കെ.എ.എസ്: പ്രായപരിധിയിൽ ഇളവ് നൽകി കരട് ചട്ടം ഭേദഗതി ഭേദഗതി നിർദേശം

തി​രു​വ​ന​ന്ത​പു​രം: കേ​ര​ള അ​ഡ്മി​നി​സ്​​ട്രേ​റ്റി​വ് സ​ർ​വി​സി​ലേ​ക്കു​ള്ള (കെ.​എ.​എ​സ്) ത​സ്തി​ക​മാ​റ് റ നി​യ​മ​ന​ങ്ങ​ളി​ൽ പ​ട്ടി​ക​ജാ​തി/ പ​ട്ടി​ക​വ​ർ​ഗ​ക്കാ​ർ​ക്ക് അ​ഞ്ചു​വ​ർ​ഷ​വും മ​റ്റ് പി​ന്നാ​ക്ക​വി​ഭാ ​ഗ​ക്കാ​ർ​ക്ക് മൂ​ന്നു​വ​ർ​ഷ​വും പ്രാ​യ​പ​രി​ധി​യി​ൽ ഇ​ള​വ് ന​ൽ​കി ക​ര​ടു​ച​ട്ടം ഭേ​ദ​ഗ​തി. ഭേ​ദ​ഗ​തി നി​ർ​ദേ​ശ​ങ്ങ​ൾ തി​ങ്ക​ളാ​ഴ്​​ച ചേ​രു​ന്ന പി.​എ​സ്.​സി യോഗം ച​ർ​ച്ച ചെ​യ്യും. ​ശേ​ഷം റി​പ്പോ​ർ​ട്ട് സം​സ്ഥാ​ന സ​ർ​ക്കാ​റി​ന് തി​രി​കെ ന​ൽ​കും.

കെ.​എ.​എ​സി​ലെ എ​ല്ലാ ധാ​ര​ക​ളി​െ​ല​യും നി​യ​മ​ന​ങ്ങ​ൾ​ക്ക്​ സം​വ​ര​ണം ബാ​ധ​ക​മാ​ക്കാ​ൻ സ​ർ​ക്കാ​ർ തീ​രു​മാ​നി​ച്ചി​രു​ന്നു. ഇ​തി​​െൻറ ഭാ​ഗ​മാ​യാ​ണ്​ ച​ട്ട​ങ്ങ​ളി​ൽ ഭേ​ദ​ഗ​തി നി​ർ​ദേ​ശി​ച്ചത്. സ​ർ​ക്കാ​ർ വ​കു​പ്പു​ക​ളി​ലെ ജീ​വ​ന​ക്കാ​രി​ൽ​നി​ന്ന്​ ര​ണ്ട്​ ധാ​ര​ക​ളി​ലാ​ണ്​ നി​യ​മ​നം. സ്ഥി​രം ജീ​വ​ന​ക്കാ​ർ​ക്കു​ള്ള​താ​ണ് ഒ​രു കാ​റ്റ​ഗ​റി. ര​ണ്ടാ​മ​ത്തേ​ത്​ ഒ​ന്നാം ഗ​സ​റ്റ​ഡ് ത​സ്തി​ക​ക്കാർ​ക്കും. ര​ണ്ടു​വി​ഭാ​ഗ​ത്തി​നും സാ​മു​ദാ​യി​ക സം​വ​ര​ണം അ​നു​വ​ദി​ച്ചി​രു​ന്നി​ല്ല. ഇ​തു​ൾ​പ്പെ​ടു​ത്തി​യാ​ണ്​ ക​ര​ടു​ച​ട്ടം മാ​റ്റി​യ​ത്. നി​യ​മ​ന​ത്തി​നു​ള്ള സാ​മു​ദാ​യി​ക സം​വ​ര​ണ​ത്തി​നൊ​പ്പം എ​ല്ലാ വി​ഭാ​ഗ​ത്തി​ലും ഉ​യ​ർ​ന്ന പ്രാ​യ​പ​രി​ധി​യി​ൽ ഇ​ള​വും അ​നു​വ​ദി​ച്ച​ത്.

പൊ​തു​വി​ഭാ​ഗ​ത്തി​ലു​ള്ള ആ​ദ്യ കാ​റ്റ​ഗ​റി ജീ​വ​ന​ക്കാ​ർ​ക്ക് 36 വ​യ​സ്സാ​ണ് പ്രാ​യ​പ​രി​ധി. എ​ന്നാ​ൽ, ഈ ​വി​ഭാ​ഗ​ത്തി​ലു​ള്ള പ​ട്ടി​ക​ജാ​തി പ​ട്ടി​ക വി​ഭാ​ഗ​ക്കാ​ർ​ക്ക് 41 വ​യ​സ്സ്​ വ​രെ​യും മ​റ്റ് പി​ന്നാ​ക്ക വി​ഭാ​ഗ​ക്കാ​ർ​ക്ക് 39 വ​യ​സ്സു​വ​രെ​യും അ​പേ​ക്ഷി​ക്കാം. ഒ​ന്നാം ഗ​സ​റ്റ​ഡ് ഓ​ഫി​സ​ർ​മാ​ർ​ക്ക് 50 വ​യ​സ്സാ​ണ് ഉ​യ​ർ​ന്ന പ്രാ​യ​പ​രി​ധി. സം​വ​ര​ണ വി​ഭാ​ഗ​ക്കാ​ർ​ക്ക് ഇ​ത് 53ഉം 55 ​ആ​യും ഉ​യ​ർ​ത്താ​നാ​ണ് നി​ർ​ദേ​ശം. ജൂ​ലൈ​യി​ൽ അ​ന്തി​മ​വി​ജ്ഞാ​പ​നം പ്ര​സി​ദ്ധീ​ക​രി​ക്കാ​നാ​ണ് ശ്ര​മി​ക്കു​ന്ന​ത്.