'നിഫ്​റ്റെം' തഞ്ചാവൂരിൽ ബി.ടെക്​, എം.ടെക്​, പിഎച്ച്​.ഡി: പ്രവേശന വിജ്ഞാപനം www.iifpt.edu.inൽ

ഫുഡ്​ ടെക്​നോളജി പഠിക്കാൻ തഞ്ചാവൂരിലെ നാഷനൽ ഇൻസ്​റ്റിറ്റ്യൂട്ട്​ ഓഫ്​ ഫുഡ്​ ടെക്​നോളജി എൻറർപ്രണർഷിപ്​​ ആൻഡ്​​ മാനേജ്​മെൻറിൽ (നിഫ്​റ്റെം) മികച്ച അവസരം. 2021-22 വർഷത്തെ ഇനി പറയുന്ന പ്രോഗ്രാമുകളിൽ പ്രവേശനത്തിന്​ ഇപ്പോൾ അപേക്ഷിക്കാം. പ്രവേശന വിജ്ഞാപനം www.iifpt.edu.inൽ ലഭ്യമാണ്​. ബി.ടെക്​- ഫുഡ്​ ടെക്​നോളജി, ജെ.ഇ.ഇ മെയിൻ 2021 ഓൾ ഇന്ത്യ റാങ്ക്​ പരിഗണിച്ച്​ 'ജോസ' വഴിയാണ്​ സെലക്​ഷൻ. ഓപ്​ഷൻ രജിസ്​ട്രേഷൻ https:​//josaa.nic.inൽ ഷെഡ്യൂൾ പ്രകാരം നിശ്ചിത സമയപരിധിക്കുള്ളിൽ നടത്തണം. ഷെഡ്യൂളുകളും നടപടി​ ക്രമങ്ങളും വെബ്​സൈറ്റിലുണ്ട്​.

എം.ടെക്​-ഫുഡ്​ ടെക്​ (ഫുഡ്​ പ്രോസസ്​ എൻജിനീയറിങ്​; ഫുഡ്​ പ്രോസസ്​ ടെക്​നോളജി; ഫുഡ്​ സേഫ്​റ്റി ആൻഡ്​​ ക്വാളിറ്റി അഷ്വറൻസ്​).

ബി.ടെക്​ മാർക്കും നിഫ്​റ്റെം ഓൺലൈൻ എൻട്രൻസ്​ പരീക്ഷയുടെ റാങ്കും അടിസ്​ഥാനമാക്കിയാണ്​ സെലക്​ഷൻ. അപേക്ഷ ഓൺലൈനായി ഒക്​ടോബർ 25 വരെ സമർപ്പിക്കാം. പിഎച്ച്​.ഡി-ഫുഡ്​ ടെക്​ (ഫുഡ്​ പ്രോസസിങ്​ എൻജിനീയറിങ്​, ഫുഡ്​ പ്രോസസ്​ ടെക്​നോളജി). ഡി​ഗ്രി, പി.ജി മാർക്ക്​, നിഫ്​റ്റെം ഓൺലൈൻ എൻട്രൻസ്​ പരീക്ഷ, ഓൺലൈൻ ഇൻറർവ്യൂ എന്നിവയുടെ അടിസ്​ഥാനത്തിലാണ്​ തെരഞ്ഞെടുപ്പ്​. യോഗ്യത മാനദണ്ഡങ്ങൾ, അപേക്ഷസമർപ്പണത്തിനുള്ള നിർദേശങ്ങൾ ഉൾപ്പെടെ വിശദവിവരങ്ങൾ വിജ്ഞാപനത്തിൽ/പ്രോസ്​പെക്​ടസിൽ ലഭിക്കും. തമിഴ്​നാട്​ അഗ്രികൾചറൽ യൂനിവേഴ്​സിറ്റിയുമായി അഫിലിയേറ്റ്​ ചെയ്​താണ്​ പ്രോഗ്രാമുകൾ നടത്തുന്നത്​.

അക്കാദമിക്​ പ്രോഗ്രാമുകൾക്ക്​ അഖിലേന്ത്യ സാ​ങ്കേതിക വിദ്യാഭ്യാസ കൗൺസിലി​​െൻറ അക്രഡിറ്റേഷനുമുണ്ട്​. പിഎച്ച്​.ഡി പ്രോഗ്രാമുകൾക്ക്​ ഡിസംബർ 15 വരെ അപേക്ഷ സ്വീകരിക്കും. പ്രവേശനസംബന്ധമായ അന്വേഷണങ്ങൾക്ക്​ admission@iifpt.edu.in എന്ന ഇ-മെയിലിലും ബന്ധപ്പെടാം.