സെൻട്രൽ യൂനിവേഴ്സിറ്റി ഓഫ് കേരളയിൽ പിഎച്ച്.ഡി

സെൻട്രൽ യൂനിവേഴ്സിറ്റി ഓഫ് കേരള (പെരിയ, കാസർകോട്) വിവിധ വകുപ്പുകളിൽ പിഎച്ച്.ഡി പ്രവേശനത്തിന് അപേക്ഷ ക്ഷണിച്ചു. അപേക്ഷഫീസ് 1000 രൂപ. SC/ST/PWD വിഭാഗങ്ങളിൽപെടുന്നവർക്ക് 500 രൂപ. പ്രവേശന വിജ്ഞാപനം www.cukerala.ac.inൽ ലഭ്യമാണ്.

വകുപ്പുകളും സീറ്റുകളും: ഇക്കണോമിക്സ് -9, ഇംഗ്ലീഷ് ആൻഡ് കംപാരറ്റിവ് ലിറ്ററേച്ചർ-3, ഹിന്ദി-6, ഇന്റർനാഷനൽ റിലേഷൻസ് ആൻഡ് പൊളിറ്റിക്സ്-3, മലയാളം-4, പബ്ലിക് അഡ്മിനിസ്ട്രേഷൻ ആൻഡ് പോളിസി സ്റ്റഡീസ്-3, സോഷ്യൽ വർക്ക് -3, എജുക്കേഷൻ-14, ബയോകെമിസ്ട്രി ആൻഡ് മോളിക്കുലാർ ബയോളജി-7, കമ്പ്യൂട്ടർ സയൻസ്-8, എൻവയൺമെന്റൽ സയൻസ്-3, ജനോമിക് സയൻസ്-10, ജിയോളജി-4, മാത്തമാറ്റിക്സ്-11, പ്ലാന്റ് സയൻസ്-6, നിയമം-7, പബ്ലിക് ഹെൽത്ത് ആൻഡ് കമ്യൂണിറ്റി മെഡിസിൻ-3, ഫിസിക്സ്-16, സുവോളജി-6, കെമിസ്ട്രി-8, ലിംഗ്വിസ്റ്റിക്സ്-1.

ബന്ധപ്പെട്ട വിഷയത്തിൽ 55 ശതമാനം മാർക്കോടെ മാസ്റ്റേഴ്സ് ബിരുദമുള്ളവർക്ക് അപേക്ഷിക്കാം. പട്ടികജാതി/വർഗം, ഒ.ബി.സി നോൺ ക്രീമിലെയർ, ഭിന്നശേഷിക്കാർ എന്നീ വിഭാഗങ്ങളിൽപെടുന്നവർക്ക് 50%-45% മാർക്ക് മതിയാകും. ജെ.ആർ.എഫ്/നെറ്റ് യോഗ്യത നേടിയിരിക്കണം. യോഗ്യത മാനദണ്ഡങ്ങളും സെലക്ഷൻ നടപടികളും അപേക് സമർപ്പണത്തിനുള്ള നിർദേശങ്ങളും വിജ്ഞാപനത്തിലുണ്ട്. അപേക്ഷ ഓൺലൈനായി മാർച്ച് 31 വരെ സമർപ്പിക്കാം.

പോണ്ടിച്ചേരി വാഴ്സിറ്റിയിൽ പിഎച്ച്.ഡി വിജ്ഞാപനം

യു.ജി.സി/CSIR നെറ്റ്/തത്തുല്യ ദേശീയതല യോഗ്യത പരീക്ഷയെഴുതി ഗവേഷണപഠനത്തിനായി ജൂനിയർ റിസർച് ഫെലോഷിപ് നേടിയവർക്ക് പോണ്ടിച്ചേരി യൂനിവേഴ്സിറ്റിയുടെ പിഎച്ച്.ഡി പ്രവേശനത്തിന് അപേക്ഷിക്കാം. ഫീസ് 1000 രൂപ. SC/STക്കാർക്ക് 500 രൂപ. ഭിന്നശേഷിക്കാർക്കും ട്രാൻസ്ജെൻഡർ വിഭാഗത്തിനും ഫീസില്ല.

പ്രവേശന വിജ്ഞാപനം, ഇൻഫർമേഷൻ ബ്രോഷർ www.pondiuni.edu.inൽനിന്ന് ഡൗൺലോഡ് ചെയ്ത് നിർ​ദേശാനുസരണം അപേക്ഷിക്കാം. ഓൺലൈൻ അപേക്ഷ മാർച്ച് 31 വ​​രെ സമർപ്പിക്കാം.