കാലിക്കറ്റ്​ സർവകലാശാല ബിരുദ പ്രവേശനം: ഒക്​. ഒന്നുവരെ ഫീസടക്കാം

തേഞ്ഞിപ്പലം: കാലിക്കറ്റ്​ സർവകലാശാല 2020-2021 അധ്യയന വർഷത്തിലെ ബിരുദ ഏകജാലക പ്രവേശനത്തിൽ ആപ്ലിക്കേഷൻ ഫൈനൽ സബ്​മിഷൻ നടത്തി ഫീസ്​ അടക്കാതെ പുറത്തായവർക്ക്​ ഫീസടക്കാൻ ഒരവസരം കൂടി നൽകാൻ സർവകലാശാല തീരുമാനിച്ചു.

സെപ്​റ്റംബർ 30,ഒക്​ടോബർ ഒന്ന്​ തീയതികളിൽ അപേക്ഷകർക്ക്​ ഫീസ്​ അടച്ച്​ അപേക്ഷ പൂർത്തീകരിക്കാം. അപേക്ഷ പൂർത്തീകരിച്ചവർ നിർബന്ധമായും അപേക്ഷയുടെ പ്രിൻറൗട്ട്​ എടുത്തിരിക്കണം. അതേമസമയം, തിരുത്തലുകൾക്കോ ഓപ്​ഷൻ പുനഃക്രമീകരിക്കാനോ അവസരം ഉണ്ടായിരിക്കില്ല.