എം. ഷറഫുല്ലാഖാന്​ ഡെമോക്രാറ്റിക്ക്​ ഫോറം പത്രപ്രവർത്തന പുരസ്കാരം

കൊല്ലം: ഡെമോക്രാറ്റിക്ക്​ ഫോറത്തിന്‍റെ സത്​ സന്ദേശ പുരസ്കാരം 'മാധ്യമം' കൊല്ലം ബ്യൂറോ ചീഫ്​ എം. ഷറഫുല്ലാഖാനും മലയാള മനോരമ സ്​പെഷ്യൽ കറസ്​പോണ്ടന്‍റ്​ ജയചന്ദ്രൻ ഇലങ്കത്തിനും. സമകാലിക വിഷയങ്ങളിലുള്ള പത്രപ്രവർത്തന മികവിനാണ്​ 11,111 രൂപയും ഫലകവും അടങ്ങിയ പുരസ്കാരം.

2023 ആഗസറ്റ്​ ഒന്നിന്​ 'മാധ്യമം' എഡിറ്റോറിയൽ പേജിൽ പ്രസിദ്ധീകരിച്ച ‘മലയാളി നിസ്സാരമാക്കരുത്​ ഈ നുണപ്രചാരണം’ എന്ന ലേഖനത്തിനാണ് എം. ഷറഫുല്ലാഖാന്​ അവാർഡ്​. മികച്ച ഇൻവെസ്റ്റിഗേഷൻ റിപ്പോർട്ടിനാണ് ജയചന്ദ്രന്​​ 25,111രൂപയുടെ പുരസ്കാരം​ ലഭിച്ചത്​.

പ്രഫ. ഡി.എം.എ. സലീം, തകിടിയിൽ കൃഷ്ണൻ നായർ, ഡോ. കെ.പി. ജോർജ്​ മുണ്ടക്കൽ എന്നിവരടങ്ങുന്ന കമ്മറ്റിയാണ്​ അവാർഡ്​ ജേതാക്ക​ളെ തെരഞ്ഞെടുത്തത്​. ഈ മാസം 23ന്​ ഡെമോക്രാറ്റിക്ക്​ ഫോറം 38ാമത്​ ജന്മദിനത്തോടനുബന്ധിച്ച ​സമ്മേളനത്തിൽ അവാർഡ്​ വിതരണം ചെയ്യും.

ചങ്ങനാശേരി പുഴവാത്​ കണക്കൻ വീട്ടിൽ പരേതരായ അഹമ്മദ്​ കണ്ണ്​ റാവുത്തർ - ഐഷാബീവി ദമ്പതികളുടെ മകനാണ്​ ഷറഫുല്ലാഖാൻ. ഭാര്യ: സൈനബ. മക്കൾ: ഫൗസാൻ അഹമ്മദ്​, നിഹാല ഖാത്തൂൻ, റിവാദർ ഖാൻ.