അഗ്രികൾചറൽ റിസർച്ച് സർവിസിൽ സയന്റിസ്റ്റ് ഒഴിവുകൾ

അഗ്രികൾചറൽ റിസർച്ച് സർവിസിൽ സയന്റിസ്റ്റ് തസ്തികയിൽ 260 ഒഴിവുകളിലേക്ക് അഗ്രികൾചറൽ സയന്റിസ്റ്റ് റിക്രൂട്ട്മെന്റ് ബോർഡ് അ​പേക്ഷ ക്ഷണിച്ചു. ഒക്ടോബർ/നവംബറിൽ ദേശീയതലത്തിൽ നടത്തുന്ന എ.ആർ.എസ് പരീക്ഷയുടെ അടിസ്ഥാനത്തിലാണ് തെ​രഞ്ഞെടുപ്പ്. വിജ്ഞാപനം www.asrb.org.inൽ. 26ന് വൈകിട്ട് 5.30 വരെ അപേക്ഷിക്കാം. അപേക്ഷാഫീസ് 800 രൂപ. എസ്.സി/എസ്.ടി/പി.ഡബ്ലിയു.ബി.ഡി, വനിതകൾ എന്നിവർക്ക് ഫീസില്ല.

യോഗ്യത: അഗ്രികൾചർ/അനുബന്ധ വിഷയങ്ങളിൽ പി.എച്ച്.ഡി. സെപ്റ്റംബർ 30നകം ഡോക്ടറൽ ബിരുദം പൂർത്തിയാക്കാൻ കഴിയുന്നവർക്കും അപേക്ഷിക്കാം. പ്രായം: 1.1.2023ൽ 21നും 35നും മധ്യേ. നിയമാനുസൃത വയസ്സിളവുണ്ട്. കർഷക/അനുബന്ധ വിഷയത്തിൽ പി.എച്ച്.ഡിയുള്ളവർക്കാണ് അപേക്ഷിക്കാവുന്നത്.

എ.ആർ.എസ് പരീക്ഷ കോയമ്പത്തൂർ, ബംഗളൂരു, ഹൈദരാബാദ്, മുംബൈ, ദൽഹി, നാഗ്പൂർ, ലക്നൗ, പാറ്റ്ന, ഭോപാൽ, ഭുവനേശ്വർ, വഡോദര, കൊൽക്കത്ത, ഡറാഡൂൺ, ഗുവാഹത്തി, ​ജോധ്പൂർ, ജമ്മു, ലുധിയാന, ശ്രീനഗർ കേന്ദ്രങ്ങളിൽ നടത്തും. പരീക്ഷയുടെ വിശദാംശങ്ങളും തെരഞ്ഞെടുപ്പ് നടപടികളും വിജ്ഞാപനത്തിലുണ്ട്.