സ്കോളർഷിപ് കിട്ടിയില്ല; പഠനം അനിശ്ചിതത്വത്തിലായി ലക്ഷദ്വീപ് വിദ്യാർഥികൾ

കൊ​ച്ചി: സ്കോ​ള​ർ​ഷി​പ് തു​ക ല​ഭ്യ​മാ​ക്കാ​നും കാ​ല​ങ്ങ​ളാ​യി മു​ട​ങ്ങി​ക്കി​ട​ക്കു​ന്ന പ​ഠ​ന​യാ​ത്ര പു​ന​രാ​രം​ഭി​ക്കാ​നും ല​ക്ഷ​ദ്വീ​പ് ഭ​ര​ണ​കൂ​ടം ന​ട​പ​ടി​യെ​ടു​ക്കാ​ത്ത​തി​നാ​ൽ ബു​ദ്ധി​മു​ട്ടി​ലാ​യി വി​ദ്യാ​ർ​ഥി​ക​ൾ. ര​ണ്ട് വ​ർ​ഷ​മാ​യി സ്കോ​ള​ർ​ഷി​പ് ര​ജി​സ്ട്രേ​ഷ​നും പു​തു​ക്ക​ലും സാ​ധ്യ​മാ​കാ​ത്ത​തി​നാ​ൽ ദ്വീ​പി​ന് പു​റ​ത്തെ​ത്തി പ​ഠി​ക്കു​ന്ന കു​ട്ടി​ക​ളു​ടെ ഭാ​വി അ​നി​ശ്ചി​ത​ത്വ​ത്തി​ലാ​ണ്.

നൂ​റു​ക​ണ​ക്കി​ന് വി​ദ്യാ​ർ​ഥി​ക​ൾ കോ​ഴ്സ് ഫീ​സ് പോ​ലും അ​ട​ക്കാ​നാ​കാ​തെ പ​ഠ​നം​ത​ന്നെ ഉ​പേ​ക്ഷി​ക്കേ​ണ്ട സ്ഥി​തി​യി​ലാ​ണെ​ന്ന് വി​ദ്യാ​ർ​ഥി സം​ഘ​ട​ന നേ​താ​ക്ക​ൾ പ​റ​ഞ്ഞു. ല​ക്ഷ​ദ്വീ​പ് ഭ​ര​ണ​കൂ​ടം നേ​രി​ട്ട് ന​ൽ​കി​യി​രു​ന്ന സ്കോ​ള​ർ​ഷി​പ് 2020 മു​ത​ൽ നാ​ഷ​ന​ൽ സ്കോ​ള​ർ​ഷി​പ് പോ​ർ​ട്ട​ലി​ലേ​ക്ക് മാ​റ്റി​യി​രു​ന്നു. ഇ​തി​ൽ ല​ക്ഷ​ദ്വീ​പ് വി​ദ്യാ​ർ​ഥി​ക​ൾ​ക്ക് ര​ജി​സ്ട്രേ​ഷ​ന് പ്ര​ത്യേ​ക സം​വി​ധാ​ന​മാ​ണു​ള്ള​ത്. ര​ണ്ട് വ​ർ​ഷ​മാ​യി ഇ​ത് തു​റ​ക്കാ​നാ​കു​ന്നി​ല്ലെ​ന്നാ​ണ് പ​രാ​തി.

ദ്വീ​പി​ന് പു​റ​ത്തു​പോ​യി പ​ഠി​ക്കാ​ൻ ആ​ഗ്ര​ഹി​ക്കു​ന്ന കു​ട്ടി​ക​ൾ അ​ഡ്മി​നി​സ്ട്രേ​ഷ​ന്‍റെ കൗ​ൺ​സ​ലി​ങ്ങി​ൽ പ​ങ്കെ​ടു​ത്ത് കോ​ഴ്സ് തീ​രു​മാ​നി​ച്ചാ​ണ് സ്ഥാ​പ​ന​ങ്ങ​ളി​ലെ​ത്തു​ന്ന​ത്. ഇ​തു പ്ര​കാ​രം കോ​ഴ്സ് ഫീ​സ്, ഹോ​സ്റ്റ​ൽ ഫീ​സ് അ​ട​ക്കം ചെ​ല​വു​ക​ൾ സ്കോ​ള​ർ​ഷി​പ് തു​ക​യാ​യി ഭ​ര​ണ​കൂ​ടം നേ​രി​ട്ട് കോ​ള​ജി​ൽ അ​ട​ക്കു​മാ​യി​രു​ന്നു.

