റെയിൽവേ സംരക്ഷണ സേനയിൽ 4208 കോൺസ്റ്റബിൾ 452 എസ്.ഐ ഒഴിവുകൾ
text_fieldsറെയിൽവേ സംരക്ഷണ സേനയിൽ കോൺസ്റ്റബിൾ (എക്സിക്യൂട്ടിവ്) തസ്തികയിൽ 4208 ഒഴിവുകളിലും സബ് ഇൻസ്പെക്ടർ (എസ്.ഐ-എക്സിക്യൂട്ടിവ്) തസ്തികയിൽ 452 ഒഴിവുകളിലും നിയമനത്തിനായി വിവിധ റെയിൽവേ റിക്രൂട്ട്മെന്റ് ബോർഡുകൾ അപേക്ഷകൾ ക്ഷണിച്ചു. വിശദവിവരങ്ങളടങ്ങിയ റിക്രൂട്ട്മെന്റ് വിജ്ഞാപനം തിരുവനന്തപുരം ആർ.ആർ.ബിയുടെ വെബ്സൈറ്റായ www.rrbthiruvananthapuram.gov.inലും ലഭ്യമാണ്. പുരുഷന്മാർക്കും വനിതകൾക്കും അപേക്ഷിക്കാം.
കമ്പ്യൂട്ടർ അധിഷ്ഠിത ഓൺലൈൻ പരീക്ഷയുടെ അടിസ്ഥാനത്തിൽ ഷോർട്ട്ലിസ്റ്റ് ചെയ്ത് കായികക്ഷമതാ പരീക്ഷ, ശാരീരിക പരിശോധന, രേഖ പരിശോധന എന്നിവയുടെ അടിസ്ഥാനത്തിലാണ് സെലക്ഷൻ. പരീക്ഷാഫീസ് 500 രൂപ. എസ്.സി/എസ്.ടി/വനിതകൾ/വിമുക്തഭടന്മാർ/ന്യൂനപക്ഷം അല്ലെങ്കിൽ സാമ്പത്തികമായി പിന്നാക്കം നിൽക്കുന്നവർ എന്നീ വിഭാഗങ്ങളിൽ പെടുന്നവർക്ക് 250 രൂപ മതി. ഓൺലൈനായി മേയ് 14 വരെ അപേക്ഷിക്കാം. തെറ്റ് തിരുത്തുന്നതിന് മേയ് 15-24 വരെ സൗകര്യം ലഭിക്കും. കോൺസ്റ്റബിൾ (എക്സിക്യൂട്ടിവ്) തസ്തികക്ക് എസ്.എസ്.എൽ.സി/പത്താം ക്ലാസ്/തത്തുല്യ പരീക്ഷ പാസായവർക്ക് അപേക്ഷിക്കാം. പ്രായപരിധി 1.07.2024ൽ 18-25/28 വയസ്സ്. പുരുഷന്മാർക്ക് ഉയരം 165 സെ.മീറ്റർ, നെഞ്ചളവ് 80-85 സെ.മീറ്റർ. വനിതകൾക്ക് 157 സെ.മീറ്റർ ഉയരം മതി. എസ്.സി/എസ്.ടി വിഭാഗങ്ങൾക്ക് ഇളവുണ്ട്. ശമ്പളം പ്രതിമാസം 21,700 രൂപ.
എസ്.ഐ (എക്സിക്യൂട്ടിവ്) തസ്തികക്ക് ബിരുദമാണ് യോഗ്യത. പ്രായപരിധി 1.7.2024ൽ 20-25/28 വയസ്സ്. ശാരീരിക യോഗ്യതകൾ കോൺസ്റ്റബിൾ തസ്തികക്കുള്ളതുപോലെ തന്നെ. ഫിസിക്കൽ, മെഡിക്കൽ ഫിറ്റ്നസുണ്ടായിരിക്കണം. പ്രതിമാസ ശമ്പളം 35,400 രൂപ. പട്ടികജാതി/വർഗക്കാർ, ഒ.ബി.സി നോൺ ക്രീമിലെയർ, വിമുക്ത ഭടന്മാർ, വിധവകൾ, കേന്ദ്രസർക്കാർ ജീവനക്കാർ മുതലായ വിഭാഗങ്ങളിൽപെടുന്നവർക്ക് നിയമാനുസൃത വയസ്സിളവുണ്ട്. യോഗ്യതാ മാനദണ്ഡങ്ങൾ, അപേക്ഷ സമർപ്പണത്തിനുള്ള നിർദേശങ്ങൾ, സെലക്ഷൻ നടപടികൾ, സംവരണം, പരിശീലനം ഉൾപ്പെടെ കൂടുതൽ വിവരങ്ങൾക്കും അപ്ഡേറ്റുകൾക്കും വെബ്സൈറ്റ് സന്ദർശിക്കേണ്ടതാണ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.