കേരള പോസ്റ്റൽ സർക്കിളിൽ 1421 ബ്രാഞ്ച് പോസ്റ്റ് മാസ്റ്റർ, ഡാക്ക് സേവക് ഒഴിവുകൾ
text_fieldsകേരള പോസ്റ്റൽ സർക്കിളിൽ വിവിധ തസ്തികകളിൽ ഗ്രാമീൺ ഡാക്ക് സേവകരെ (സൈക്കിൾ-III/2020-21) തെരഞ്ഞെടുക്കുന്നു. (RECTT/50-DLGS/2020), ബ്രാഞ്ച് പോസ്റ്റ്മാസ്റ്റർ (BPM), അസിസ്റ്റൻറ് ബ്രാഞ്ച് പോസ്റ്റ് മാസ്റ്റർ (ABPM), ഡാക്ക് സേവക് എന്നീ തസ്തികകളിലാണ് നിയമനം.
BPMന് 12000 മുതൽ 14500 രൂപ വരെയും ABPM/ഡാക്ക് സേവകിന് 10,000 മുതൽ 12,000 രൂപ വരെയും (ചുരുങ്ങിയത്) ശമ്പളം ലഭിക്കും. വിശദ വിവരങ്ങളടങ്ങിയ ഔദ്യോഗിക വിജ്ഞാപനം https://indiapost.gov.inൽ ലഭിക്കും. പ്രാദേശിക ഭാഷയിൽ /മലയാളത്തിൽ പരിജ്ഞാനമുള്ളവരാകണം.
മാത്തമാറ്റിക്സ്, മലയാളം, ഇംഗ്ലീഷ് വിഷയങ്ങളോടെ എസ്.എസ്.എൽ.സി/തത്തുല്യ ബോർഡ് പരീക്ഷ വിജയിച്ചിട്ടുള്ളവർക്ക് അപേക്ഷിക്കാം. പ്രായപരിധി 18-40. സംവരണ വിഭാഗങ്ങളിൽപെടുന്നവർക്ക് ചട്ടപ്രകാരം പ്രായപരിധിയിൽ ഇളവുണ്ട്. 60 ദിവസത്തിൽ കുറയാതെയുള്ള അംഗീകൃത ബേസിക് കമ്പ്യൂട്ടർ ട്രെയിനിങ് കോഴ്സ് സർട്ടിഫിക്കറ്റുണ്ടാകണം.
കേരളത്തിൽ താമസമുള്ളവരാകണം.സൈക്കിൾ സവാരി അറിയണം. വിശദമായ യോഗ്യതാ മാനദണ്ഡങ്ങൾ വിജ്ഞാപനത്തിലുണ്ട്. അപേക്ഷ നിർദേശാനുസരണം ഓൺലൈനായി ഏപ്രിൽ ഏഴിനകം സമർപ്പിക്കണം. https://appost.in/gdsonlineൽ ഇതിനുള്ള സൗകര്യം ലഭിക്കും.
അപേക്ഷാഫീസ് ജനറൽ/ഒ.ബി.സി/ഇ.ഡബ്ല്യു.എസ് പുരുഷന്മാർ/ട്രാൻസ്മാൻ എന്നീ വിഭാഗങ്ങൾക്ക് 100 രൂപ. വനിതകൾ, ട്രാൻസ്വുമൺ,ഭിന്നശേഷിക്കാർ (PWD) എന്നീ വിഭാഗങ്ങൾക്ക് ഫീസില്ല. ക്രഡിറ്റ്/ഡെബിറ്റ് കാർഡ്/െനറ്റ് ബാങ്കിങ് മുഖാന്തരം ഫീസ് അടയ്ക്കാം.
പോസ്റ്റോഫീസ് ബ്രാഞ്ചുകളും തസ്തികകളും ഒഴിവുകളും റിക്രൂട്ടിങ് അതോറിറ്റിയും വിജ്ഞാപനത്തിലുണ്ട്. സെലക്ഷൻ നടപടിക്രമങ്ങൾക്ക് വെബ്സൈറ്റ് കാണുക.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.