സം​വ​ര​ണം പ​ടി​ക്കു​പു​റ​ത്ത്; ഐ.​ഐ.​എ​മ്മു​ക​ളി​ലും ഐ.​ഐ.​ടി​ക​ളി​ലും അധ്യാപക നിയമനത്തിൽ വിവേചനം

ന്യൂ​ഡ​ൽ​ഹി: രാ​ജ്യ​ത്തെ പ്ര​മു​ഖ ഉ​ന്ന​ത വി​ദ്യാ​ഭ്യാ​സ സ്ഥാ​പ​ന​ങ്ങ​ളാ​യ ഇ​ന്ത്യ​ൻ ഇ​ൻ​സ്റ്റി​റ്റ്യൂ​ട്ട് ഓ​ഫ് ടെ​ക്നോ​ള​ജി (ഐ.​ഐ.​ടി), ഇ​ന്ത്യ​ൻ ഇ​ൻ​സ്റ്റി​റ്റ്യൂ​ട്ട് ഓ​ഫ് മാ​നേ​ജ്മെ​ന്റ് (ഐ.​ഐ.​എം) എ​ന്നി​വി​ട​ങ്ങ​ളി​ലെ അ​ധ്യാ​പ​ക ത​സ്തി​ക​ക​ളി​ൽ സം​വ​ര​ണ വി​ഭാ​ഗ​ങ്ങ​ൾ​ക്ക് അ​വ​ഗ​ണ​ന.

90 ശ​ത​മാ​നം അ​ധ്യാ​പ​ക​രും പൊ​തു​വി​ഭാ​ഗ​ത്തി​ൽ​നി​ന്നു​ള്ള​വ​രാ​ണെ​ന്ന് ക​ണ​ക്കു​ക​ൾ വ്യ​ക്ത​മാ​ക്കു​ന്നു. അ​ഖി​ലേ​ന്ത്യാ ഒ.​ബി.​സി വി​ദ്യാ​ർ​ഥി അ​സോ​സി​യേ​ഷ​ൻ ദേ​ശീ​യ പ്ര​സി​ഡ​ന്റ് ഗൗ​ദ് കി​ര​ൺ കു​മാ​റാ​ണ് വി​വ​രാ​വ​കാ​ശ നി​യ​മ​പ്ര​കാ​രം രേ​ഖ​ക​ൾ സം​ഘ​ടി​പ്പി​ച്ച​ത്.

ര​ണ്ട് ഐ.​ഐ.​ടി​ക​ളി​ലും മൂ​ന്ന് ഐ.​ഐ.​എ​മ്മു​ക​ളി​ലും 90 ശ​ത​മാ​ന​ത്തി​ല​ധി​കം അ​ധ്യാ​പ​ക​രും പൊ​തു വി​ഭാ​ഗ​ത്തി​ൽ​നി​ന്നു​ള്ള​വ​രാ​ണ്. ആ​റ് ഐ.​ഐ.​ടി​ക​ളി​ലും നാ​ല് ഐ.​ഐ.​എ​മ്മു​ക​ളി​ൽ 80-90 ശ​ത​മാ​ന​മാ​ണ് പൊ​തു​വി​ഭാ​ഗ​ത്തി​ൽ​നി​ന്നു​ള്ള അ​ധ്യാ​പ​ക​ർ.

ഐ.​ഐ.​എം ഇ​​ന്ദോ​റി​ലെ 109 അ​ധ്യാ​പ​ക​രി​ൽ 106 പേ​രും (97.2 ശ​ത​മാ​നം) പൊ​തു​വി​ഭാ​ഗ​ത്തി​ൽ​നി​ന്നാ​ണ്. എ​സ്.​സി, എ​സ്.​ടി വി​ഭാ​ഗ​ങ്ങ​ൾ​ക്ക് ഇ​വി​ടെ പ്രാ​തി​നി​ധ്യ​മി​ല്ല. ഐ.​ഐ.​എം ഉ​ദ​യ്​​പു​ർ, ഐ.​ഐ.​എം ല​ഖ്​​നോ എ​ന്നി​വി​ട​ങ്ങ​ളി​ലെ 90 ശ​ത​മാ​ന​ത്തി​ല​ധി​കം അ​ധ്യാ​പ​ക​രും പൊ​തു​വി​ഭാ​ഗ​ത്തി​ൽ​നി​ന്നാ​ണ്. ഐ.​ഐ.​എം ബം​ഗ​ളൂ​രു​വി​ൽ 85 ശ​ത​മാ​ന​മാ​ണ് പൊ​തു​വി​ഭാ​ഗ​ം അ​ധ്യാ​പ​ക​ർ. ആ​റ് ഐ.​ഐ.​എ​മ്മു​ക​ളി​ൽ എ​സ്.​ടി പ്രാ​തി​നി​ധ്യ​മി​ല്ല.

