മൈക്രോസോഫ്​റ്റിൽ രണ്ട്​ കോടി രൂപ ശമ്പളത്തിൽ ജോലി നേടി ഹൈദരാബാദ്​ സ്വദേശിനി

വാഷിങ്​ടൺ: മൈക്രോസോഫ്​റ്റിൽ വൻ തുക ശമ്പളത്തിൽ ജോലി നേടി ഹൈദരാബാദ്​ സ്വദേശിനി നർകുതി ദീപ്​തി. പ്രതിവർഷം രണ്ട്​ കോടി രൂപയാണ്​ ദീപ്​തിക്ക്​ മൈക്രോസോഫ്​റ്റ്​ ശമ്പളമായി നൽകുക. സോഫ്​റ്റവെയർ ഡെലപ്​മെൻറ്​ എൻജീനിയറായാണ്​ ദീപ്​തി മൈക്രോസോഫ്​റ്റിൽ പ്രവർത്തിക്കുക.

ഒ​സ്മാ​നിയ കോളജിൽ നിന്ന്​ എൻജീനിയറിങ്ങിൽ ബിരുദം നേടിയം ദീപതി ഉന്നതപഠനത്തിനായി യു.എസിൽ എത്തിയിരുന്നു. ഈ ഫെബ്രുവരിയിൽ സ്​കോളർഷിപ്പോടെ ഫ്ലോറിഡ യൂനിവേഴ്​സിറ്റിയിൽ നിന്നും പഠനം പൂർത്തിയാക്കുകയും ചെയ്​തു.

കാമ്പസ്​ ഇൻറർവ്യൂവിൽ മൈക്രോസോഫ്​റ്റിന്​ പുറമേ ആമസോൺ, ഗോൾമാൻ സാചസ്​ തുടങ്ങിയ കമ്പനികളിൽ നിന്നും ദീപ്​തിക്ക്​ ജോലി വാഗ്​ദാനം ലഭിച്ചിരുന്നു. ജെ.പി മോർഗനിൽ ദീപ്​തി മൂന്ന്​ വർഷം സോഫ്​റ്റ്​വെയർ എൻജീനിയറായും ജോലി ചെയ്​തിട്ടുണ്ട്​. വാഷിങ്​ടണിലെ മൈക്രോസോഫ്​റ്റ്​ ആസ്ഥാനത്ത്​ ദീപ്​തി ഈ മാസം തന്നെ ജോലിക്ക്​ കയറുമെന്നാണ്​ റിപ്പോർട്ടുകൾ.