ബോർഡർ റോഡ്സ് ഓർഗനൈസേഷനിൽ 1178 ഒഴിവുകൾ

കേന്ദ്രസർക്കാർ ആഭിമുഖ്യത്തിലുള്ള ബോർഡർ റോഡ്സ് ഓർഗനൈസേഷൻ (BRO) വിവിധ തസ്തികകളിൽ റിക്രൂട്ട്മെന്റിനായി അപേക്ഷ ക്ഷണിച്ചു. ആകെ ഒഴിവ് 1178. തസ്തികകളും ഒഴിവുകളും യോഗ്യതകളും ചുവടെ:

മൾട്ടി സ്കിൽഡ് വർക്കർ (മേസൺ), ഒഴിവുകൾ 147 (ജനറൽ 26, എസ്.സി 30, എസ്.ടി 15, ഒ.ബി.സി 56, ഇ.ഡബ്ല്യൂ.എസ് 20). യോഗ്യത: എസ്.എസ്.എൽ.സി/തത്തുല്യം, ബിൽഡിങ് കൺസ്ട്രക്ഷൻ/ബ്രിക്സ് മേസൺ ഐ.ടി.ഐ ട്രേഡ് സർട്ടിഫിക്കറ്റ്. പ്രായം 18-25.

മൾട്ടി സ്കിൽഡ് വർക്കർ (നഴ്സിങ് അസിസ്റ്റന്റ്), ഒഴിവുകൾ 155 (ജനറൽ 56, എസ്.സി 26, എസ്.ടി 13, ഒ.ബി.സി 44, ഇ.ഡബ്ല്യൂ.എസ് 16), യോഗ്യത: ബയോളജി ഉൾപ്പെടെയുള്ള വിഷയങ്ങൾ പഠിച്ച് പ്ലസ് ടു/തത്തുല്യം. നഴ്സിങ്/ഓക്സിലറി നഴ്സിങ് മിഡ്വൈഫ് (ANM) സർട്ടിഫിക്കറ്റ്. നഴ്സിങ്/ഫാർമസി/ഡിപ്ലോമ/ഡിഗ്രി ഉള്ളവർക്കും അപേക്ഷിക്കാം. പ്രായം 18-27. ഈ തസ്തികകൾക്ക് ജൂലൈ 22വരെ അപേക്ഷ സ്വീകരിക്കും.

സ്റ്റോർകീപ്പർ ടെക്നിക്കൽ, ഒഴിവുകൾ 377 (ജനറൽ 157, എസ്.സി 53, എസ്.ടി 26, ഒ.ബി.സി 103, ഇ.ഡബ്ല്യൂ.എസ് 38). യോഗ്യത: പ്ലസ് ടു/തത്തുല്യം. വെഹിക്കിൾ/എൻജിനീയറിങ് ബന്ധപ്പെട്ടുള്ള സ്റ്റോർകീപ്പിങ് പരിജ്ഞാനം വേണം. സ്റ്റോർസ് എസ്റ്റാബ്ലിഷ്മെന്റിൽ മൂന്നു വർഷത്തിൽ കുറയാത്ത പ്രവൃത്തിപരിചയം അഭിലഷണീയം. പ്രായം 18-27.

മൾട്ടി സ്കിൽഡ് വർക്കർ (ഡ്രൈവർ എൻജിൻ സ്റ്റാറ്റിക്), ഒഴിവുകൾ 499 (ജനറൽ-164, എസ്.സി 90, എസ്.ടി 50, ഒ.ബി.സി 177, ഇ.ഡബ്ല്യൂ.എസ് 18), യോഗ്യത: മെട്രിക്കുലേഷൻ/എസ്.എസ്.എൽ.സി/തത്തുല്യം. മെക്കാനിക് മോട്ടോർ വെഹിക്കിൾ/ട്രാക്ടേഴ്സ് ഐ.ടി.ഐ ട്രേഡ് സർട്ടിഫിക്കറ്റ്. പ്രായം 18-27. ഈ തസ്തികകൾക്ക് ജൂലൈ 11വരെ അപേക്ഷ സ്വീകരിക്കും.

സമഗ്രവിവരങ്ങളടങ്ങിയ റിക്രൂട്ട്മെന്റ് വിജ്ഞാപനം www.bro.gov.inൽ. വിജ്ഞാപനത്തിലെ നിർദേശപ്രകാരം നിശ്ചിത തീയതികളിൽ അപേക്ഷ സമർപ്പിക്കേണ്ടതാണ്. സെലക്ഷൻ നടപടികളും ശമ്പളം മുതലായ വിവരങ്ങളും അപ്ഡേറ്റുകളും വെബ്സൈറ്റിൽ ലഭ്യമാകും.