ലക്ചറർ ഇൻ റേഡിയേഷൻ ഫിസിക്സ് ഒഴിവ്

തിരുവനന്തപുരം : സർക്കാർ മെഡിക്കൽ കോളജിൽ ലക്ചറർ ഇൻ റേഡിയേഷൻ ഫിസിക്സ് തസ്തികയിലേക്ക് ദിവസവേതനാടിസ്ഥാനത്തിൽ നിയമനം നടത്തുന്നു. വിദ്യാഭ്യാസ യോഗ്യത- പോസ്റ്റ് എം എസ് സി ഡിപ്ലോമ ഇൻ റേഡിയോളജിക്കൽ ഫിസിക്സ്/ എം എസ് സി മെഡിക്കൽ ഫിസിക്സ് അല്ലെങ്കിൽ മറ്റേതെങ്കിലും പി ജി ഡിഗ്രി/ എ ഇ ആർ ബി അംഗീകരിച്ച ഡിപ്പോമ അല്ലെങ്കിൽ അടിസ്ഥാന യോഗ്യതയും ഒരു വർഷത്തെ ഇന്റേൺഷിപ്പും.

ബാർക്കിൽ (ബി.എ.ആർ.കെ) നിന്നുള്ള ആർ.എസ്.ഒ മെഡിക്കൽ സർട്ടിഫിക്കേഷൻ. പ്രായം: പി. എസ്.സി നിയമപ്രകാരമുള്ളത്. കരാർ കാലാവധി പരമാവധി ആറു മാസമാണ്. പ്രതിമാസ വേതനം: 57, 700 രൂപ ( കൺസോളിഡേറ്റഡ്).

ഇന്റർവ്യൂവിന് ഹാജരാകുന്നവർ ഈമാസം 10 ന് രാവിലെ 10.30 ന് തിരുവനന്തപുരം മെഡിക്കൽ കോളജ് പ്രിൻസിപ്പാളിന്റെ കാര്യാലത്തിലെത്തണം. ജനനത്തീയതി, വിദ്യാഭ്യാസ യോഗ്യത, മുൻപരിചയം എന്നിവ തെളിയിക്കുന്ന അസൽ രേഖകളും അവയുടെ ഒരു സെറ്റ് സ്വയം സാക്ഷ്യപ്പെടുത്തിയ പകർപ്പും ഹാജരാക്കണം.