![Students Students](https://www.madhyamam.com/h-upload/2021/09/19/1193310-cbse-class-10-12-term-1-exams-to-be-held-in-november-december.webp)
സി.ബി.എസ്.ഇ പത്ത്, പന്ത്രണ്ടാം ക്ലാസ് ആദ്യ ടേം പരീക്ഷ നവംബർ -ഡിസംബർ മാസങ്ങളിൽ
text_fieldsന്യൂഡൽഹി: സി.ബി.എസ്.ഇ (സെൻട്രൽ ബോർഡ് ഓഫ് സെക്കൻഡറി എജൂക്കേഷൻ) പത്ത്, പന്ത്രണ്ടാം ക്ലാസ് വിദ്യാർഥികളുടെ ആദ്യ ടേം പരീക്ഷ നവംബർ -ഡിസംബർ മാസങ്ങളിലായി നടക്കും. പുതുക്കിയ സിലബസും സാമ്പിൾ പേപ്പറുകളും സി.ബി.എസ്.ഇ പ്രസിദ്ധീകരിച്ചു. പരീക്ഷ ടൈംടേബിൾ ഒക്ടോബർ പകുതിയോടെ ലഭ്യമാകും.
ഈ അധ്യയന വർഷം വിഭജിച്ച് രണ്ടു ടേമുകളിലായി പരീക്ഷ നടത്താൻ സി.ബി.എസ്.ഇ തീരുമാനിക്കുകയായിരുന്നു. ആദ്യമായാണ് സി.ബി.എസ്.ഇ രണ്ടുടേമുകളായി പരീക്ഷ നടത്തുന്നത്.
രണ്ടാംടേം പരീക്ഷ 2022 മാർച്ച് -ഏപ്രിൽ മാസങ്ങളിലായി നടക്കും. രണ്ടുടേമുകളുടെയും മാർക്കിന്റെ അടിസ്ഥാനത്തിലാകും അന്തിമഫലം.
ആദ്യടേമിൽ മൾട്ടിപ്പ്ൾ ചോയ്സ് ചോദ്യങ്ങളായിരിക്കും ഉൾപ്പെടുത്തുക. 90 മിനിറ്റായിരിക്കും പരീക്ഷ. സിലബസിന്റെ 50 ശതമാനത്തിൽനിന്ന് ചോദ്യങ്ങളുണ്ടാകും.
സി.ബി.എസ്.ഇ 2021-22 പുതുക്കിയ സിലബസ് വെബ്സൈറ്റിൽ പ്രസിദ്ധീകരിച്ചിട്ടുണ്ട്. ഇതിൽ ആദ്യടേമിലെ ചോദ്യപേപ്പറിൽ ഉൾപ്പെടുത്തിയ പാഠഭാഗങ്ങളും ചോദ്യ പാറ്റേണുകളുമുണ്ട്.
അതേസമയം, പത്ത് -പന്ത്രണ്ടാം ക്ലാസ് പരീക്ഷക്കൊരുങ്ങുന്ന വിദ്യാർഥികളുടെ പട്ടിക സമർപ്പിക്കാൻ ബോർഡ് സ്കൂളുകേളാട് ആവശ്യപ്പെട്ടു. www.cbse.gov.in വെബ്സൈറ്റിലൂടെ സ്കൂളുകൾക്ക് വിവരങ്ങൾ സമർപ്പിക്കാം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.