പാഠപുസ്തക വിതരണ നിയന്ത്രണം വീണ്ടും വിദ്യാഭ്യാസ വകുപ്പിന്

തൃ​ശൂ​ർ: സ്കൂ​ളു​ക​ളി​ലേ​ക്കു​ള്ള പാ​ഠ​പു​സ്ത​ക വി​ത​ര​ണ​ത്തി​ന്റെ നി​യ​ന്ത്ര​ണം വീ​ണ്ടും വി​ദ്യാ​ഭ്യാ​സ വ​കു​പ്പി​ലെ​ത്തി. 2010 മു​ത​ൽ പാ​ഠ​പു​സ്ത​ക അ​ച്ച​ടി​യും വി​ത​ര​ണ​വും പൂ​ർ​ണ​മാ​യി കേ​ര​ള ബു​ക്സ് ആ​ൻ​ഡ് പ​ബ്ലി​ക്കേ​ഷ​ൻ സൊ​സൈ​റ്റി​യെ​യാ​ണ് (കെ.​ബി.​പി.​എ​സ്) സ​ർ​ക്കാ​ർ ഏ​ൽ​പി​ച്ചി​രു​ന്ന​ത്. വി​ത​ര​ണ​ത്തി​ലെ അ​പാ​ക​ത​ക​ൾ ബോ​ധ്യ​പ്പെ​ട്ട​തോ​ടെ​യാ​ണ് പ​രീ​ക്ഷ​ണ​ങ്ങ​ൾ അ​വ​സാ​നി​പ്പി​ച്ച് വി​ദ്യാ​ഭ്യാ​സ വ​കു​പ്പ് നി​യ​ന്ത്രി​ക്കു​ന്ന പ​ഴ​യ സ​മ്പ്ര​ദാ​യ​ത്തി​ലേ​ക്ക് മ​ട​ങ്ങി​യ​ത്. ഇ​തി​ന്റെ ഭാ​ഗ​മാ​യി ജി​ല്ല ആ​സ്ഥാ​ന​ങ്ങ​ളി​ലെ 14 ഹ​ബു​ക​ളി​ലേ​ക്ക് ഒ​രു സ്റ്റോ​ർ കീ​പ്പ​റെ​യും അ​ച്ച​ടി ന​ട​ക്കു​ന്ന കെ.​ബി.​പി.​എ​സി​ലേ​ക്ക് മൂ​ന്ന് സ്റ്റോ​ർ കീ​പ്പ​റെ​യും പു​ന​ർ​നി​യ​മി​ച്ച് ഉ​ത്ത​ര​വാ​യി.

പൊ​തു​വി​ദ്യാ​ഭ്യാ​സ വ​കു​പ്പി​ന് കീ​ഴി​ലെ ടെ​ക്സ്റ്റ് ബു​ക്ക് ഡി​പ്പോ വ​ഴി​യാ​യി​രു​ന്നു മു​ഴു​വ​ൻ കു​ട്ടി​ക​ൾ​ക്കും 2009 വ​രെ പാ​ഠ​പു​സ്ത​ക വി​ത​ര​ണം ന​ട​ത്തി​യി​രു​ന്ന​ത്. അ​ച്ച​ടി​യി​ലെ വീ​ഴ്ച​യും വി​ത​ര​ണ​ത്തി​ലെ പാ​ക​പ്പി​ഴ​ക​ളും കാ​ര​ണം ശൃം​ഖ​ല സം​വി​ധാ​നം നി​ർ​ത്തു​ക​യും പാ​ഠ​പു​സ്ത​ക അ​ച്ച​ടി​യും വി​ത​ര​ണ​വും പൂ​ർ​ണ​മാ​യി കെ.​ബി.​പി.​എ​സി​നെ ഏ​ൽ​പി​ക്കു​ക​യും ചെ​യ്തു. അ​ച്ച​ടി കൃ​ത്യ​മാ​യി ന​ട​ക്കു​ന്നു​ണ്ടെ​ങ്കി​ലും വി​ത​ര​ണ​ത്തി​ൽ പാ​ളി​ച്ച​ക​ൾ വ​ന്ന​തു​മൂ​ലം പോ​സ്റ്റ് ഓ​ഫി​സ്, പ്രൈ​വ​റ്റ് കൊ​റി​യ​ർ സ​ർ​വി​സ് തു​ട​ങ്ങി​യ​വ​രെ കെ.​ബി.​പി.​എ​സ് വി​ത​ര​ണം ഏ​ൽ​പി​ച്ചു. അ​തും ഫ​ല​പ്ര​ദ​മാ​കാ​തെ വ​ന്ന​തി​നാ​ൽ പി​ന്നീ​ട് കു​ടും​ബ​ശ്രീ വ​ഴി​യാ​യി വി​ത​ര​ണം.

