം കുറെ പുഴയെടുത്ത് പോയി.

താഴെ ചീന വലയും മത്സ്യ കൂടും തകർന്നു. റെഗുലേറ്ററിന്റെ ഷട്ടറുകൾ ശരിയല്ലാത്തതിനാൽ അടുത്ത ദിവസങ്ങളിൽ പുഴയിലേക്ക് ഉപ്പ് വെള്ളം കയറാൻ സാധ്യത ഏറെയാണ്. ഇത് പുഴയോരത്തെ കൃഷിയിടങ്ങളിലും മറ്റും ഗുരുതര പ്രശ്നങ്ങൾ സൃഷ്ടിക്കും.

മഴക്കാലം തുടങ്ങാറായതിനാൽ ഇനി ബണ്ട് നേരെയാക്കൽ പ്രായോഗികമല്ല. ഉപ്പ് അധികം കയറാതിരിക്കാൻ പുഴയിൽ അടിയന്തിരമായി നീരൊഴുക്ക് ഉണ്ടാകണം. അതിനായി പെരിങ്ങൽകുത്ത് ഡാമിൽ നിന്ന് നീരൊഴുക്ക് ഉറപ്പ് വരുത്തണമെന്ന് ആവശ്യം ഉയർന്നിട്ടുണ്ട്​.