നാഷനൽ ഡിഫൻസ് അക്കാദമി, നേവൽ അക്കാദമി പ്രവേശനം: 390 ഒഴിവുകൾ
text_fieldsനാഷനൽ ഡിഫൻസ് അക്കാദമിയിലേക്കും നേവൽ അക്കാദമിയിലേക്കും 390 ഒഴിവുകളിലേക്കുള്ള നിയമനത്തിന് യു.പി.എസ്.സി അപേക്ഷ ക്ഷണിച്ചു. 2018 ജൂലൈയിൽ ആരംഭിക്കുന്ന കോഴ്സുകളിലേക്കാണ് പ്രേവശനം. അവിവാഹിതരായ ആൺകുട്ടികൾക്ക് അപേക്ഷിക്കാം.
യോഗ്യത: നാഷനൽ ഡിഫൻസ് അക്കാദമി ആർമി വിങ്ങിലേക്കുള്ള പ്രവേശനത്തിന് 10+2 മാതൃകയിലുള്ള പന്ത്രണ്ടാം ക്ലാസാണ് യോഗ്യത. നാഷനൽ ഡിഫൻസ് അക്കാദമിയിലെ എയർഫോഴ്സ്, നേവൽ വിങ്ങുകളിലേക്കും നേവൽ അക്കാദമി 10+2 കാഡറ്റ് എൻട്രി സ്കീമിലേക്കും ഫിസിക്സ്, മാത്തമാറ്റിക്സ് എന്നിവ വിഷയങ്ങളായി പഠിച്ച് 10+2 മാതൃകയിലുള്ള പന്ത്രണ്ടാം ക്ലാസാണ് യോഗ്യത. അവസാനവർഷ വിദ്യാർഥികൾക്കും അപേക്ഷിക്കാം. ഇവർ നിശ്ചിത കാലയളവിനുള്ളിൽ യോഗ്യതാരേഖകൾ ഹാജരാക്കണം. ശാരീരികക്ഷമത അനിവാര്യം.
പ്രായം: 02.01.1999നും 01.01.2002നും ഇടയിൽ ജനിച്ചവരായിരിക്കണം.
തെരഞ്ഞെടുപ്പ്: എഴുത്തുപരീക്ഷ, ഇൻറലിജൻസ് ടെസ്റ്റ്, പേഴ്സനാലിറ്റി ടെസ്റ്റ്, സ്റ്റാഫ് സെലക്ഷൻ േബാർഡ് അഭിമുഖം എന്നിവയുടെ അടിസ്ഥാനത്തിലാണ് തെരഞ്ഞെടുപ്പ്.
അപേക്ഷഫീസ്:100 രൂപയാണ് അപേക്ഷഫീസ്. എസ്.ബി.െഎ ശാഖകളിലോ എസ്.ബി.െഎ നെറ്റ്ബാങ്കിങ് വഴിയോ ഫീസടക്കാം. എസ്.സി, എസ്.ടി അപേക്ഷാർഥികൾക്കും ജവാന്മാരുടെയും വിരമിച്ച ജൂനിയർ കമീഷൻഡ് ഒാഫിസർമാരുടെയും നോൺ കമീഷൻഡ് ഒാഫിസർമാരുടെയും കരസേനയിലെ മറ്റ് റാങ്കുകാരുടെയും നാവികസേനയിലെയും വ്യോമസേനയിലെയും തുല്യറാങ്കുകാരുടെയും മക്കൾക്കും ഫീസില്ല.
അപേക്ഷിക്കേണ്ട വിധം: ഒാൺലൈനായാണ് അപേക്ഷിക്കേണ്ടത്. വെബ്സൈറ്റ്: www.upsconline.nic.in. അവസാന തീയതി ജൂൺ 30. 2017 സെപ്റ്റംബർ10നാണ് എഴുത്തുപരീക്ഷ. കേരളത്തിൽ തിരുവനന്തപുരവും കൊച്ചിയുമാണ് പരീക്ഷകേന്ദ്രങ്ങൾ. ഫലം 2017 ഡിസംബറിൽ പ്രസിദ്ധപ്പെടുത്തും. 2018 ജനുവരി മുതൽ ഏപ്രിൽ വരെയാകും സ്റ്റാഫ് സെലക്ഷൻ ബോർഡ് ഇൻറർവ്യൂ. കൂടുതൽ വിവരങ്ങൾക്ക് വെബ്സൈറ്റ് കാണുക.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.