എയര്‍പോര്‍ട്ട് അതോറിറ്റിയില്‍  മാനേജര്‍, ജൂനിയര്‍ എക്സിക്യുട്ടീവ്

എയര്‍പോര്‍ട്ട്സ് അതോറിറ്റി ഓഫ് ഇന്ത്യയില്‍ മാനേജര്‍, ജൂനിയര്‍ എക്സിക്യുട്ടീവ് തസ്തികകളിലായി 158 ഒഴിവുകളുണ്ട്. മാനേജര്‍ ഒഴിവുകള്‍ സിവില്‍ എന്‍ജിനീയറിങ്, ഇലക്ട്രിക്കല്‍ എന്‍ജിനീയറിങ്, ഓപറേഷന്‍സ്, കമേഴ്സ്യല്‍ വിഭാഗങ്ങളിലും, ജൂനിയര്‍ എക്സിക്യുട്ടീവ് ഒഴിവ് ഫിനാന്‍സ് വിഭാഗത്തിലുമാണ്. 
സിവില്‍ എന്‍ജിനീയറിങ്: 67 ഒഴിവുകള്‍. ജനറല്‍-32, ഒ.ബി.സി-18, എസ്.സി-10, എസ്.ടി-നാല്, ഭിന്നശേഷിക്കാര്‍-മൂന്ന്. സിവില്‍ എന്‍ജിനീയറിങ് അല്ളെങ്കില്‍ ടെക്നോളജി ബിരുദമാണ് യോഗ്യത. 
ഇലക്ട്രിക്കല്‍ എന്‍ജിനീയറിങ്: 48 ഒഴിവുകള്‍. ജനറല്‍-24, ഒ.ബി.സി-12, എസ്.സി-ഏഴ്, എസ്.ടി-മൂന്ന്, ഭിന്നശേഷിക്കാര്‍-രണ്ട്. ഇലക്ട്രിക്കലില്‍ എന്‍ജി./ടെക്നോളജി ബിരുദമാണ് യോഗ്യത.
ഓപറേഷന്‍സ് മാനേജര്‍: 16 ഒഴിവുകള്‍. ജനറല്‍-ഒമ്പത്, ഒ.ബി.സി-നാല്, എസ്.സി-രണ്ട്, എസ്.ടി-ഒന്ന്, ഏതെങ്കിലും സയന്‍സ് വിഷയത്തില്‍ ബിരുദവും, എം.ബി.എയും, അല്ളെങ്കില്‍ എന്‍ജിനിയറിങ് ബിരുദം.
കമേഴ്സ്യല്‍ മാനേജര്‍: ഏഴ് ഒഴിവുകള്‍. ജനറല്‍-അഞ്ച്, ഒ.ബി.സി-ഒന്ന്, എസ്.സി-ഒന്ന്. ബിരുദവും മാര്‍ക്കറ്റിങ്ങില്‍ എം.ബി.എയും, അല്ളെങ്കില്‍ എന്‍ജിനിയറിങ് ബിരുദം.
ഫിനാന്‍സ് ജൂനിയര്‍ എക്സിക്യൂട്ടിവ്: 20 ഒഴിവുകള്‍. ജനറല്‍-10, ഒ.ബി.സി-അഞ്ച്, എസ്.സി-മൂന്ന്, എസ്.ടി-ഒന്ന്, ഭിന്നശേഷിക്കാര്‍-ഒന്ന്. ബി.കോം ബിരുദത്തോടൊപ്പം ഐ.സി.ഡബ്ളിയു.എ/ സി.എ/ ഫിനാന്‍സില്‍ എം.ബി.എ
മാനേജര്‍ തസ്തികകളിലേക്ക് അതാത് മേഖലയില്‍ രണ്ടു വര്‍ഷത്തെ പ്രവൃത്തിപരിചയം വേണം. ജൂനിയര്‍ എക്സിക്യൂട്ടിവ് തസ്തികയില്‍ പ്രവൃത്തിപരിചയം നിര്‍ബന്ധമില്ല. 
 പ്രായപരിധി: മാനേജര്‍ തസ്തികയിലേക്ക് 32 വയസ്സും ജൂനിയര്‍ എക്സിക്യൂട്ടിവ് തസ്തികയിലേക്ക് 27 വയസ്സുമാണ് പ്രായപരിധി. എസ്.സി, എസ്.ടിക്കാര്‍ക്ക് അഞ്ച്, ഒ.ബി.സിക്കാര്‍ക്ക് മൂന്ന്, ഭിന്നശേഷിക്കാര്‍ക്ക് 10 എന്നിങ്ങനെ പ്രായപരിധിയില്‍ ഇളവുണ്ട്. 
പരീക്ഷ: ഓണ്‍ലൈന്‍ പരീക്ഷയുടെ അടിസ്ഥാനത്തിലാണ് തിരഞ്ഞെടുപ്പ്. കേരളത്തില്‍ തിരുവനന്തപുരത്താണ് പരീക്ഷാകേന്ദ്രം.
അപേക്ഷാഫീസ്: ജനറല്‍, ഒ.ബി.സിക്കാര്‍ക്ക് 1000 രൂപ. എസ്.സി, എസ്.ടി, വനിതകള്‍, ഭിന്നശേഷിക്കാര്‍ എന്നിവര്‍ക്ക് ഫീസില്ല. ഓണ്‍ലൈന്‍ അപേക്ഷയുടെ കൂടെ ലഭിക്കുന്ന ചലാന്‍ പ്രിന്‍െറടുത്ത് എസ്.ബി.ഐ ശാഖകളിലൂടെയാണ് പണമടക്കേണ്ടത്. മേയ് 27 ആണ് പണമടക്കേണ്ട അവസാന തീയതി.
അപേക്ഷിക്കേണ്ട വിധം: ഓണ്‍ലൈനായാണ് അപേക്ഷിക്കേണ്ടത്. അപേക്ഷക്ക് രണ്ടു ഘട്ടങ്ങളുണ്ട്. ആദ്യഘട്ട അപേക്ഷ മേയ് 24 വരെയാണ്. രണ്ടാംഘട്ട അപേക്ഷയുടെ അവസാന തീയതി ജൂണ്‍ ഒന്ന്. 
കൂടുതല്‍ വിവരങ്ങള്‍ക്ക്:www.aai.aero