പു​തി​യ പ​രീ​ക്ഷ​ണ​ങ്ങ​ൾ ന​ട​പ്പാ​ക്കി​യ​പ്പോ​ൾ കോ​ടി​ക്ക​ണ​ക്കി​ന് രൂ​പ അ​ധി​ക ചെ​ല​വ് സ​ർ​ക്കാ​റി​ന് വ​രു​ക​യും അ​ച്ച​ടി​യി​ലും വി​ത​ര​ണ​ത്തി​ലും വ​ൻ ക്ര​മ​ക്കേ​ട് ക​ണ്ടെ​ത്തു​ക​യും ചെ​യ്തു. അ​തോ​ടൊ​പ്പം ഒ​മ്പ​ത്, 10 ക്ലാ​സു​ക​ളി​ലെ കു​ട്ടി​ക​ൾ​ക്ക് വി​ത​ര​ണം ചെ​യ്യു​ന്ന പാ​ഠ​പു​സ്ത​ക​ത്തി​ന്റെ വി​ല സ​ർ​ക്കാ​റി​ന് കൃ​ത്യ​മാ​യി അ​ട​ക്കാ​ത്ത​തി​നാ​ൽ ഈ ​വ​ക​യി​ൽ 100 കോ​ടി​യി​ല​ധി​കം രൂ​പ കു​ടി​ശ്ശി​ക വ​ന്ന​താ​യാ​ണ് ക​ണ​ക്കു​ക​ൾ വ്യ​ക്ത​മാ​ക്കു​ന്ന​ത്.

2018ൽ ​കെ.​ബി.​പി.​എ​സി​ൽ സ്റ്റേ​റ്റ് ടെ​ക്സ്റ്റ് ബു​ക്ക് ഓ​ഫി​സ​റു​ടെ നേ​തൃ​ത്വ​ത്തി​ൽ ന​ട​ത്തി​യ ഓ​ഡി​റ്റി​ലാ​ണ് ഇ​ത് പു​റ​ത്തു​വ​ന്ന​ത്. പ്ര​വ​ർ​ത്ത​ന​ങ്ങ​ൾ ​വി​ല​യി​രു​ത്താ​നും നി​രീ​ക്ഷി​ക്കാ​നും സം​വി​ധാ​നം ആ​വ​ശ്യ​മാ​ണെ​ന്നും റി​പ്പോ​ർ​ട്ടി​ൽ ആ​വ​ശ്യ​പ്പെ​ട്ടി​രു​ന്നു. ഇ​തി​ന്റെ ഭാ​ഗ​മാ​യാ​ണ് സ്റ്റോ​ർ കീ​പ്പ​ർ​മാ​രെ നി​യ​മി​ക്കു​ന്ന​തു​മാ​യി ബ​ന്ധ​പ്പെ​ട്ട് പൊ​തു​വി​ദ്യാ​ഭ്യാ​സ ഡ​യ​റ​ക്ട​റു​ടെ ര​ണ്ട് ഉ​ത്ത​ര​വു​ക​ൾ മാ​ർ​ച്ചി​ൽ ഇ​റ​ങ്ങി​യ​ത്.

ടെ​ക്സ്റ്റ് ബു​ക്ക് വി​ത​ര​ണം കു​ടും​ബ​ശ്രീ വ​ഴി ന​ട​ക്കു​മെ​ങ്കി​ലും പ്ര​വ​ർ​ത്ത​ന​ങ്ങ​ളു​ടെ നി​യ​ന്ത്ര​ണം വി​ദ്യാ​ഭ്യാ​സ വ​കു​പ്പി​ലെ സ്റ്റോ​ർ കീ​പ്പ​ർ​ക്കാ​യി​രി​ക്കും. അ​തേ​സ​മ​യം, നി​ല​വി​ൽ നി​യ​മി​ച്ച സ്റ്റോ​ർ കീ​പ്പ​ർ​മാ​രു​ടെ സ​ഹാ​യ​ത്തി​ന് ക്ല​ർ​ക്ക്, കൗ​ണ്ട​ർ പാ​ർ​ട്ട് ടൈം ​മീ​നി​യ​ൽ ത​സ്തി​ക​ക​ൾ കൂ​ടി അ​നു​വ​ദി​ക്ക​ണ​മെ​ന്ന് ആ​വ​ശ്യ​പ്പെ​ട്ട് കേ​ര​ള വി​ദ്യാ​ഭ്യാ​സ വ​കു​പ്പ് മി​നി​സ്റ്റീ​രി​യ​ൽ സ്റ്റാ​ഫ് യൂ​നി​യ​ൻ വി​ദ്യാ​ഭ്യാ​സ മ​ന്ത്രി, പൊ​തു​വി​ദ്യാ​ഭ്യാ​സ ഡ​യ​റ​ക്ട​ർ എ​ന്നി​വ​ർ​ക്ക് നി​വേ​ദ​നം സ​മ​ർ​പ്പി​ച്ചു. ഉ​ന്ന​ത ഉ​ദ്യോ​ഗ​സ്ഥ നി​രീ​ക്ഷ​ണം കാ​ര്യ​ക്ഷ​മ​മാ​ക്കി ഓ​ഡി​റ്റ് സം​വി​ധാ​നം പ​രി​ഷ്ക​രി​ച്ചാ​ൽ വി​ത​ര​ണ​ത്തി​ൽ നി​ല​വി​ലു​ണ്ടാ​യി​രു​ന്ന പ്ര​ശ്ന​ങ്ങ​ൾ പ​രി​ഹ​രി​ക്കാ​മെ​ന്ന് ജ​ന​റ​ൽ സെ​ക്ര​ട്ട​റി കെ.​എ​സ്. മ​ഹേ​ഷ് കു​മാ​ർ പ​റ​ഞ്ഞു.