മദ്രാസ് സര്‍വകലാശാലയില്‍ മലയാളം എം.എ, എം.ഫില്‍ റെഗുലര്‍ സര്‍ട്ടിഫിക്കറ്റ് കോഴ്സുകള്‍

മദ്രാസ് സര്‍വകലാശാലയിലെ മലയാളം വകുപ്പില്‍ എം.എ, എം.ഫില്‍ (റെഗുലര്‍) സര്‍ട്ടിഫിക്കറ്റ് കോഴ്സുകള്‍ക്ക് അപേക്ഷിക്കാം. www.unom.ac.in എന്ന വെബ്സൈറ്റ് വഴി ഓണ്‍ലൈനായാണ് അപേക്ഷ നല്‍കേണ്ടത്. 
അപേക്ഷാഫീസായ 300 രൂപയും ഓണ്‍ലൈനായി അടക്കാം. അല്ളെങ്കില്‍ ‘രജിസ്ട്രാര്‍, യൂനിവേഴ്സിറ്റി ഓഫ് മദ്രാസ്, ചെന്നൈ 600005’ എന്ന പേരില്‍ എടുത്ത ഡി.ഡി അപേക്ഷാഫോറത്തിനൊപ്പം ഉള്ളടക്കിയാലും മതി. ഓണ്‍ലൈനില്‍ പൂരിപ്പിച്ച അപേക്ഷയുടെ കോപ്പി, ഹെഡ് ഓഫ് ദ ഡിപ്പാര്‍ട്മെന്‍റ്, ഡിപ്പാര്‍ട്മെന്‍റ് ഓഫ് മലയാളം, മദ്രാസ് യൂനിവേഴ്സിറ്റി, മറീന കാമ്പസ്, ചെന്നൈ 600005 എന്ന വിലാസത്തില്‍ ജൂണ്‍ 15നകം കിട്ടത്തക്കവണ്ണം പോസ്റ്റലായി അയക്കുക. (സര്‍ട്ടിഫിക്കറ്റ് കോഴ്സിന് അപേക്ഷിക്കാനുള്ള അവസാന തീയതി ജൂലൈ 29. പരീക്ഷാഫലം കാത്തിരിക്കുന്നവര്‍ക്കും അപേക്ഷിക്കാം. കൂടുതല്‍ വിവരങ്ങള്‍ക്ക്: 9444514381, 9790257674.