പി.എസ്.സി അറിയിപ്പുകൾ
text_fieldsവിവരണാത്മക പരീക്ഷ
കെ.എസ്.ഇ.ബിയിൽ ഡിവിഷനൽ അക്കൗണ്ടന്റ് - എൻ.സി.എ പട്ടികവർഗം (കാറ്റഗറി നമ്പർ 344/2020) തസ്തികയിലേക്ക് ജൂലൈ ഒന്നിന് രാവിലെ 9.30 മുതൽ ഉച്ചക്ക് 12.00 വരെയും ഉച്ചക്ക് 1.00 മുതൽ വൈകീട്ട് 4.30 വരെയും വിവരണാത്മക പരീക്ഷ നടത്തും.
കോളജ് വിദ്യാഭ്യാസ വകുപ്പിൽ അസിസ്റ്റന്റ് പ്രഫസർ ഇൻ ഹോം സയൻസ് (കാറ്റഗറി നമ്പർ 397/2022) തസ്തികയിലേക്ക് ജൂലൈ ഒന്നിന് രാവിലെ 9.30 മുതൽ ഉച്ചക്ക് 12.00വരെ വിവരണാത്മക പരീക്ഷ നടത്തും.
കോളജ് വിദ്യാഭ്യാസ വകുപ്പിൽ (മ്യൂസിക് കോളജുകൾ) ജൂനിയർ ലെക്ചറർ ഇൻ മോഹിനിയാട്ടം (കാറ്റഗറി നമ്പർ 684/2022) തസ്തികയിലേക്ക് ജൂലൈ ഒന്നിന് രാവിലെ 9.30 മുതൽ ഉച്ചക്ക് 12.00വരെ വിവരണാത്മക പരീക്ഷ നടത്തും.
കോളജ് വിദ്യാഭ്യാസ വകുപ്പിൽ അസിസ്റ്റന്റ് പ്രഫസർ ഇൻ സംസ്കൃതം (ന്യായ) (കാറ്റഗറി നമ്പർ 2/2022) തസ്തികയിലേക്ക് 2023 ജൂലൈ ഒന്നിന് രാവിലെ 9.30 മുതൽ ഉച്ചക്ക് 12.00 വരെ വിവരണാത്മക പരീക്ഷ നടത്തും.
ഉദ്യോഗാർഥികൾ അഡ്മിഷൻ ടിക്കറ്റ് പ്രൊഫൈലിൽനിന്ന് ഡൗൺലോഡ് ചെയ്യണം.
അർഹത നിർണയപട്ടിക: തിരുത്തൽ വിജ്ഞാപനം
കേരള ഖാദി ഗ്രാമ വ്യവസായ ബോർഡിലെ താഴ്ന്ന വിഭാഗം ജീവനക്കാർക്ക് ലോവർ ഡിവിഷൻ ക്ലർക്ക് (കാറ്റഗറി നമ്പർ 375/2020) തസ്തികയിലേക്കും കേരള കാർഷിക സർവകലാശാലയിലെ താഴ്ന്ന വിഭാഗം ജീവനക്കാർക്ക് അസിസ്റ്റൻറ് (കാറ്റഗറി നമ്പർ 111/2021) തസ്തികയിലേക്കും ഉദ്യോഗക്കയറ്റം നേടുന്നതിനുള്ള അർഹത നിർണയപട്ടികയുടെ തിരുത്തൽ വിജ്ഞാപനം പി.എസ്.സി വെബ്സൈറ്റിൽ ലഭ്യമാണ്.
പ്രമാണപരിശോധന
കേരള അഗ്രോ മെഷീനറി കോർപറേഷൻ ലിമിറ്റഡിൽ അസിസ്റ്റൻറ് എൻജിനീയർ (കാറ്റഗറി നമ്പർ 502/2019) തസ്തികയിലേക്ക് ജൂൺ 30, ജൂലൈ ഒന്ന് തീയതികളിൽ പി.എസ്.സി ആസ്ഥാന ഓഫിസിൽവെച്ച് പ്രമാണപരിശോധന നടത്തും. ഉദ്യോഗാർഥികൾക്കുള്ള പ്രൊഫൈൽ സന്ദേശം, എസ്.എം.എസ് എന്നിവ നൽകിയിട്ടുണ്ട്. സംശയനിവാരണത്തിന് സി.ആർ. 2 വിഭാഗവുമായി ബന്ധപ്പെടണം.
കേരള സംസ്ഥാന പിന്നാക്ക വിഭാഗ വികസന കോർപറേഷൻ ലിമിറ്റഡിൽ പ്രോജക്ട് അസിസ്റ്റന്റ്/യൂനിറ്റ് മാനേജർ (കാറ്റഗറി നമ്പർ 9/2021) തസ്തികയിലേക്ക് ജൂൺ 30, ജൂലൈ ഒന്ന് തീയതികളിൽ രാവിലെ 10.15 മുതൽ പി.എസ്.സി ആസ്ഥാന ഓഫിസിൽ പ്രമാണപരിശോധന നടത്തും. വിവരങ്ങൾക്ക് ഇ.ആർ.14 വിഭാഗവുമായി ബന്ധപ്പെടണം (0471 2546510).
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.