ഇൻഷൂറൻസ് മെഡിക്കൽ ഓഫിസർ: 608 ഒഴിവുകൾ

ഇ.എസ്.ഐ.സി ആശു​പത്രികൾ/ഡിസ്​പെൻസറികളിലേക്ക് ഇൻഷുറൻസ് മെഡിക്കൽ ഓഫിസർമാർ (ഗ്രേഡ് -2) നിയമിക്കുന്നതിന് എംപ്ലോയീസ് സ്റ്റേറ്റ് ഇൻഷുറൻസ് കോർപറേഷൻ അപേക്ഷ ക്ഷണിച്ചു. യു.പി.എസ്.സിയുടെ 2022, 2023 വർഷത്തെ കമ്പയിൻഡ് മെഡിക്കൽ സർവിസ് പരീക്ഷാ റാങ്ക് ലിസ്റ്റിലുള്ളവർക്കാണ് (സി.എം.എസ്.ഇ-2022-2023) അവസരം.

ഒഴിവുകൾ: ആകെ 608 (ജനറൽ 254, എസ്.സി 63, എസ്.ടി-53, ഒബി.സി -178, ഇ.ഡബ്ല്യൂ.എസ് 60) ഭിന്നശേഷിക്കാർക്ക് 90 ഒഴിവുകളിൽ നിയമനം ലഭിക്കും. ശമ്പളനിരക്ക് 56,100-1,77,500 രൂപ. നോൺ പ്രാക്ടീസിങ് അലവൻസിന് അർഹതുണ്ട്. ക്ഷാമബത്ത, വീട്ടുവാടക ബത്ത ഉൾപ്പെടെ മറ്റാനുകൂല്യങ്ങളുംലഭ്യമാകും. യോഗ്യത: അംഗീകൃത എം.ബി.ബി.എസ് ബിരുദം. കമ്പൽസറി റൊ​​ട്ടേറ്റിങ് ഇന്റേൺഷിപ് പൂർത്തിയാക്കിയിരിക്കണം. ഇന്റേൺഷിപ് പൂർത്തിയാക്കിയിട്ടില്ലാത്തവർ തെരഞ്ഞെടുക്കപ്പെടുന്നപക്ഷം നിയമനത്തിനു മുമ്പു പൂർത്തിയാക്കിയാൽ മതി. പ്രായപരിധി 35 വയസ്സ്. നിയമാനുസൃത വയസ്സിളവുണ്ട്.

വിശദവിവരങ്ങളടങ്ങിയ റിക്രൂട്ട്മെന്റ് വിജ്ഞാപനം www.esic.gov.in/recrutments-ൽ നിന്ന് ഡൗൺലോഡ് ചെയ്യാം. ജനുവരി 31 വരെ ഓൺ​ലൈനായി അപേക്ഷിക്കാം. അപേക്ഷയുടെ പ്രിന്റൗട്ട്എടുത്ത് സൂഷിക്കണം.

സെലക്ഷൻ: യു.പി.എസ്.സിയുടെ സി.എം.എസ്.ഇ 2022, 2023 റാങ്ക് അടിസ്ഥാനത്തിൽ മെറിറ്റ് ലിസ്റ്റ് തയാറാക്കിയാണ് നിയമനം. ഇന്ത്യയിലെവിടെയും ജോലിചെയ്യാൻ ബാധ്യസ്ഥരാണ്. കേരളം, തമിഴ്നാട്, കർണാടക, ആന്ധ്ര പ്രദേശ് മുതലായ സംസ്ഥാനങ്ങളിലെ ഇ.എസ്.ഐ.സി ആശുപത്രികളിലും ഡിസ്​പെൻസറികളിലും ഒഴിവുകൾ നിലവിലുണ്ട്.