ചക്കരക്കല്ല് സ്വദേശിക്ക് 1.82 കോടിയുടെ വിദേശ സ്കോളര്‍ഷിപ്

കണ്ണൂര്‍: അയര്‍ലന്‍ഡിലെ പ്രശസ്തമായ ഡബ്ളിന്‍ ഇന്‍സ്റ്റിറ്റ്യൂട്ട് ഓഫ് ടെക്നോളജിയില്‍ ഉപരിപഠനത്തിന് കണ്ണൂര്‍ ചക്കരക്കല്ല് സ്വദേശി ദൃശ്യരാജന് 1.82 കോടിയുടെ സ്കോളര്‍ഷിപ്. നാനോ ബയോടെക്നോളജിയില്‍ ഗവേഷണം നടത്തുന്നതിന് നാലു വര്‍ഷത്തേക്കാണ് സ്കോളര്‍ഷിപ്.
കണ്ണൂര്‍ ഉര്‍സുലിന്‍ സീനിയര്‍ സെക്കന്‍ഡറി സ്കൂളില്‍ സ്കൂള്‍ വിദ്യാഭ്യാസം പൂര്‍ത്തിയാക്കിയ ദൃശ്യരാജന്‍ കൊച്ചി അമൃത സെന്‍റര്‍ ഫോര്‍ നാനോ സയന്‍സ് ആന്‍ഡ് മോളിക്യുലാര്‍ മെഡിസിനില്‍ എം.ടെക്കും കരസ്ഥമാക്കിയിട്ടുണ്ട്. ചക്കരക്കല്ലിനു സമീപം പാറേച്ചാലില്‍ വീനസില്‍ റിട്ട. ഹെഡ്മാസ്റ്റര്‍ പി. രാജന്‍െറയും  ചന്ദ്രിയുടെയും മകളാണ്. സഹോദരി ഭവ്യരാജന്‍.