നാ​ഷ​ന​ൽ സ്കോ​ള​ർ​ഷി​പ് പോ​ർ​ട്ട​ലി​ലേ​ക്ക് മാ​റ്റി​യ ശേ​ഷം 2021ൽ ​വ​ള​രെ കു​റ​ച്ച് വി​ദ്യാ​ർ​ഥി​ക​ൾ​ക്ക് ര​ജി​സ്ട്രേ​ഷ​ൻ ചെ​യ്യാ​നാ​യി. ക​ഴി​ഞ്ഞ ര​ണ്ട് വ​ർ​ഷ​ങ്ങ​ളി​ലും ര​ജി​സ്ട്രേ​ഷ​ൻ സാ​ധി​ക്കു​ന്നി​ല്ല. വി​ദ്യാ​ർ​ഥി​ക​ൾ സ്വ​യം പ​ണ​മ​ട​ച്ച് ബി​ല്ലു​ക​ൾ ന​ൽ​കി​യാ​ലേ സ്കോ​ള​ർ​ഷി​പ് അ​നു​വ​ദി​ക്കു​ക​യു​ള്ളൂ​വെ​ന്ന ന​യം സാ​ധാ​ര​ണ​ക്കാ​രാ​യ കു​ട്ടി​ക​ൾ​ക്ക് ബു​ദ്ധി​മു​ട്ടാ​കു​ന്നു​മു​ണ്ട്.

കോ​വി​ഡ് കാ​ല​ത്ത് നി​ർ​ത്തി​യ ഒ​മ്പ​ത്, പ്ല​സ് വ​ൺ ക്ലാ​സു​ക​ളി​ലെ പ​ഠ​ന​യാ​ത്ര​യും പു​ന​രാ​രം​ഭി​ച്ചി​ട്ടി​ല്ല. ഇ​തി​നെ​തി​രെ പ്ര​തി​ഷേ​ധി​ച്ച​പ്പോ​ൾ സെ​പ്റ്റം​ബ​റി​ൽ പു​ന​രാ​രം​ഭി​ക്കു​മെ​ന്നാ​യി​രു​ന്നു അ​റി​യി​പ്പ്.

പ്ര​തി​ഷേ​ധ​ങ്ങ​ൾ മു​ഖ​വി​ല​യ്​​ക്കെ​ടു​ക്കാ​ത്ത സാ​ഹ​ച​ര്യ​ത്തി​ൽ സ്കോ​ള​ർ​ഷി​പ് വി​ഷ​യ​ത്തി​ൽ കോ​ട​തി​യെ സ​മീ​പി​ക്കാ​നാ​ണ് തീ​രു​മാ​ന​മെ​ന്ന് ല​ക്ഷ​ദ്വീ​പ് സ്റ്റു​ഡ​ന്‍റ്​​സ്​ അ​സോ​സി​യേ​ഷ​ൻ (എ​ൽ.​എ​സ്.​എ) ഭാ​ര​വാ​ഹി​ക​ൾ ‘മാ​ധ്യ​മ’​ത്തോ​ട് പ​റ​ഞ്ഞു. പ്ര​തി​ഷേ​ധി​ച്ച വി​ദ്യാ​ർ​ഥി​ക​ൾ​ക്കെ​തി​രെ അ​ധി​കൃ​ത​ർ ന​ട​പ​ടി​യെ​ടു​ത്തി​രി​ക്കു​ക​യാ​ണെ​ന്നും അ​തി​നെ​തി​രെ മു​ഴു​വ​ൻ ദ്വീ​പു​ക​ളി​ലും സ​മ​രം സം​ഘ​ടി​പ്പി​ക്കു​മെ​ന്നും എ​ൽ.​എ​സ്.​എ പ്ര​സി​ഡ​ന്‍റ്​ സ​യ്യി​ദ് മു​ഹ​മ്മ​ദ് അ​നീ​സ് അ​റി​യി​ച്ചു.