അഞ്ചാം ശ്രമത്തിൽ സർപ്രൈസ്​ സമ്മാനിച്ച്​ സിദ്ധാർഥ്​​

കൊ​ച്ചി: ഐ.​എ.​എ​സ്​ ല​ക്ഷ്യ​മി​ട്ട്​ സി​ദ്ധാ​ർ​ഥ്​​ അ​ഞ്ചാം ത​വ​ണ​യും സി​വി​ൽ സ​ർ​വീ​സ്​ എ​ഴു​തു​മ്പോ​ൾ അ​ക്കാ​ര്യം വീ​ട്ടു​കാ​ർ​പോ​ലും അ​റി​ഞ്ഞി​രു​ന്നി​ല്ല. മ​ക​ന്‍റെ നാ​ലാം റാ​ങ്കി​ന്‍റെ വാ​ർ​ത്ത​യെ​ത്തു​മ്പോ​ൾ എ​റ​ണാ​കു​ളം ദി​വാ​ൻ​സ്​ റോ​ഡി​ലെ ക​ട​ത്ത​നാ​ട്ട്​ വീ​ട്ടി​ൽ അ​മ്പ​ര​പ്പും ആ​ഹ്ലാ​ദ​വും ഒ​ന്നു​പോ​ലെ. ഹൈ​ദ​രാ​ബാ​ദി​ൽ​ ഐ.​പി.​എ​സ്​ പ​രീ​ശീ​ല​ന​ത്തി​ലു​ള്ള സി​ദ്ധാ​ർ​ഥി​ന്‍റെ വി​ളി​യും കാ​ത്തി​രി​ക്കു​ക​യാ​ണ്​ കു​ടും​ബം.

ഇ​ന്ത്യ​ൻ ബാ​ങ്ക്​ ഉ​ദ്യോ​ഗ​സ്ഥ​നാ​യും തു​ട​ർ​ന്ന്​ ചി​ന്മ​യ സ്കൂ​ൾ പ്രി​ൻ​സി​പ്പ​ലാ​യും വി​ര​മി​ച്ച രാം​കു​മാ​റി​ന്‍റെ​യും വീ​ട്ട​മ്മ​യാ​യ ര​തി​യു​ടെ​യും ര​ണ്ട്​ ആ​ൺ​മ​ക്ക​ളി​ൽ ഇ​ള​യ​വ​നാ​ണ്​ സി​ദ്ധാ​ർ​ഥ്​ 2020ൽ ​ആ​യി​രു​ന്നു ആ​ദ്യ ശ്ര​മം. പ​രാ​ജ​യ​പ്പെ​ട്ടെ​ങ്കി​ലും പി​ന്മാ​റി​യി​ല്ല. 2021ൽ ​ടെ​ലി​കോം മ​ന്ത്രാ​ല​യ​ത്തി​ലേ​ക്കാ​യി​രു​ന്നു സെ​ല​ക്ഷ​ൻ. തൊ​ട്ട​ടു​ത്ത വ​ർ​ഷം ഐ.​പി.​എ​സ്​ കി​ട്ടി. 2023ൽ ​ഐ.​പി.​എ​സ്​ റാ​ങ്ക്​ മെ​ച്ച​പ്പെ​ടു​ത്താ​നാ​യെ​ങ്കി​ലും ഐ.​എ.​എ​സ്​​ മോ​ഹം സ​ഫ​ല​മാ​യി​ല്ല.

ഇ​ത്ത​വ​ണ വീ​ട്ടു​കാ​രെ ആ​രെ​യും അ​റി​യി​ക്കാ​തെ ഹൈ​ദ​രാ​ബാ​ദി​ലെ ഐ.​പി.​എ​സ്​ ​ട്രെ​യി​​നി​ങ്​ അ​ക്കാ​ദ​മി​യി​ൽ​നി​ന്ന്​ നേ​രി​ട്ട്​ പോ​യാ​ണ്​ സി​വി​ൽ സ​ർ​വി​സ്​ പ​രീ​ക്ഷ എ​ഴു​തി​യ​ത്. ചൊ​വ്വാ​ഴ്ച ഫ​ലം പു​റ​ത്തു​വ​രു​മ്പോ​ഴാ​ണ്​ മ​ക​ൻ ​പ​രീ​ക്ഷ എ​ഴു​തി​യി​രു​ന്നു എ​ന്ന്​ അ​ച്ഛ​നും അ​മ്മ​യും ജ്യേ​ഷ്ഠ​നു​മെ​ല്ലാം അ​റി​യു​ന്ന​ത്.

