കോഴിക്കോട് എൻ.ഐ.ടിയിൽ പിഎച്ച്.ഡി പ്രവേശനത്തിന് അപേക്ഷ ക്ഷണിച്ചു

കോഴിക്കോട് എൻ.ഐ.ടിയിൽ പിഎച്ച്.ഡി പ്രവേശനത്തിന് അപേക്ഷ ക്ഷണിച്ചു. വിവിധ സ്കീമുകളിലെ പ്രോഗ്രാമുകൾ (മൺസൂൺ സെമസ്റ്റർ) 2022 ഇവയാണ്:

സ്കീം ഒന്ന്: ഫുൾ ടൈം പിഎച്ച്.ഡി, ഡയറക്ട് പിഎച്ച്.ഡി (ബി.ടെക്കിനുശേഷം) എന്നിവക്ക് ഈ സ്കീമിൽ അപേക്ഷിക്കാം. (ജെ.ആർ.എഫ്/യു.ജി.സി/നെറ്റ്/സി.എസ്.ഐ.ആർ/കെ.എസ്.സി.എസ്.ടി.ഇ/ ഇൻസ്റ്റിറ്റ്യൂട്ട് ഫെലോഷിപ്/ഗവ. ഫെലോഷിപ്പുകൾക്കൊപ്പം).

സ്കീം രണ്ട്: സെൽഫ്‌ സ്പോൺസർ ചെയ്യുന്ന വിഭാഗത്തിന് കീഴിലുള്ള മുഴുവൻ സമയ വിദ്യാർഥികൾ.

സ്‌കീം മൂന്ന്: ഫുൾ ടൈം (സ്‌പോൺസർ ചെയ്‌തത്)/വ്യവസായ സ്ഥാപനത്തിൽനിന്നോ വിദ്യാഭ്യാസ സ്ഥാപനങ്ങൾ ഉൾപ്പെടെയുള്ള മറ്റ് സ്ഥാപനങ്ങളിൽ നിന്നോ ഉള്ള വിദ്യാർഥികൾക്കുള്ള രജിസ്‌ട്രേഷൻ.

സ്‌കീം നാല്: ഇന്റേണൽ രജിസ്‌ട്രേഷൻസ്- കോഴിക്കോട് എൻ.ഐ.ടിയിൽ ജോലി ചെയ്യുന്ന സ്ഥിരം ജീവനക്കാർ/കോഴിക്കോട് എൻ.ഐ.ടിയിൽ ഫണ്ട് ചെയ്ത പ്രോജക്ടുകളിൽ ജോലി ചെയ്യുന്ന റിസർച് സ്റ്റാഫ്.

വകുപ്പുകൾ: ആർക്കിടെക്ചർ ആൻഡ് പ്ലാനിങ്, കെമിക്കൽ എൻജിനീയറിങ്, കെമിസ്ട്രി, സിവിൽ എൻജിനീയറിങ്, കമ്പ്യൂട്ടർ സയൻസ് ആൻഡ് എൻജിനീയറിങ്, ഇലക്ട്രിക്കൽ എൻജിനീയറിങ്, ഇലക്ട്രോണിക്സ് ആൻഡ് കമ്യൂണിക്കേഷൻ എൻജിനീയറിങ്, മാത്തമാറ്റിക്സ്, മെക്കാനിക്കൽ എൻജിനീയറിങ്, ഫിസിക്സ്.

സ്കൂളുകൾ: ബയോടെക്നോളജി, മെറ്റീരിയൽസ് സയൻസ്, എൻജിനീയറിങ്, മാനേജ്മെന്റ് സ്റ്റഡീസ്. നിലവിൽ പഠിക്കുന്ന അവസാന വർഷ വിദ്യാർഥികൾക്ക് രണ്ടുവിഭാഗങ്ങൾക്ക് കീഴിൽ സ്കീം ഒന്നിന് അപേക്ഷിക്കാം: (i) വ്യക്തിഗത വകുപ്പുകൾ/സ്‌കൂളുകൾ വ്യക്തമാക്കിയ പ്രകാരം ഉചിതമായ ബ്രാഞ്ച്/പഠന വിഭാഗത്തിൽ ബിരുദാനന്തര ബിരുദം നേടിയ വിദ്യാർഥികൾക്കുള്ള റെഗുലർ ഫുൾടൈം പ്രോഗ്രാം (ii) മികച്ച അക്കാദമിക് റെക്കോഡും ഗവേഷണ അഭിരുചിയുമുള്ള ബി.ടെക്/ബി.ഇ/ബി.ആർസ്/ബി പ്ലാൻ ബിരുദധാരികൾക്കുള്ള ഡയറക്ട് പിഎച്ച്.ഡി പ്രോഗ്രാം. ഈ സ്കീമിനുകീഴിൽ തിരഞ്ഞെടുക്കപ്പെടുന്ന വിദ്യാർഥികൾക്ക് ഇൻസ്റ്റിറ്റ്യൂട്ട് ഫെലോഷിപ്പിന് അർഹതയുണ്ട്.അപേക്ഷ ഫീസ്: എസ്‌.സി/എസ്‌.ടി വിദ്യാർഥികൾക്ക് 500 രൂപ, മറ്റുള്ളവർക്ക് 1,000 രൂപ. ഓൺലൈൻ അപേക്ഷ സ്വീകരിക്കുന്ന അവസാന തീയതി മേയ് മൂന്ന്. വിവരങ്ങൾ www.nitc.ac.in വെബ്സൈററിലെ അഡ്മിഷൻസ്' ലിങ്കിൽ.