സെൻട്രൽ ടീച്ചർ എലിജിബിലിറ്റി ടെസ്​റ്റ്​; ഓൺലൈൻ അപേക്ഷ ഒക്​ടോബർ 19 വരെ

കേന്ദ്രീയ/നവോദയ വിദ്യാലയങ്ങൾ ഉൾപ്പെടെ കേന്ദ്ര സർക്കാറിനു കീഴിലുള്ള സ്​കൂളുകളിലും മറ്റും ഒന്നു മുതൽ എട്ടുവരെ ക്ലാസുകളിൽ അധ്യാപക നിയമനത്തിനായുള്ള യോഗ്യതനിർണയ പരീക്ഷയായ സെൻട്രൽ ടീച്ചർ എലിജിബിലിറ്റി ടെസ്​റ്റ്​ ഡിസംബർ 12 മുതൽ ജനുവരി 13 വരെ ദേശീയതലത്തിൽ നടത്തും.

രണ്ടര മണിക്കൂർ ദൈർഘ്യമുള്ള കമ്പ്യൂട്ടർ അധിഷ്​ഠിത 'സി​-ടെറ്റ്​'​ രാവിലെ 9.30 മുതൽ ഉച്ചക്ക്​ 12 മണി വരെയും ഉച്ചക്കുശേഷം 2.30 മുതൽ അഞ്ചു മണി വരെയും രണ്ടു​ ഷിഫ്​റ്റുകളായാണ്​ നടത്തുന്നത്​.മൾട്ടിപ്പിൾ ചോയ്​സ്​ മാതൃകയിലുള്ള ടെസ്​റ്റിൽ രണ്ടു​ പേപ്പറുകളുണ്ട്​. മലയാളം, ഇംഗ്ലീഷ്​, ഹിന്ദി, തമിഴ്​, സംസ്​കൃതം, കന്നട, തെലുങ്ക്​ ഉൾപ്പെടെ 20 ഭാഷകളിൽ പരീക്ഷയെഴുതാം. പരീക്ഷഘടനയും സിലബസും യോഗ്യത മാനദണ്ഡങ്ങളും സെലക്​ഷൻ നടപടിയുമെല്ലാം അടങ്ങിയ വിജ്ഞാപനവും 'സി-ടെറ്റ്​​' ഇൻഫർമേഷൻ ബുള്ളറ്റിനും https://ctet.nic.inൽനിന്ന്​ ഡൗൺലോഡ്​ ചെയ്യാം.

ഒാൺലൈൻ അപേക്ഷ ഒക്​ടോബർ 19 വരെ സ്വീകരിക്കും.