ഐ.ഐ.​ടി ബോം​ബെ, ഐ.​ഐ.​ടി ഖ​ര​ഗ്പൂ​ർ എ​ന്നി​വി​ട​ങ്ങ​ളി​ൽ 90 ശ​ത​മാ​ന​വും പൊ​തു​വി​ഭാ​ഗ​ത്തി​ൽ​നി​ന്നാ​ണ്. മാ​ണ്ഡി, ഗാ​ന്ധി​ന​ഗ​ർ, കാ​ൺ​പു​ർ, ഗു​വാ​ഹ​തി, ഡ​ൽ​ഹി ഐ.​ഐ.​ടി​ക​ളി​ൽ 80-90 ശ​ത​മാ​ന​മാ​ണ് പൊ​തു​വി​ഭാ​ഗ​ത്തി​ൽ​നി​ന്നു​ള്ള​വ​ർ.

അ​തേ​സ​മ​യം, ചി​ല ഐ.​ഐ.​ടി​ക​ളി​ലും ഐ.​ഐ.​എ​മ്മു​ക​ളി​ലും സം​വ​ര​ണ വി​ഭാ​ഗ​ങ്ങ​ൾ​ക്ക് മെ​ച്ച​പ്പെ​ട്ട പ​രി​ഗ​ണ​ന ല​ഭി​ച്ചി​ട്ടു​ണ്ട്. ഐ.​ഐ.​ടി പ​ട്​​ന​യി​ൽ 12 ശ​ത​മാ​നം മാ​ത്ര​മാ​ണ് പൊ​തു​വി​ഭാ​ഗ​ം അ​ധ്യാ​പ​ക​ർ. ഇ​വി​ടെ 38 ശ​ത​മാ​നം അ​ധ്യാ​പ​ക​ർ ഒ.​ബി.​സി​ക്കാരാണ്. എ​സ്.​സി -22 ശ​ത​മാ​നം, എ​സ്.​ടി -13 ശ​ത​മാ​നം എ​ന്നി​ങ്ങ​നെ​യാ​ണ് മ​റ്റ് വി​ഭാ​ഗ​ങ്ങ​ളു​ടെ നി​ല. ഐ.​ഐ.​ടി ഭി​ലാ​യി, ഐ.​ഐ.​ടി ഇ​ന്ദോ​ർ എ​ന്നി​വി​ട​ങ്ങ​ളി​ൽ 50 ശ​ത​മാ​നം വീ​ത​മാ​ണ് പൊ​തു​വി​ഭാ​ഗ​ത്തി​ൽ​നി​ന്നു​ള്ള​വ​ർ.

ഐ.​ഐ.​എ​മ്മു​ക​ളി​ൽ ഏ​റ്റ​വും സ​ന്തു​ലി​ത​മാ​യ അ​ധ്യാ​പ​ക അ​നു​പാ​ത​മു​ള്ള​ത് ഐ.​ഐ.​എം ജ​മ്മു​വി​ലാ​ണ്. പൊ​തു​വി​ഭാ​ഗം -51 ശ​ത​മാ​നം, എ​സ്.​സി 19 ശ​ത​മാ​നം, എ​സ്.​ടി അ​ഞ്ച് ശ​ത​മാ​നം, ഒ.​ബി.​സി 23 ശ​ത​മാ​നം എ​ന്നി​ങ്ങ​നെ​യാ​ണ് അ​ധ്യാ​പ​ക​രു​ടെ അ​നു​പാ​തം.

സം​വ​ര​ണ വി​ഭാ​ഗ​ങ്ങ​ൾ​ക്കു​ള്ള നി​ര​വ​ധി ത​സ്തി​ക​ക​ൾ ഒ​ഴി​ഞ്ഞു​കി​ട​ക്കു​ന്ന​താ​യി ക​ണ​ക്കു​ക​ൾ വ്യ​ക്ത​മാ​ക്കു​ന്നു. ഒ​ഴി​വ് വി​വ​ര​ങ്ങ​ൾ ന​ൽ​കി​യ ഏ​ഴ് ഐ.​ഐ.​എ​മ്മു​ക​ളി​ൽ 256 ത​സ്തി​ക​ക​ളാ​ണ് ഒ​ഴി​ഞ്ഞു​കി​ട​ക്കു​ന്ന​ത്. ഇ​തി​ൽ 88 എ​ണ്ണം ഒ.​ബി.​സി, 54 എ​ണ്ണം എ​സ്.​സി, 30 എ​ണ്ണം എ​സ്.​ടി വി​ഭാ​ഗ​ങ്ങ​ൾ​ക്കു​ള്ള​താ​ണ്.

വി​വ​ര​ങ്ങ​ൾ ന​ൽ​കി​യ 11 ഐ.​ഐ.​ടി​ക​ളി​ൽ 1557 ത​സ്തി​ക​ക​ളാ​ണ് ഒ​ഴി​വു​ള്ള​ത്. ഇ​തി​ൽ 415 എ​ണ്ണം ഒ.​ബി.​സി, 234 എ​സ്.​സി, 129 എ​സ്.​ടി എ​ന്നീ വി​ഭാ​ഗ​ങ്ങ​ൾ​ക്കു​ള്ള​താ​ണ്.