സി.ബി.എസ്​.ഇ സ്കൂൾ അധ്യാപകർക്ക്​ 50 മണിക്കൂർ നിർബന്ധിത പരിശീലനം

തി​രു​വ​ന​ന്ത​പു​രം: ദേ​ശീ​യ വി​ദ്യാ​ഭ്യാ​സ ന​യ​ത്തി​ന​നു​സൃ​ത​മാ​യി സി.​ബി.​എ​സ്.​ഇ ന​ട​പ്പാ​ക്കു​ന്ന ‘സ്​​റ്റെം’ വി​ദ്യാ​ഭ്യാ​സ സ​മീ​പ​ന​ത്തി​ന്‍റെ ഭാ​ഗ​മാ​യി അ​ധ്യാ​പ​ക​ർ​ക്ക്​ നി​ർ​ബ​ന്ധി​ത പ​രി​ശീ​ല​നം ന​ട​പ്പാ​ക്കു​ന്നു. ശാ​സ്ത്രം, സാ​ങ്കേ​തി​ക​വി​ദ്യ, എ​ൻ​ജി​നീ​യ​റി​ങ്, ഗ​ണി​തം എ​ന്നി​വ​യെ ഏ​കീ​കൃ​ത പ​ഠ​ന ച​ട്ട​ക്കൂ​ടി​ലേ​ക്ക് സ​മ​ന്വ​യി​പ്പി​ക്കു​ന്ന ഇ​ന്റ​ർ ഡി​സി​പ്ലി​ന​റി സ​മീ​പ​ന​മാ​ണ് സ്​​റ്റെം. ഇ​തി​ന്‍റെ ഭാ​ഗ​മാ​യാ​ണ്​ സി.​ബി.​എ​സ്.​ഇ​യി​ൽ അ​ഫി​ലി​യേ​റ്റ്​ ചെ​യ്​​ത മു​ഴു​വ​ൻ സ്കൂ​ളു​ക​ളി​ലെ​യും അ​ധ്യാ​പ​ക​രും വ​ർ​ഷ​ത്തി​ൽ 50 മ​ണി​ക്കൂ​ർ നി​ർ​ബ​ന്ധി​ത പ​രി​ശീ​ല​ന​ത്തി​ന് (ക​ണ്ടി​ന​സ്​ പ്ര​ഫ​ഷ​ന​ൽ ഡെ​വ​ല​പ്​​മെ​ന്‍റ്)​ വി​ധേ​യ​മാ​ക​ണ​മെ​ന്ന്​ സി.​ബി.​എ​സ്.​ഇ വി​ജ്ഞാ​പ​ന​മി​റ​ക്കി​യ​ത്.

ഇ​തി​ൽ 25 മ​ണി​ക്കൂ​ർ സി.​ബി.​എ​സ്.​ഇ/ സ​ർ​ക്കാ​ർ റീ​ജ​ന​ൽ ട്രെ​യി​നി​ങ്​ ഇ​ൻ​സ്റ്റി​റ്റ്യൂ​ട്ട്​ വ​ഴി​യും 25 മ​ണി​ക്കൂ​ർ സ്കൂ​ൾ കോം​പ്ല​ക്സ്​ കേ​ന്ദ്രീ​ക​രി​ച്ചു​മാ​യി​രി​ക്ക​ണം. 12 മ​ണി​ക്കൂ​ർ മൂ​ല്യ​ങ്ങ​ളും ധാ​ർ​മി​ക​ത​യും സം​ബ​ന്ധി​ച്ചും 24 മ​ണി​ക്കൂ​ർ അ​റി​വും പ്ര​യോ​ഗ​വും 14 മ​ണി​ക്കൂ​ർ പ്ര​ഫ​ഷ​ന​ൽ വ​ള​ർ​ച്ച​യും വി​ക​സ​ന​വും എ​ന്നീ വി​ഷ​യ​ങ്ങ​ളി​ലാ​യി​രി​ക്ക​ണം പ​രി​ശീ​ല​നം. ക്ലാ​സ് മു​റി പ​രി​ശീ​ല​ന​ത്തി​ൽ അ​നു​ഭ​വ​പ​ര​വും അ​ന്വേ​ഷ​ണാ​ധി​ഷ്ഠി​ത​വും അ​ന്ത​ർ​വൈ​ജ്ഞാ​നി​ക​വു​മാ​യ സ​മീ​പ​ന​ങ്ങ​ൾ സം​യോ​ജി​പ്പി​ക്കു​ന്ന​തി​നു​ള്ള ത​ന്ത്ര​ങ്ങ​ൾ ഉ​പ​യോ​ഗി​ച്ച് അ​ധ്യാ​പ​ക​രെ ശാ​ക്തീ​ക​രി​ക്കു​ക​യാ​ണ്​ പ​രി​ശീ​ല​നം ഊ​ന്ന​ൽ ന​ൽ​കു​ന്ന​തെ​ന്നും സി.​ബി.​എ​സ്.​ഇ വാ​ർ​ത്ത​ക്കു​റി​പ്പി​ൽ അ​റി​യി​ച്ചു.