പ​രി​ശീ​ല​ന​ത്തി​നി​ടെ ഫോ​ൺ എ​ടു​ക്കാ​ത്ത​തി​നാ​ൽ വാ​ർ​ത്ത​യ​റി​ഞ്ഞ​യു​ട​ൻ വീ​ട്ടു​കാ​ർ​ക്ക്​ സി​ദ്ധാ​ർ​ഥി​നെ നേ​രി​ട്ട്​ അ​ഭി​ന​ന്ദ​ന​മ​റി​യി​ക്കാ​നാ​യി​ല്ല. രാ​ത്രി അ​വ​ൻ ഇ​ങ്ങോ​ട്ട്​ വി​ളി​ക്കു​ക​യാ​ണ്​ പ​തി​വെ​ന്നും അ​തി​നാ​യി കാ​ത്തി​രി​ക്കു​ക​യാ​ണെ​ന്നും അ​മ്മ ര​തി പ​റ​ഞ്ഞു. ‘സ്മാ​ർ​ട്ട്​ വ​ർ​ക്കി​ങ്, ഓ​ൾ റൗ​ണ്ട​ർ’-​ഇ​താ​ണ്​ അ​നു​ജ​നെ​ക്കു​റി​ച്ച്​ ഹൈ​കോ​ട​തി​യി​ൽ അ​ഭി​ഭാ​ഷ​ക​നാ​യ സ​ഹോ​ദ​ര​ൻ ആ​ദ​ർ​ശ്​​കു​മാ​റി​ന്​ പ​റ​യാ​നു​ള്ള​ത്. ദി​വ​സം മു​ഴു​വ​ൻ കു​ത്തി​യി​രു​ന്ന്​ പ​ഠി​ക്കു​ന്ന​യാ​ള​ല്ല. വ​ലു​താ​യി വാ​യ​ന​യു​മി​ല്ല. ക്രി​ക്ക​റ്റും സി​നി​മ​യു​മെ​ല്ലാ​മു​ണ്ട്. വ​ടു​ത​ല ചി​ന്മ​യ സ്കൂ​ളി​ലാ​യി​രു​ന്നു സ്കൂ​ൾ വി​ദ്യാ​ഭ്യാ​സം.

തി​രു​വ​ന​ന്ത​പു​രം സി.​എ.​ടി​യി​ൽ ബി.​ആ​ർ​ക്കും പൂ​ർ​ത്തി​യാ​ക്കി. സ്കൂ​ളി​ലും കോ​ള​ജി​ലും മി​ക​ച്ച മാ​ർ​ക്ക്​ ഉ​ണ്ടാ​യി​രു​ന്നെ​ങ്കി​ലും ഒ​ന്നാം​സ്ഥാ​ന​ക്കാ​ര​നാ​യി​രു​ന്നി​ല്ല. വീ​ട്ടു​കാ​ർ ന​വം​ബ​റി​ൽ ​സി​ദ്ധാ​ർ​ഥി​ന്‍റെ ഐ.​പി.​എ​സ്​ പാ​സി​ങ്​ ഔ​ട്ടി​ന്​ ഹൈ​ദ​രാ​ബാ​ദി​ലേ​ക്ക്​ പോ​കാ​ൻ നി​ശ്ച​യി​ച്ചി​രി​ക്കു​മ്പോ​ഴാ​ണ്​ അ​പ്ര​തീ​ക്ഷി​ത സ​ന്തോ​ഷം ക​ട​ന്നു​വ​ന്ന​ത്.