സി.ബി.എസ്.ഇ പരീക്ഷാ തീയതികൾ നാളെ പ്രഖ്യാപിക്കുമെന്ന് മന്ത്രി; നീട്ടിവെക്കണമെന്ന് വിദ്യാർഥികളും രക്ഷിതാക്കളും
text_fieldsന്യൂഡൽഹി: സി.ബി.എസ്.ഇ പത്ത്, 12 ക്ലാസുകളിലെ പരീക്ഷാ തീയതികൾ ഡിസംബർ 31ന് തെൻറ ഒൗദ്യോഗിക ട്വിറ്റർ ഹാൻഡിലിലൂടെ പ്രഖ്യാപിക്കുമെന്ന് കേന്ദ്ര വിദ്യാഭ്യാസ മന്ത്രി രമേശ് പൊഖ്രിയാൽ അറിയിച്ചു. നാളെ വൈകുന്നേരം ആറ് മണിയോടെ ട്വിറ്ററിൽ പങ്കുവെക്കുന്ന തത്സമയ വെബിനാറിലൂടെയായിരിക്കും പ്രഖ്യാപനം. വിദ്യാർത്ഥികൾക്ക് ഓരോ പരീക്ഷയുടെയും തീയതിയും സമയവും cbse.nic.in എന്ന വെബ്സൈറ്റിൽ ലഭ്യമാകും. ഇതിനോടൊപ്പം പരീക്ഷയ്ക്കായുള്ള നിർദ്ദേശങ്ങളും ലഭിച്ചേക്കും.
എന്നാൽ, പൊഖ്രിയാലിെൻറ ട്വീറ്റിന് താഴെ സി.ബി.എസ്.ഇ പരീക്ഷ നീട്ടിവെക്കണമെന്നാവശ്യപ്പെട്ട് രക്ഷിതാക്കളും വിദ്യാർഥികളുമടക്കമുള്ള നൂറുകണക്കിനാളുകളാണ് രംഗത്തെത്തിയിരിക്കുന്നത്. കുട്ടികൾക്ക് ലഭിച്ച ഒാൺലൈൻ ക്ലാസുകൾ ഫലപ്രദമായില്ലെന്നും സിലബസുകൾ തീർന്നിട്ടില്ലെന്നുമടക്കമുള്ള പരാതികളാണ് ഉയരുന്നത്. പത്താം തരത്തിലുള്ള കുട്ടികളെ വിജയിപ്പിച്ച് വിടണമെന്നും പ്രാക്ടിക്കൽ പരീക്ഷകൾ മാത്രമായി ഒഴിവാക്കണമെന്നും ആവശ്യപ്പെട്ടവരുമുണ്ട്.
sir please postpone the board exams till june so that we can prepare in a better way as the offfline classes are slowly starting and we have not understood anything from online https://t.co/rqSwOESLKh consider our requests sir!thank you!
— Somraj Roy (@SomrajRoy20) December 30, 2020
അതേസമയം, കോവിഡ് സാഹചര്യത്തെ തുടർന്ന് തുടർന്ന് സ്കൂളുകൾ തുറന്ന് പ്രവർത്തിക്കാത്തതിനാൽ സിലബസ് വെട്ടിക്കുറച്ചാണ് ഇത്തവണ പരീക്ഷകൾ നടത്തുന്നത്. പുതുക്കിയ സിലബസ് സംബന്ധിച്ച വിവരങ്ങൾ http://cbseacademic.nic.in/Revisedcurriculam എന്ന വെബ്സൈറ്റിൽ ലഭിക്കും.
Promote 10class students by there internal marks Couz 10 results is for only to get admission collages /or school so it's not important as students life pls sir@DrRPNishank @narendramodi
— Skyfalcon (@Skyfalc57387706) December 30, 2020
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.