കണ്ണൂര്‍ ഡി.എസ്.സി  റെക്കോഡ്സില്‍ 22 ഒഴിവ്

കേന്ദ്ര പ്രതിരോധ മന്ത്രാലയത്തിനു കീഴില്‍ പ്രവര്‍ത്തിക്കുന്ന ഡിഫന്‍സ് സെക്യൂരിറ്റി കോര്‍പ്സ് റെക്കോഡ്സില്‍ 22 ഒഴിവിലേക്ക് അപേക്ഷ ക്ഷണിച്ചു. കണ്ണൂരിലാണ് നിയമനം. 
എല്‍.ഡി.സി (ജനറല്‍ 10, എസ്.സി 2, എസ്.ടി 2, ഒ.ബി.സി 2, ഭിന്നശേഷിക്കാര്‍ 1 ), മള്‍ട്ടി ടാസ്കിങ് സ്റ്റാഫ് (ജനറല്‍ 3, എസ്.സി 1, എസ്.ടി 1) എന്നിങ്ങനെയാണ് ഒഴിവുകള്‍. 
എല്‍.ഡി.സി: അംഗീകൃത ബോര്‍ഡ്/ സര്‍വകലാശാലയില്‍നിന്ന് പന്ത്രണ്ടാം ക്ളാസ് വിജയം. ഇംഗ്ളീഷില്‍ മിനിറ്റില്‍ 35 വാക്കും ഹിന്ദിയില്‍ 30 വാക്കും ടൈപിങ് സ്പീഡ് ഉണ്ടായിരിക്കണം. 
എം.ടി.എസ്: അംഗീകൃത സര്‍വകലാശാല/ ബോര്‍ഡില്‍നിന്ന് മെട്രിക്കുലേഷന്‍/ തത്തുല്യം. 
പ്രായപരിധി: 18നും 25നുമിടയില്‍. 
ശമ്പളം: എല്‍.ഡി.സി-5200-20200, 1900 ഗ്രേഡ് പേ, എം.ടി.എസ്-5200-20200, 1800 ഗ്രേഡ് പേ.
നിശ്ചിത മാതൃകയിലുള്ള അപേക്ഷാഫോറം എ ഫോര്‍ പേപ്പറില്‍ തയാറാക്കി പ്രായം, യോഗ്യത, മുന്‍പരിചയം, ജാതി എന്നിവ തെളിയിക്കുന്ന ഗസറ്റഡ് ഓഫിസര്‍ സാക്ഷ്യപ്പെടുത്തിയ പകര്‍പ്പും മേല്‍വിലാസം എഴുതി സ്വയം സാക്ഷ്യപ്പെടുത്തിയ രണ്ടു തപാല്‍ കവറുകളും സഹിതം അപേക്ഷിക്കണം. അപേക്ഷിക്കേണ്ട വിലാസം: Presiding Officer, Selection Board, C/o DSC Records, Mill Road, Kannur (Kerala) 670 013. അവസാന തീയതി ഒക്ടോബര്‍ ഒന്ന്. നിശ്ചിത മാതൃകയിലുള്ള അപേക്ഷാഫോറം ലഭിക്കാന്‍ http://www.davp.nic.in/WriteReadData/ADS/eng_10622_25_1617b.pdf